„საქართველოს რეგიონული განვითარებისა და ინფრასტრუქტურის სამინისტროს გამგებლობაში არსებული სახელმწიფო საქვეუწყებო დაწესებულების – საქართველოს საავტომობილო გზების დეპარტამენტის დებულების დამტკიცების შესახებ“ საქართველოს რეგიონული განვითარებისა და ინფრასტრუქტურის მინისტრის 2009 წლის 14 აგვისტოს №8/ნ ბრძანებაში ცვლილების შეტანის თაობაზე

ა) მე-6 მუხლს დაემატოს შემდეგი შინაარსის „უ¹“, „უ²“ და „უ³“ ქვეპუნქტები:

„უ¹) დეპარტამენტის ბალანსზე არსებული მატერიალური და არამატერიალური აქტივების დადგენილი წესით აღრიცხვის წარმოება და ჩამოსაწერი ქონების ხელმძღვანელობის წინაშე წარდგენა შესაბამისი წესით მათ ჩამოწერაზე;

უ²) დეპარტამენტის მოხელეთათვის შრომის ნორმალური პირობების შექმნა, გამოყოფილი სამეურნეო სახსრების მიზნობრივი ხარჯვა დეპარტამენტის თავმჯდომარესთან შეთანხმებით;

უ³) ფასეულობების აღრიცხვა და დეპარტამენტის ბალანსზე რიცხულ სამეურნეო ინვენტარზე, სატრანსპორტო საშუალებებსა და დეპარტამენტის საქმიანობისათვის განკუთვნილ ფასეულობებზე მატერიალური პასუხისმგებლობა;“;

ბ) მე-7 მუხლის „ნ“, „ო“ და „პ“ ქვეპუნქტები ამოღებულ იქნეს.