,,აფხაზეთის ავტონომიური რესპუბლიკის ფინანსთა და ეკონომიკის სამინისტროს მმართველობის სფეროში არსებული საჯარო სამართლის იურიდიული პირის - „აფხაზეთის ავტონომიური რესპუბლიკის საინფორმაციო უზრუნველყოფის ცენტრის“ მოხელეთა ვაკანტური თანამდებობების დასაკავებლად კანდიდატებისათვის დამატებითი საკვალიფიკაციო მოთხოვნებისა და საკონკურსო თემატიკის დამტკიცების შესახებ“აფხაზეთის ავტონომიური რესპუბლიკის ფინანსთა და ეკონომიკის მინისტრის 2014 წლის 8 დეკემბრის №01/46 ბრძანებაში ცვლილების შეტანის შესახებ

აფხაზეთის ავტონომიური რესპუბლიკის ფინანსთა და ეკონომიკის მინისტრის

ბრძანება № 01/47

2014 წლის 17 დეკემბერი

    ქ. თბილისი

,,აფხაზეთის ავტონომიური რესპუბლიკის ფინანსთა და ეკონომიკის სამინისტროს მმართველობის სფეროში არსებული საჯარო სამართლის იურიდიული პირის -  „აფხაზეთის ავტონომიური რესპუბლიკის საინფორმაციო უზრუნველყოფის ცენტრის“ მოხელეთა ვაკანტური თანამდებობების დასაკავებლად კანდიდატებისათვის დამატებითი საკვალიფიკაციო მოთხოვნებისა და საკონკურსო თემატიკის დამტკიცების შესახებ“აფხაზეთის ავტონომიური რესპუბლიკის ფინანსთა და ეკონომიკის მინისტრის 2014 წლის 8 დეკემბრის №01/46 ბრძანებაში ცვლილების შეტანის შესახებ

„ნორმატიული აქტების შესახებ“ საქართველოს კანონის მე-20 მუხლისა და „ნორმატიული აქტების შესახებ“ აფხაზეთის ავტონომიური რესპუბლიკის კანონის მე-18 მუხლის შესაბამისად, ვბრძანებ:

მუხლი 1. ,,აფხაზეთის ავტონომიური რესპუბლიკის ფინანსთა და ეკონომიკის სამინისტროს მმართველობის სფეროში არსებული საჯარო სამართლის იურიდიული პირის - „აფხაზეთის ავტონომიური რესპუბლიკის საინფორმაციო უზრუნველყოფის ცენტრის“ მოხელეთა ვაკანტურითანამდებობების დასაკავებლად კანდიდატებისათვის დამატებითი საკვალიფიკაციო მოთხოვნებისა და საკონკურსო თემატიკის დამტკიცების შესახებ“ აფხაზეთის ავტონომიური რესპუბლიკის ფინანსთა და ეკონომიკის მინისტრის 2014 წლის 8 დეკემბრის №01/46 ბრძანებით (სსმ. ვებგვერდი, 8.12. 2014 წელი, სარეგისტაციო კოდი  010340000.33.062.016074) დამტკიცებულ დანართში შეტანილ იქნეს ცვლილებები და დანართს დაემატოს შემდეგი შინაარსის მე- 6, მე-7, მე-8 პუნქტები:

„6. აფხაზეთის ავტონომიური რესპუბლიკის ფინანსთა და ეკონომიკის სამინისტროს სსიპ - „აფხაზეთის ავტონომიური რესპუბლიკის საინფორმაციო უზრუნველყოფის ცენტრი“-ს საიტის ადმინისტრატორის  ვაკანტური თანამდებობის დასაკავებლად კანდიდატებისათვის დადგენილია შემდეგი დამატებითი საკვალიფიკაციო მოთხოვნები და საკონკურსო თემატიკა:

6.1.  საკვალიფიკაციო მოთხოვნები:

ა) უმაღლესი განათლება;

ბ) რუსული და ინგლისური ენების სრულყოფილად ცოდნა;

გ) საოფისე პროგრამების ცოდნა (Microsoft Office Word, Microsoft Office Excel, Microsoft Office PowerPoint, Microsoft Office Outlook, adobe photoshop, HTML, ინტერნეტი);

დ) გუნდური მუშაობის უნარი, კომუნიკაბელურობა და ორგანიზებულობა.

6.2. საკონკურსო თემატიკა:

აფხაზეთის ავტონომიური რესპუბლიკის მთავრობის 2014 წლის 16 აპრილის №27 დადგენილება „საჯარო სამართლის იურიდიული პირის „აფხაზეთის ავტონომიური რესპუბლიკის საინფორმაციო უზრუნველყოფის ცენტრი“-ს დებულების დამტკიცების შესახებ“.

7. აფხაზეთის ავტონომიური რესპუბლიკის ფინანსთა და ეკონომიკის სამინისტროს სსიპ - „აფხაზეთის ავტონომიური რესპუბლიკის საინფორმაციო უზრუნველყოფის ცენტრი“-ს ჟურნალისტის ვაკანტური თანამდებობის დასაკავებლად კანდიდატებისათვის დადგენილია შემდეგი დამატებითი საკვალიფიკაციო მოთხოვნები და საკონკურსო თემატიკა:

7.1.  საკვალიფიკაციო მოთხოვნები:

ა) უმაღლესი განათლება;

ბ) ჩამოთვლილთაგან ერთ-ერთი უცხო ენის (რუსული, ინგლისური, გერმანული და ფრანგული) სრულყოფილად ცოდნა;

გ) ექსტრემალურ სიტუაციაში მუშაობის უნარი;

დ) ინფორმაციის ეფექტურად გადაცემის უნარი;

ე) გუნდური მუშაობის უნარი, კომუნიკაბელურობა და ორგანიზებულობა.

ვ) საოფისე პროგრამების ცოდნა.

7.2. საკონკურსო თემატიკა:

ა) ჟურნალისტური ეთიკის ქარტია;

ბ) აფხაზეთის ავტონომიური რესპუბლიკის მთავრობის 2014 წლის 16 აპრილის №27 დადგენილება „საჯარო სამართლის იურიდიული პირის „აფხაზეთის ავტონომიური რესპუბლიკის საინფორმაციო უზრუნველყოფის ცენტრი“-ს დებულების დამტკიცების შესახებ“.

8. აფხაზეთის ავტონომიური რესპუბლიკის ფინანსთა და ეკონომიკის სამინისტროს სსიპ - „აფხაზეთის ავტონომიური რესპუბლიკის საინფორმაციო უზრუნველყოფის ცენტრი“-ს პროდიუსერის ვაკანტური თანამდებობის დასაკავებლად კანდიდატებისათვის დადგენილია შემდეგი დამატებითი საკვალიფიკაციო მოთხოვნები და საკონკურსო თემატიკა:

8.1.  საკვალიფიკაციო მოთხოვნები:

ა) უმაღლესი განათლება;

ბ) ჩამოთვლილთაგან ერთ-ერთი უცხო ენის (რუსული, ინგლისური, გერმანული და ფრანგული) სრულყოფილად ცოდნა;

გ) ტელევიზიაში მთავარ რედაქტორად ან პროდიუსერად მუშაობის არანაკლებ 5-წლიანი გამოცდილება;

დ) სტრატეგიული დაგეგმვისა და მართვის გამოცდილება;

ე) მედია რეგულაციების ღრმა ცოდნა და პროფესიული პრინციპების ერთგულება;

ვ) სატელევიზიო ხელოვნების ცოდნა;

ზ) სტრესულ-ექსტრემალურ სიტუაციაში მაღალი კონცენტრაციის უნარი;

თ) საოფისე პროგრამების ცოდნა.

8.2. საკონკურსო თემატიკა:

ა) ჟურნალისტური ეთიკის ქარტია;

ბ) აფხაზეთის ავტონომიური რესპუბლიკის მთავრობის 2014 წლის 16 აპრილის №27 დადგენილება „საჯარო სამართლის იურიდიული პირის „აფხაზეთის ავტონომიური რესპუბლიკის საინფორმაციო უზრუნველყოფის ცენტრი“-ს დებულების დამტკიცების შესახებ.“.

მუხლი 2. ბრძანება ამოქმედდეს გამოქვეყნებისთანავე.

მინისტრი                                                                                    მურმან  ფარფალია