შპს „ჰუმან დიაგნოსტიკ ჯორჯიას“ საქმიანობის ხელშესაწყობად რიგი ღონისძიებების განხორციელების თაობაზე

საქართველოს მთავრობის

განკარგულება №2239

2014 წლის 10 დეკემბერი

ქ. თბილისი

შპს „ჰუმან დიაგნოსტიკ ჯორჯიას“ საქმიანობის ხელშესაწყობად რიგი ღონისძიებების განხორციელების თაობაზე

1. „სახელმწიფო ქონების შესახებ“ საქართველოს კანონის 49¹ მუხლის პირველი და მე-2 პუნქტების შესაბამისად, გაუქმდეს „შპს „გენეტიკური ეკოლოგიის ცენტრის“-ს სახელმწიფო საკუთრებაში არსებული 100% წილის კონკურსის ფორმით პრივატიზების შესახებ“ საქართველოს ეკონომიკური განვითარების მინისტრის 2004 წლის 22 ნოემბრის №1-1/222 ბრძანების მე-3 პუნქტით გათვალისწინებული პირობები იმ პირობით, რომ შპს „ჰუმან დიაგნოსტიკ ჯორჯია“ (ს/კ 202161640), ამ განკარგულების გამოცემიდან 4 (ოთხი) თვის განმავლობაში, უზრუნველყოფს სახელმწიფო ბიუჯეტის სასარგებლოდ 20 000 (ოცი ათასი) აშშ დოლარის ეკვივალენტის ეროვნულ ვალუტაში გადახდას, ყოველთვიურად, 5 000 (ხუთი ათასი) აშშ დოლარის ეკვივალენტის ეროვნულ ვალუტაში ჩარიცხვის გზით.

2. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა – სახელმწიფო ქონების ეროვნულმა სააგენტომ, ამ განკარგულების შესრულების მიზნით, განახორციელოს კანონმდებლობით გათვალისწინებული შესაბამისი ღონისძიებები.

პრემიერ-მინისტრი                                                                  ირაკლი ღარიბაშვილი