შპს „ენერგო-არაგვის“ საქმიანობის ხელშესაწყობად რიგ ღონისძიებათა განხორციელების თაობაზე

საქართველოს მთავრობის

განკარგულება №2166

2014 წლის 3 დეკემბერი

ქ. თბილისი

შპს „ენერგო-არაგვის“ საქმიანობის ხელშესაწყობად რიგ ღონისძიებათა განხორციელების თაობაზე

„სახელმწიფო ქონების შესახებ“ საქართველოს კანონის 49¹ მუხლის პირველი პუნქტის შესაბამისად, შპს „ენერგო-არაგვი“ (ს/კ N204515177) გათავისუფლდეს საქართველოს ეკონომიკისა და მდგრადი განვითარების სამინისტროსა (უფლებამონაცვლე - საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ -სახელმწიფო ქონების ეროვნული სააგენტო) და შპს „ენერგო-არაგვს“ შორის 2011 წლის 11 ნოემბერს გაფორმებული ნასყიდობის ხელშეკრულების 3.1.8 მუხლით გათვალისწინებული ვალდებულების არაჯეროვანი შესრულებისათვის ამავე ხელშეკრულების 5.2.4 მუხლის საფუძველზე და საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ - სახელმწიფო ქონების ეროვნულ სააგენტოს და შპს „ენერგო-არაგვს“ შორის 2013 წლის 13 მაისს გაფორმებული ნასყიდობის ხელშეკრულების 3.1.1 და 3.1.2 მუხლებით გათვალისწინებული ვალდებულების არაჯეროვანი შესრულებისათვის ამავე ხელშეკრულების 5.2.2 მუხლის საფუძველზე დაკისრებული პირგასამტეხლოსგან.

პრემიერ-მინისტრი                                           ი . ღარიბაშვილი