სს „სილქნეტისათვის“ სახელმწიფო ტყის ფონდით სპეციალური დანიშნულებით სარგებლობის ვადის განსაზღვრის შესახებ

საქართველოს მთავრობის

განკარგულება №2163

2014 წლის 3 დეკემბერი

ქ. თბილისი

სს ,,სილქნეტისათვის“ სახელმწიფო ტყის ფონდით სპეციალური დანიშნულებით სარგებლობის ვადის განსაზღვრის შესახებ

საქართველოს ტყის კოდექსის 52-ე მუხლის, „ტყითსარგებლობის წესის დამტკიცების შესახებ“ საქართველოს მთავრობის 2010 წლის 20 აგვისტოს №242 დადგენილებით დამტკიცებული ,,ტყითსარგებლობის წესის“ 27¹  მუხლის პირველი პუნქტის „ა“ ქვეპუნქტის, 27⁴ მუხლის მე-5 პუნქტისა და 27⁵ მუხლის პირველი პუნქტის საფუძველზე:

1. ოპტიკურ-ბოჭკოვანი კაბელის განთავსების მიზნით, სს ,,სილქნეტს“ სახელმწიფო ტყის ფონდით სპეციალური დანიშნულებით სარგებლობის (ხე-მცენარეების მოჭრის უფლების გარეშე) ვადა, არა უმეტეს 49 წლით, განესაზღვროს სახელმწიფო ტყის ფონდის შემდეგ ტერიტორიებზე:

ა) სსიპ - ეროვნული სატყეო სააგენტოს მართვას დაქვემდებარებულ ადიგენისა და წალკა-თეთრიწყაროს სატყეო უბნებში მდებარე 1 671 კვ.მ ფართობებზე (დანართის შესაბამისად);

ბ) სსიპ - ეროვნული სატყეო სააგენტოს მართვას დაქვემდებარებული თელავის სატყეო უბნის ნაფარეულის სატყეოს კვარტალი №85-ის ლიტერ №8, №11, №12 და №13-ში მდებარე 75 კვ.მ ფართობზე;

გ) სსიპ - დაცული ტერიტორიების სააგენტოს მართვას დაქვემდებარებულ ალგეთის ეროვნული პარკის ტერიტორიაზე მდებარე 364 კვ.მ ფართობზე;

დ) სსიპ - აჭარის სატყეო სააგენტოს მართვას დაქვემდებარებულ შუახევის, ხულოს და ქედის სატყეო ადმინისტრაციებში მდებარე 782,8 კვ.მ ფართობზე.

2. ტყითსარგებლობასთან დაკავშირებული რეკრეაციულ/საკონსერვაციო დანიშნულების საკომპენსაციო ღონისძიებების განსახორციელებლად, სს ,,სილქნეტმა“ უზრუნველყოს:

ა) სსიპ - ეროვნული სატყეო სააგენტოს მართვას დაქვემდებარებული სამცხე-ჯავახეთის სატყეო სამსახურის ადიგენის სატყეო უბნის ადიგენის სატყეოს კვარტალი №4-ის ლიტერ №2-ში 1 746 კვ.მ ფართობზე ტყის აღდგენის ღონისძიებების (ნიადაგის მომზადება და ტყის კულტურების გაშენება) განხორციელება, 2015 წლის 15 მარტიდან პირველ მაისამდე;

ბ) სსიპ - ეროვნულ სატყეო სააგენტოში ამ განკარგულების მე-2 პუნქტის „ა“ ქვეპუნქტით გათვალისწინებული ტყის აღდგენის ღონისძიებების პროექტის დასამტკიცებლად წარდგენა, სპეციალური დანიშნულებით ტყითსარგებლობის ხელშეკრულების გაფორმებიდან 1 (ერთი) თვის ვადაში;

 გ) სსიპ - დაცული ტერიტორიების სააგენტოსთვის ალგეთის ეროვნული პარკის ტერიტორიაზე ტყითსარგებლობაში გადაცემული ფართობის შესაბამისი ფართობისთვის 13 (ცამეტი) ცალი ფოტოხაფანგის (Code Black 3G Model №2724 (Solid Color) &2427 (Mossy Oak Camo)) კომპლექტის გადაცემა, სპეციალური დანიშნულებით ტყითსარგებლობის ხელშეკრულების გაფორმებიდან 2 (ორი) თვის ვადაში;

 დ) 2015 წლის 15 აპრილამდე სსიპ - აჭარის სატყეო სააგენტოს მართვას დაქვემდებარებულ შუახევის სატყეოს კვარტალ №1-ში - 270 კვ.მ, ქედის სატყეო ადმინისტრაციის მერისის სატყეოს კვარტალ ,,ზენდიდში“ - 250 კვ.მ და ხულოს სატყეო ადმინისტრაციის ზეგნის სატყეოს კვარტალ ,,ჩაოში“ - 262,8 კვ.მ ფართობების შეღობვა ეკლიანი მავთულით, გაწმენდა/მოხვნა და შემდეგი 3 (სამი) წლის განმავლობაში მოვლა/დაცვა.

პრემიერ-მინისტრი                                ი. ღარიბაშვილი