დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „თიღვის მუნიციპალიტეტის 2014 წლის ბიუჯეტის დამტკიცების შესახებ“ თიღვის მუნიციპალიტეტის საკრებულოს 2013 წლის 23 დეკემბრის №18 დადგენილებაში ცვლილების შეტანის თაობაზე | |
|---|---|
| დოკუმენტის ნომერი | 34 |
| დოკუმენტის მიმღები | თიღვის მუნიციპალიტეტი |
| მიღების თარიღი | 15/12/2014 |
| დოკუმენტის ტიპი | მუნიციპალიტეტის საკრებულოს დადგენილება |
| გამოქვეყნების წყარო, თარიღი | ვებგვერდი, 18/12/2014 |
| სარეგისტრაციო კოდი | 190020020.35.145.016086 |
|
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე, თიღვის მუნიციპალიტეტის საკრებულო ა დ გ ე ნ ს: |
| მუხლი 1 |
„თიღვის მუნიციპალიტეტის 2014 წლის ბიუჯეტის დამტკიცების შესახებ“ თიღვის მუნიციპალიტეტის საკრებულოს 2013 წლის 23 დეკემბრის №18 დადგენილებაში (სსმ, ვებგვერდი, 27/12/2013; 190020020.35.145.016051) შეტანილ იქნეს შემდეგი ცვლილება:
ა) დადგენილების 1-ლი მუხლი ჩამოყალიბდეს შემდეგი რედაქციით: ,,მუხლი 1. თიღვის მუნიციპალიტეტის 2014 წლის ბიუჯეტის ბალანსი განისაზღვროს თიღვის მუნიციპალიტეტის ბიუჯეტის ბალანსი თანდართული რედაქციით:
ბ) დადგენილების მე-7 მუხლი ჩამოყალიბდეს შემდეგი რედაქციით: ,, მუხლი 7. მუნიციპალიტეტის ბიუჯეტის ხარჯები. განისაზღვროს თიღვის მუნიციპალიტეტის ბიუჯეტის ხარჯები 1.539.4 ათასი ლარის ოდენობით, თანდართული რედაქციით:
გ) დადგენილების მე-9 მუხლი ჩამოყალიბდეს შემდეგი რედაქციით: ,, მუხლი 9. მუნიციპალიტეტის ბიუჯეტის ხარჯებისა და არაფინანსური აქტივების ზრდის ფუნქციონალური კლასიფიკაცია განისაზღვროს მუნიციპალიტეტის ბიუჯეტის ხარჯების და არაფინანსური აქტივების ზრდა ფუნქციონალურ ჭრილში, თანდართული რედაქციით:
დ) დადგენილების მე-16 მუხლი ჩამოყალიბდეს შემდეგი რედაქციით: ,, მუხლი 16. მუნიციპალიტეტის ბიუჯეტის პრიორიტეტები და პროგრამები 1 თავდაცვა, საზოგადოებრივი წესრიგი და უსაფრთხოება ქვეყნის თავდაცვისუნარიანობის ამაღლების ხელშეწყობა ( პროგრამული კოდი 02 03) საქართველოს შეიარაღებული ძალების საბრძოლო მზადყოფნის ამაღლებისათვის თიღვის მუნიციპალიტეტში ხორციელდება წვევამდელთა ჯანმრთელობის მდგომარეობის გამოკვლევა და მათი გაწვევის პუნქტამდე ტრანსპორტირების უზრუნველყოფა.
2. ინფრასტრუქტურის მშენებლობა, რეაბილიტაცია და ექსპლოატაცია (პროგრამული კოდი ( 03 00) თიღვის მუნიციპალიტეტის ეკონომიკური განვითარებისათვის აუცილებელ პირობას წარმოადგენს მუნიციპალური ინფრასტრუქტურის შემდგომი გაუმჯობესება. აღნიშნული მიმართულება ბიუჯეტის ერთ-ერთ მთავარი პრიორიტეტია. პრიორიტეტის ფარგლებში გაგრძელდება ინფრასტრუქტურის მშენებლობა-რეაბილიტაცია და ექსპლოატაცია. კომუნალური ინფრასტრუქტურის განვითარება, იძულებით გადაადგილებულ პირთა კომპაქტურ დასახლებებში საცხოვრებელი სახლების იატაკების რეაბილიტაცია, სამეურნეო დანიშნულების სათავსოების მოწყობა და მრავალბინიანი საცხოვრებელი სახლების გადახურვის სამუშაოები. დევნილთა საცხოვრებელი უბნების ეზოების, და მაღალსართულიანი კორპუსების კეთილმოწყობა. ქარელის ტერიტორიაზე ყოფილი ელექტრო მექანიკური ტექნიკუმის და პროფტექნიკუმის პირველ და მეორე კორპუსის დევნილთა ჩასახლების წყალმომარაგების შენობის სარემონტო სამუშაოები. სოფ. მოხისის დევნილთა ჩასახლებაში სველი წერტილების მოწყობის სამუშაოები. სოფელ წინამძღვრიანთკარში ყოფილი ტელევიზიის პირველ და მეორე კორპუსებში საკვამური არხების მოწყობის სამუშაოები. ქ. ხაშურის #2 საბავშვო ბაღის დევნილთა დასახლებაში სახურავის საწვიმარების მოწყობის სამუშაოები. მუნიციპალური ინფრასტრუქტურის მშენებლობისა და რეაბილიტაციის გარდა პრიორიტეტის ფარგლებში განხორციელდება არსებული ინფრასტრუქტურის მოვლა–შენახვა და დაფინანსდება მის ექსპლოატაციასთან დაკავშირებული ხარჯები.
ა) კომუნალური ინფრასტრუქტურის განვითარება(პროგრამული კოდი 03 01) თიღვის მუნიციპალიტეტის ეკონომიკური განვითარებისათვის აუცილებელ პირობას წარმოადგენს კომუნალური ინფრასტრუქტურის შემდგომი გაუმჯობესება. პროგრამის ფარგლებში დაგეგმილია დევნილთა ჩასახლებებში საცხოვრებელი პირობების გაუმჯობესება, საცხოვრებელი ბინების სახურავების რეაბილიტაცია, დაგეგმილია სამეურნეო დანიშნულების სათავსოების მოწყობა, აგრეთვე საცხოვრებელ ბინებში იატაკის შეცვლა, რაც მნიშვნელოვნად გააუმჯობესებს თიღვის მუნიციპალიტეტში მცხოვრებ დევნილების საყოფაცხოვრებო პირობებს.
ა.ა) გარე განათების რეაბილიტაცია და ექსპლოატაცია (პროგრამული კოდი 03 01 01) დღე-ღამის ნებისმიერ დროს მოსახლეობის კომფორტული და უსაფრთხო გადაადგილებისათვის აუცილებელ პირობას წარმოადგენს თიღვის მუნიციპალიტეტის დევნილთა კომპაქტურ ჩასახლებებში გარე განათება, რისი გათვალისწინებითაც პროგრამის ფარგლებში დაფინანსდება გარე განათების არსებული ქსელის რეაბილიტაცია.
ა.ბ) იძულებით გადაადგილებულ პირთა კომპაქტურ დასახლებებში საცხოვრებელი ბინების სახურავების რეაბილიტაციის ღონისძიებები (პროგრამული კოდი 03 01 02) ქვეპროგრამის ფარგლებში დაგეგმილია ქ. ხაშურის #2 საბავშვო ბაღის დევნილთა დასახლებაში სახურავის საწვიმარების მოწყობის სამუშაოები, 8 ცალი ძაბრის შცვლა თუნუქის ძაბრით და დაახლოებით 80 მ. 100 მმ-იანი პოლიეთილენის მილის შესყიდვა და შეცვლის სამუშაოები.
ა.გ) იძულებით გადაადგილებულ პირთა კომპაქტურ დასახლებაში სამეურნეო დანიშნულების სათავსოების მოწყობა და მრავალბინიანი საცხოვრებელი სახლების კარ–ფანჯრების შეცვლა, იატაკის რეაბილტაცია და გამაგრებითი სამუშაოები. (პროგრამული კოდი 03 01 04) ქვეპროგრამის ფარგლებში დაგეგმილია თიღვის მუნიციპალიტეტის დევნილთა კომპაქტურ ჩასახლებებში შემდეგი ღონისძიებები, ქარელის მუნიციპალიტეტის სოფ. მოხისის 58, და ახალსოფლის 97 საცხოვრებელ ბინაში იატაკის შეცვლა, თითოეულში დაახლოებით 30 კვ. მეტრი. ქარელის ტერიტორიაზე ყოფილი ელექტრო მექანიკური ელ.ტექნიკუმის და პროფტექნიკუმის პირველ და მეორე კორპუსის დევნილთა ჩასახლების წყალმომარაგების შენობის სარემონტო სამუშაოები. სოფელ მოხისის დევნილთა ჩასახლებაში 37 კოტეჯის (22 დან 58) სველი წერტილების მოწყობის სამუშაოები. სოფელ წინამძღვრიანთკარში ყოფილი ტელევიზიის პირველ და მეორე კორპუსებში საკვამური არხების მოწყობის სამუშაოები.
ა.დ) წყლის სისტემის მოწყობა, რეაბილიტაცია და ექსპლოატაცია (პროგრამული კოდი 03 01 05) ქვეპროგრამის ფარგლებში დაგეგმილია მუნიციპალიტეტში არსებულ კომპაქტურ ჩასახლებებში წყლის საქაჩი ტუმბოების დამონტაჟება და სასმელი წყლის სისტემის მოწყობა-რეაბილიტაცია. აგრეთვე კომპაქტურ ჩასახლებაში დევნილი მოსახლეობის კანალიზაციის გარე გაყვანილობის ქსელის მოწყობითი სამუშაოები.
3. საგანმანათლებლო ღონისძიებები (პროგრამული კოდი 04 00) თიღვის მუნიციპალიტეტი მომავალი თაობის აღზრდის მიმართულებით დიდ ყურადღებას ანიჭებს სკოლამდელ აღზრდას. მუნიციპალიტეტი განაგრძობს საგანმანათლებლო ობიექტების ფინანსურ მხარდაჭერას და შესაბამისი პირობების შექმნას, რათა ბავშვებმა შეძლონ საფუძვლის შექმნა მათი შემდგომი განვითარებისათვის. ა) სკოლამდელი დაწესებულება (პროგრამული კოდი 04 01) თიღვის მუნიციპალიტეტის დევნილთა ჩასახლებაში ფუნქციონირებს ორი საბავშვო ბაღი. სოფელ მოხისის საბავშვო ბაღი და სოფელ ახალსოფლის საბავშვო ბაღი, სადაც არის- 40 აღსაზრდელი. ამ პროგრამის ფარგლებში მუნიციპალიტეტი აფინანსებს ბაღების ფუნქციონირებას, აგრეთვე უზრუნველყოფს მას საჭირო ინვენტარით. განხორციელდება სასმელი წყლის მილების დამონტაჟება (დაქსელვა). 4. კულტურა რელიგია, ახალგაზრდობის ხელშეწყობა (პროგრამული კოდი 05 00) მუნიციპალიტეტის ინფრასტრუქტურული და ეკონომიკური განვითარების პარალელურად, აუცილებელია ხელი შეეწყოს კულტურული ტრადიციების დაცვას და მის ღირსეულ გაგრძელებას. ამასთანავე, ერთ-ერთი პრიორიტეტია ახალგაზრდების მრავალმხრივი (როგორც სულიერი, ისე ფიზიკური თვალსაზრისით) განვითარების ხელშეწყობა და მათში ცხოვრების ჯანსაღი წესის დამკვიდრება. შესაბამისად, მუნიციპალიტეტი განაგრძობს კულტურული ობიექტების ფინანსურ მხარდაჭერას, წარმატებული სპორტსმენების ხელშეწყობას და შესაბამისი პირობების შექმნას, რათა ნიჭიერმა ბავშვებმა და ახალგაზრდებმა შეძლონ მათი სპორტული შესაძლებლობების გამოვლინება. ა) სპორტის განვითარების ხელშეწყობა (პროგრამული კოდი 05 01) ამ პროგრამის ფარგლებში ხორციელდება სხვადასხვა ფინანსური მხარდაჭერა, რათა მათ ჰქონდეთ შესაძლებლობა სხვადასხვა ღონისძიებების ჩასატარებლად. უზრუნველყონ სპორტსმენებისათვის სავარჯიშო პირობების შექმნა და ნიჭიერი სპორტსმენების წახალისება. აგრეთვე გაიმართება და დაფინანსდება სხვადასხვა სპორტული შეჯიბრებები. ა.ა) სპორტული სკოლების ხელისშეწყობა (პროგრამული კოდი 05 01 01) პროგრამის ფარგლებში განხორციელდება სხვადასხვა სპორტული ორგანიზაციების და კლუბების ფინანსური მხარდაჭერა, რათა მათ ჰქონდეთ შესაძლებლობა უზრუნველყონ სპორტსმენებისათვის სავარჯიშოდ შესაბამისი პირობების შექმნა და ნიჭიერი სპორტსმენების წახალისება. 2014 წლის განმავლობაში პროგრამის ფარგლებში გაიმართება სხვადასხვა სპორტული შეჯიბრებები და დაფინანსდება: თიღვის მუნიციპალიტეტის სპორტული სკოლა, აერთიანებს - 55 სპორტსმენს; აქედან, 3- სექცია არის ფეხბურთის ,სადაც ვარჯიშობს - 35 ბავშვი, 1-ჭიდაობის, სადაც ვარჯიშობს 20 ბავშვი. ა.ბ) სპორტული ღონისძიებების დაფინანსება ( პროგრამული კოდი 05 01 02) ამ პროგრამის ფარგლებში ხორციელდაება სხვადასხვა სპორტული ღონისძიებების მხარდაჭერა.იმართება დევნილთა ჩასახლებებს შორის სხვადასხვა ტურნირები და მუნიციპალიტეტის მიერ ხდება მათი ფინანსური მხარდაჭერა. ბ) კულტურის განვითარების ხელისშეწყობა ( პროგრამული კოდი 05 02) თიღვის მუნიციპალიტეტი აქტიურად უწყობს ხელს კულტურის განვითარებას, ტრადიციების დაცვას და მის ღირსეულ გაგრძელებას. ამასთანავე პრიორიტეტია ახალგაზრდების მრავალმხრივი განვითარების ხელისშეწყობა და მათში ჯანსაღი ცხოვრების წესის დამკვიდრება. ბ.ა) კულტურის დაწესებულების გაერთიანება (პროგრამული კოდი 05 02 01) მუნიციპალიტეტის კულტურის დაწესებულების გაერთიანება მოიცავს კლუბებს და ბიბლიოთეკებს , აგრეთვე გამოდის ჟურნალი ფრონის ხეობა. ცეკვის ანსამბლ ,,ფრონე’’-სათვის მოხდება ცეკვის ფორმების შეძენა. სოფ. მოხისსა და ახალსოფლის დევნილთა ჩასახლების კლუბები უზრუნველყოფილი იქნება ინტერნეტით და მასთან დაკავშირებული ხარჯებით. ბ.ბ) კულტურული ღონისძიებები დაფინანსება (პროგრამული კოდი 05 02 02) მუნიციპალიტეტის კულტურული ტრადიციების დაცვის მიზნით პროგრამის ფარგლებში გაგრძელდება სხვადასხვა კულტურული ღონისძიებების მხარდაჭერა, ასევე განხორციელდება სხვადასხვა კულტურული ღონისძიებები, მათ შორის სადღესასწაულო დღეებში სხვადასხვა ექსკურსიები, გასართობი და სანახაობრივი ღონისძიებები. 5.ჯანმრთელობის დაცვა და სოციალური უზრუნველყოფა (პროგრამული კოდი 06 00) მოსახლეობის ჯანმრთელობის დაცვის ხელშეწყობა და მათი სოციალური დაცვა მუნიციპალიტეტის ერთ-ერთ მთავარ პრიორიტეტს წარმოადგენს. მუნიციპალიტეტი არსებული რესურსების ფარგლებში განაგრძობს სოციალურად დაუცველი მოსახლეობის სხვადასხვა დახმარებებით და შეღავათებით უზრუნველყოფას. ერთიანი სახელმწიფო პოლიტიკის ფარგლებში გაგრძელდება საზოგადოებრივი ჯანმრთელობის დაცვის მიზნით ადგილობრივ დონეზე სხვადასხვა ღონისძიებების განხორციელება, რაც უზრუნველყოფს არა მხოლოდ მუნიციპალიტეტის, არამედ მთელი ქვეყნის მოსახლეობის ჯანმრთელობის დაცვას სხვადასხვა გადამდები და ინფექციური დაავადებებისაგან. ა) მოსახლეობის სოციალური დაცვა (პროგრამული კოდი 06 01) პროგრამა ითვალისწინებს მუნიციპალიტეტის ტერიტორიაზე მცხოვრები მოსახლეობის სხვადასხვა ფენებისათვის გარკვეული შეღავათებითა და სოციალური დახმარებებით უზრუნველყოფას. სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში კანონმდებლობით გათვალისწინებული სარიტუალო მომსახურების ხარჯების ანაზღაურებას, მოხუცებულთა, დემოგრაფიული მდგომარეობის გაუმჯობესების მიზნით მრავალშვილიანი ოჯახების დახმარებას და სხვა სოციალურ ღონისძიებებს, რომლებიც მთლიანობაში უზრუნველყოფენ მუნიციპალიტეტის მოსახლეობის სოციალური მდგომარეობის გაუმჯობესებას. ა.ა) გარდაცვლილ ვეტერანთა და დევნილთა დაკრძალვს ხარჯები (პროგრამული კოდი 06 01 01) იძულებით გადაადგილებულ პირთა დევნილთა დაკრძალვის ხარჯების ანაზღაურება, თითოეულ ბენეფიციარზე - 500 ლარის ოდენობით (მიზნობრივი ტრანსფერის ფარგლებში); ა.ბ) ერთჯერადი ფულადი დახმარება კომპაქტურ დასახლებაში მცხოვრები დევნილთა ოჯახების ზამთრის სეზონისათვის სათბობი შეშის შესაძენად (პროგრამული კოდი 06 01 02) პროგრამა უზრუნველყოფს ზამთრის სეზონისათვის სათბობი შეშის შესაძენად ერთჯერად ფულად კომპენსაციას თიღვის მუნიციპალიტეტის მოსახლეობისათვის რომელიც ჩასახლებულია ქარელის მუნიციპალიტეტის სოფლების მოხისის, ახალსოფელის, ბებნისის მეურნეობის, ბრეთის მეურნეობის, საქაშეთის და დოღლაურის, აგარის, ქ.გორის, ვარიანის მეურნეობის. მცხეთის მუნიციპალიტეტის სოფელ, წინამძღვრიაანთკარის ტელევიზიის I –II კორპუსებში, დიღმის ტურბაზის, კასპის მუნიციპალიტეტის სოფ. თელიანის იძულებით გადაადგილებულ პირთა კომპაქტურ დასახლებებში, გარდა იმ ოჯახებისა, რომლებიც უზრუნველყოფილნი არიან ბუნებრივი აირის მიწოდებით. დახმარების მოცულობა შეადგენს ოჯახზე - 140 ლარს. ა.გ) ერთჯერადი დახმარება ყოველ ახალშობილზე (პროგრამული კოდი 06 01 03) პროგრამის მიზანია, ახალშობილთა პირველადი სოციალური დახმარება. დახმარების მოცულობა შეადგენს ყოველ ახალშობილზე- 300 ლარი. ა.დ) 80 და 80 წელს გადაცილებულ მოხუცთა სოციალური დახმარება ( პროგრამული კოდი 06 01 04) ამ მუხლის ფარგლებში პროგრამა ითვალისწინებს 80 და 80 წელს ზემოთ ასაკის პირთა საყოფაცხოვრებო პირობების გაუმჯობესებას, პროგრამის ბენეფიციარებზე დახმარების მოცულობა შეადგენს- 200 ლარს. ა.ე) დედ-მამით ობოლი ბავშვების საციალური დახმარება (პროგრამული კოდი 06 01 05) ამ პროგრამის ფარგლებში ხორციელდება დედ-მამით ობოლი ბავშვების ერთჯერადი ფულადი დახმარება, თითოეულ ბავშვზე 300 ლარის ოდენობით. ა.ვ) ბავშვობიდან შეზღუდული შესაძლებლობის მქონე პირების დახმარება ( პროგრამული კოდი 06 01 08 ) ამ პროგრამის ფარგლებში ხორციელდება ბავშვობიდან შეზღუდული შესაძლებლობების მქონე პირების ერთჯერადი ფულადი დახმარების უზრუნველყოფა თითოეულ ბენეფიციარზე 200 ლარის ოდენობით. ა.ზ) მკვეთრად გამოხატული შეზღუდული შესაძლებლობების მქონე პირების დახმარება (პროგრამული კოდი 06 01 09) ამ პროგრამის ფარგლებში დაფინანსდება თიღვის მუნიციპალიტეტში მცხოვრები მკვეთრად გამოხატული შეზღუდული შესაძლებლობების მქონე პირები, თითოეულ ბენეფიციარზე 200 ლარის ოდენობით. ა.თ) მეორე მსოფლიო ომის მონაწილეთა დახმარება ( პროგრამული კოდი 06 01 10 ) ამ მუხლის ფარგლებში განხორციელდება მეორე მსოფლიო ომის მონაწილეთა ერთჯერადი ფულადი დახმარება, თითოეულ ბენეფიციარზე 200 ლარის ოდენობით. ა.ი) საქართველოს ტერიტორიული მთლიანობისათვის 2008 წლის ომში დაღუპულ ჯარისკაცთა ოჯახების დახმარება (პრგრამული კოდი 06 01 11) ამ პროგრამის ფარგლებში განხორციელდება 2008 წლის ომში დარუპულ ჯარისკაცთა ოჯახების ერთჯერადი ფულადი დახმარება თოთოეულ ოჯახზე 300 ლარის ოდენობით. ა.კ) საახალწლოდ დევნილი ოჯახების ერთჯერადი დახმარება (პროგრამული კოდი 06 01 12) ამ პროგრამის ფარგლებში განხორციელდება დევნილი ოჯახების ერთჯერადი საახალწლო დახმარება სურსათით. ბენეფიციართა საორიენტაციო რაოდენობა შედგენს 1100 ოჯახს. ა.ლ) სხვა არაკლასიფიცირებული საქმიანობა სოციალური დაცვის სფეროში (პროგრამული კოდი 06 01 13) ამ პროგრამის ფარგლებში განხორციელდება ერთჯერადი ფულადი დახმარება მიწისძვრით, ხანძრით, წყალდიდობითა და სხვა ბუნებრივი კატასტროფების შედეგად დაზარალებულთათვის“. ე) დადგენილების მე-17 მუხლი ჩამოყალიბდეს შემდეგი რედაქციით: ,,მუხლი 17. მუნიციპალიტეტის ბიუჯეტის ასიგნებები განისაზვროს თიღვის მუნიციპალიტეტის ბიუჯეტის ასიგნებები საბიუჯეტო კლასიფიკაციის მიხედვით:
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| მუხლი 2 |
დადგენილება ამოქმედდეს გამოქვეყნებისთანავე. |
|
დოკუმენტის კომენტარები