ქალაქ თბილისის მუნიციპალიტეტში სარეაბილიტაციო არეალის დამტკიცების თაობაზე

საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-2 პუნქტის  „ე“ ქვეპუნქტის, 61-ე მუხლის მე-2 პუნქტის, 165-ე მუხლის მე-4 ნაწილის,  და „სივრცითი მოწყობისა და ქალაქთმშენებლობის საფუძვლების შესახებ“ საქართველოს კანონის 34¹ მუხლის, ,,ნორმატიული აქტების შესახებ“ საქართველოს კანონის 25-ე მუხლის შესაბამისად,  ქალაქ თბილისის საკრებულო ადგენს:

1. დადგინდეს ქალაქ თბილისის ადმინისტრაციულ საზღვრებში სარეაბილიტაციო არეალი  თანდართული რუკის შესაბამისად.

2. რეაბილიტაციის განმახორციელებელ სუბიექტად განისაზღვროს „ააიპ – თბილისის განვითარების ფონდი“.

3. ძალადაკარგულად გამოცხადდეს ,,ქალაქ თბილისში სარეაბილიტაციო არეალის  დამტკიცების თაობაზე“ ქალაქ  თბილისის  მთავრობის 2011 წლის 11 ნოემბერის №31.08.1264 დადგენილება.

4. დადგენილება ძალაში შევიდეს გამოქვეყნებისთანავე.