საქართველოს ეროვნული უშიშროების საბჭოსა და საქართველოს ეროვნული უშიშროების საბჭოს აპარატის საქმიანობაში საქართველოს სახელმწიფო გერბის გამოყენების წესის შესახებ

საქართველოს პარლამენტი ადგენს:

მუხლი 1. საქართველოს სახელმწიფო გერბი „საქართველოს სახელმწიფო გერბის შესახებ“ საქართველოს ორგანული კანონის მე-3 მუხლის პირველ პუნქტში მოცემული აღწერილობის შესაბამისად, სრული სახით ფერებში გამოსახული, თავსდება:

ა) საქართველოს ეროვნული უშიშროების საბჭოს შენობის ფასადზე ან/და განთავსების სხვა ადგილის ცენტრალურ შესასვლელში;

ბ) საქართველოს ეროვნული უშიშროების საბჭოს სხდომათა დარბაზში;

გ) ეროვნული უშიშროების საკითხებში საქართველოს პრეზიდენტის თანაშემწის – ეროვნული უშიშროების საბჭოს მდივნის სამუშაო კაბინეტში.

მუხლი 2. საქართველოს სახელმწიფო გერბი სრული სახით გამოისახება საქართველოს ეროვნული უშიშროების საბჭოს აპარატის ბეჭდებზე.

მუხლი 3. საქართველოს სახელმწიფო გერბი სრული სახით ფერებში გამოისახება ეროვნული უშიშროების საკითხებში საქართველოს პრეზიდენტის თანაშემწის – ეროვნული უშიშროების საბჭოს მდივნის ბლანკებზე.

მუხლი 4. საქართველოს სახელმწიფო გერბი ფერთა და მეტალთა შესაბამისი ჰერალდიკური დაშტრიხვის გამოყენებით გამოისახება:

ა) საქართველოს ეროვნული უშიშროების საბჭოს სხდომათა ოქმებსა და ოქმების ამონაწერებზე;

ბ) ეროვნული უშიშროების საკითხებში საქართველოს პრეზიდენტის თანაშემწის – ეროვნული უშიშროების საბჭოს მდივნის ბრძანებებზე;

გ) საქართველოს ეროვნული უშიშროების საბჭოს აპარატის ბლანკებზე.

მუხლი 5. საქართველოს მცირე სახელმწიფო გერბი „საქართველოს სახელმწიფო გერბის შესახებ“ საქართველოს ორგანული კანონის მე-3 მუხლის მე-2 პუნქტში მოცემული აღწერილობის შესაბამისად, ფერებში გამოსახული, თავსდება ეროვნული უშიშროების საკითხებში საქართველოს პრეზიდენტის თანაშემწის − ეროვნული უშიშროების საბჭოს მდივნის მოადგილის სამუშაო კაბინეტში.

მუხლი 6. ეს დადგენილება ამოქმედდეს გამოქვეყნებისთანავე.