„ნინოწმინდის მუნიციპალიტეტის გამგეობის დებულების დამტკიცების შესახებ“ ნინოწმინდის მუნიციპალიტეტის საკრებულოს 2014 წლის 12 აგვისტოს №21 დადგენილებაში ცვლილების შეტანის თაობაზე

1. დებულების მე-6  მუხლის მე -3  პუნქტს   დაემატოს შემდეგი შინაარსის ,,ე.კ“ ქვეპუნქტი:

,,ე.კ) დაინტერესებული პირის განცხადების საფუძველზე ადასტურებს მუნიციპალიტეტის ადმინისტრაციული  საზღვრების ფარგლებში საქონლის ადგილწარმოშობის,  აგრეთვე პირის კონკრეტულ მისამართზე  ფაქტობრივი ცხოვრების ფაქტს, თუ მუნიციპალიტეტის შესაბამის ტერიტორიაზე დანიშნული არ არის გამგებლის წარმომადგენელი.“

2. დებულებას დაემატოს შემდეგი შინაარსის  6¹მუხლი_:

,,მუხლი 6¹_.საქონლის ადგილწარმოშობის  და  პირის კონკრეტულ მისამართზე ფაქტობრივი ცხოვრების ფაქტის დადასტურების შესახებ   ცნობის  გაცემის წესი:

 1.მუნიციპალიტეტის ადმინისტრაციული საზღვრების ფარგლებში საქონლის ადგილწარმოშობის, აგრეთვე პირის კონკრეტულ მისამართზე ფაქტობრივი ცხოვრების ფაქტის დადასტურების შესახებ ცნობის ფორმას ამტკიცებს მუნიციპალიტეტის გამგებელი. ცნობა გაიცემა მუნიციპალიტეტის სახელით .

 2. მუნიციპალიტეტის უფლებამოსილი პირი ვალდებულია აწარმოოს გაცემული ცნობის რეესტრი და შეინახოს გაცემული ცნობის ასლები .’’

 3.  დებულების  მე-14 მუხლი ჩამოყალიბდეს შემდეგი რედაქციით:

,,მუხლი 14.  გამგებლის წარმომადგენელი

1. გამგებლის წარმომადგენელი არის ადგილობრივი თვითმმართველობის საჯარო მოხელე, რომელსაც ,,საჯარო სამსახურის შესახებ“ საქართველოს კანონის შესაბამისად თანამდებობაზე ნიშნავს და თანამდებობიდან ათავისუფლებს გამგებელი.
2. გამგებლის წარმომადგენელი თავის უფლებამოსილებას ახორციელებს მუნიციპალიტეტის ადმინისტრაციულ ერთეულში. გამგებლის წარმომადგენლის სამოქმედო ტერიტორიას განსაზღვრავს გამგებელი.
3. გამგებლის წარმომადგენელი ანგარიშვალდებულია გამგებლის წინაშე. გამგეობის სტრუქტურული ერთეულის საქმიანობაზე სამსახურეობრივ ზედამხედველობას  ახორციელებს გამგებელი.“

4. დებულების მე -15 მუხლის პირველი პუნქტის  ,,თ“ ქვეპუნქტი ჩამოყალიბდეს  შემდეგი რედაქციით:

,,თ) გამგებლის დავალებით ორგანიზებას უწევს დასახლებაში მოსახლეობის გამოკითხვის ჩატარებას.“

 5. დებულების მე -15 მუხლის პირველი პუნქტს  დაემატოს შემდეგი შინაარსის ,,ი“ ქვეპუნქტი:

,,ი) დაინტერესებული პირის განცხადების საფუძველზე ადასტურებს მის სამოქმედო ტერიტორიაზე საქონლის ადგილწარმოშობის, აგრეთვე პირის კონკრეტულ მისამართზე ფაქტობრივი  ცხოვრების ფაქტს;“

 6. დებულების მე -15 მუხლის პირველ პუნქტს  დაემატოს შემდეგი შინაარსის ,,კ“ ქვეპუნქტი:

,,კ) გამგებელს წარუდგენს წინადადებებს ადმინისტრაციული ერთეულის ტერიტორიის ზონებად დაყოფის  მათი საზღვრების დადგენისა და შეცვლის, დასახლების, ქუჩების, მოედნების, სახელწოდებისა და ნუმერაციის შესახებ;”

 7. დებულების მე -15 მუხლის პირველ პუნქტს  დაემატოს შემდეგი შინაარსის ,,ლ“ ქვეპუნქტი:

 ,,ლ) გამგებლის დავალებით ახორციელებს სხვა უფლებამოსილებს;“

  8. დებულების მე -15 მუხლის პირველ პუნქტს  დაემატოს შემდეგი შინაარსის ,,მ“ ქვეპუნქტი:

,,მ) გამგებლის წარმომადგენელს აქვს ბლანკი, ტვიფრი და ბეჭედი , რომელზეც აღნიშნულია ადმინისტრაციული ერთეულის სახელწოდება, რომელიც გამოიყენება ამ დებულებით მინიჭებული უფლებამოსილების განხორცილებისას.“