„2012 წლის სტიქიური უბედურების შედეგად დაზარალებული იმ სტუდენტების 2012-2013 სასწავლო წლის სწავლის საფასურის დაფინანსების პირობების განსაზღვრის შესახებ, რომლებიც ჩარიცხული არიან აკადემიური უმაღლესი განათლების ბაკალავრიატის, დიპლომირებული მედიკოსის/სტომატოლოგის, მაგისტრატურის აკრედიტებულ საგანმანათლებლო პროგრამაზე“ საქართველოს მთავრობის 2012 წლის 28 დეკემბრის №478 დადგენილებაში ცვლილების შეტანის თაობაზე

1.  პირველი მუხლის პირველი პუნქტი ჩამოყალიბდეს შემდეგი რედაქციით:

„1. 2012 წლის სტიქიური უბედურების შედეგად დაზარალებული სტუდენტების (შემდგომში − დაზარალებული სტუდენტები)    2012-2013 სასწავლო წლის დაფინანსება განხორციელდეს  „საქართველოს 2012 წლის სახელმწიფო ბიუჯეტის შესახებ“, „საქართველოს 2013 წლის სახელმწიფო ბიუჯეტის შესახებ“ და „საქართველოს 2014 წლის სახელმწიფო ბიუჯეტის შესახებ“ საქართველოს კანონებით საქართველოს განათლებისა და მეცნიერების სამინისტროსთვის გამოყოფილი ასიგნებების ფარგლებში.“.

2.  მე-2 მუხლის მე-2 პუნქტის შემდეგ დაემატოს შემდეგი შინაარსის „2¹“ პუნქტი:

„2¹. ამ დადგენილების პირველი მუხლით გათვალისწინებული დაფინანსება შეიძლება მოიპოვოს ამ მუხლის პირველი პუნქტით გათვალისწინებულმა დაზარალებულმა სტუდენტმა, რომელიც დაფინანსების მოთხოვნით მიმართავს სსიპ - განათლების ხარისხის განვითარების ეროვნულ ცენტრს 2014 წლის 1 დეკემბრამდე.“.