„უცხოელთა სამართლებრივი მდგომარეობის შესახებ“ საქართველოს კანონში ცვლილებისა და დამატების შეტანის თაობაზე

საქართველოს კანონი

„უცხოელთა სამართლებრივი მდგომარეობის შესახებ“ საქართველოს კანონში ცვლილებისა და დამატების შეტანის თაობაზე

მუხლი 1. „უცხოელთა სამართლებრივი მდგომარეო­ბის შესახებ“ საქართველოს კანონში (საქართველოს პარლამენტის უწყებები, №8, ივნისი, 1993 წელი,  მუხ. 127) შეტანილ იქნეს შემდეგი ცვლილება და დამატება:

1. მე-5 მუხლის მე-4 პუნქტი ჩამოყალიბდეს შემდეგი რედაქციით:

„4. უცხოელები, რომლებიც საქართველოში იმყოფებიან სხვა კანონიერ საფუძველზე 3 თვეზე მეტი ვა­დით, ითვლებიან საქართველოში დროებით მყოფებად და ვალდებული არიან დადგენილი წესით საქართველოს იუსტიციის სამინისტროს მმართველობის სფეროში შემავალი საჯარო სამართლის იურიდიული პირის – სა­მო­ქალაქო რეესტრის სააგენტოს ტერიტორიულ სამსა­ხურში რეგისტრაციაში გაატარონ თავიანთი მოქმედი უცხოური პასპორტები ან მათი შემცვლელი დოკუმენტები და ქვეყანაში მათი ყოფნის ვადის ამოწურვისას გაემგ­ზავრონ საქართველოდან.“.

2. კანონს დაემატოს შემდეგი შინაარსის 32¹ მუხლი:

     „მუხლი 32¹. უცხოელის საქართველოდან გასვლის ზოგადი მოთხოვნა

თუ 2006 წლის 1 ივნისამდე უცხოელი საქართვე­ლოს ტერიტორიას დატოვებს მისი კანონიერად ყოფნის ვადის ამოწურვიდან 10 დღის განმავლობაში, მას არ დაე­კისრება ადმინისტრაციული პასუხისმგებლობა ჯარი­მის სახით.“.

მუხლი 2

1. ეს კანონი, გარდა პირველი მუხლის მე-2 პუნქტისა, ამოქმედდეს 2006 წლის 30 იანვრიდან.

2. ამ კანონის პირველი მუხლის მე-2 პუნქტი ამოქმედდეს გამოქვეყნებისთანავე.

საქართველოს პრეზიდენტი მ. სააკაშვილი

თბილისი,

2005 წლის 28 დეკემბერი.

№2631–რს