„წალენჯიხის მუნიციპალიტეტის საკრებულოს აპარატის დებულების დამტკიცების შესახებ“ წალენჯიხის მუნიციპალიტეტის საკრებულოს 2014 წლის 4 აგვისტოს №30 დადგენილებაში ცვლილებების შეტანის თაობაზე

  „მუხლი 4. აპარატის სტრუქტურის დამტკიცება და მასში ცვლილებების შეტანა

 აპარატის სტრუქტურას ამტკიცებს და მასში ცვლილებები შეაქვს საკრებულოს, საკრებულოს თავმჯდომარის წარდგინებით. აპარატი შედგება: აპარატის უფროსის, განყოფილების უფროსების, საკრებულოს თავმჯდომარის თანაშემწისა და უმცროსი საჯარო თანამდებობის პირებისაგან.“

  „ მუხლი 10^1. საკრებულოს თავმჯდომარის თანაშემწე

თავმჯდომარის თანაშემწე:

ა) განიხილავს, აანალიზებს და ანოტაციას უკეთებს საკრებულოს თავმჯდომარის სახელზე შემოსულ განცხადებებს, წერილებსა და კორესპონდენციებს;

ბ) იღებს ინფორმაციებს საკრებულოს თავმჯდომარის დავალებების შესრულების თაობაზე;

გ) უზრუნველყოფს  საკრებულოს თავმჯდომარეს საინფორმაციო-ანალიტიკური მასალით;

დ) ტექნიკურად უზრუნველყოფს საკრებულოს თავმჯდომარის თათბირებისა და შეხვედრების ჩატარებას;

ე) ამზადებს სხვადასხვა ინსტანციაში საკრებულოს თავმჯდომარის მიმართვების პროექტებს;

ვ) ასრულებს საკრებულოს თავმჯდომარისა და აპარატის უფროსის ცალკეულ დავალებებს და პასუხისმგებელია მათ წინაშე.“.