დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „სამედიცინო მომსახურების მიმწოდებელთათვის პასპორტიზაციის წესის დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2013 წლის 4 აგვისტოს №01-33/ნ ბრძანებაში ცვლილების შეტანის შესახებ | |
|---|---|
| დოკუმენტის ნომერი | 01-79/ნ |
| დოკუმენტის მიმღები | საქართველოს შრომის, ჯანმრთელობისა და სოციალური დაცვის მინისტრი |
| მიღების თარიღი | 17/11/2014 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | ვებგვერდი, 17/11/2014 |
| სარეგისტრაციო კოდი | 470230000.22.035.016306 |
|
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ: |
| მუხლი 1 |
„სამედიცინო მომსახურების მიმწოდებელთათვის პასპორტიზაციის წესის დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2013 წლის 4 აგვისტოს №01-33/ნ ბრძანებით (www.matsne.gov.ge; 06/08/2013; 470230000.22.035.016216) დამტკიცებულ დანართ №1-ში (სამედიცინო მომსახურების მიმწოდებელთათვის პასპორტიზაციის წესი) შეტანილ იქნეს შემდეგი ცვლილება: |
1.
პირველი მუხლის: |
ა)
მე-2 პუნქტი ჩამოყალიბდეს შემდეგი რედაქციით:
„2. ამ წესის მიზნებისათვის პასპორტიზაციის პროცესი გულისხმობს სამედიცინო მომსახურების მიმწოდებელთა მიერ დაწესებულების პასპორტიზაციის მონაცემების საქართველოს შრომის, ჯანმრთელობისა და სოციალური დაცვის სამინისტროს (შემდგომში - სამინისტრო) ოფიციალური ვებგვერდის (www.moh.gov.ge) ელექტრონული ჯანდაცვის საინფორმაციო პორტალზე, პასპორტიზაციის მოდულში განთავსებას, სპეციალური ფორმებისა (დანართი 1.1 - „დაწესებულების საპასპორტო მონაცემები“ და დანართი 1.2 - „პერინატალური სერვისების მიმწოდებელი დაწესებულების საპასპორტო მონაცემები“) და ამ წესის შესაბამისად.“; |
ბ)
მე-2 პუნქტის შემდეგ დაემატოს შემდეგი შინაარსის 21 პუნქტი:
„21. დანართი 1.1-ს „დაწესებულების საპასპორტო მონაცემები“ წარმოადგენს და მას ავსებს სამედიცინო მომსახურების ყველა მიმწოდებელი. დანართი 1.2 „პერინატალური სერვისების მიმწოდებელი დაწესებულების საპასპორტო მონაცემები“ განეკუთვნება სპეციალურ ფორმას, რომელსაც დამატებით ავსებენ პერინატალური მომსახურების (ორსულთა, მშობიარეთა, მელოგინეთა და ახალშობილთა სერვისები) მიმწოდებლები.“; |
გ)
მე-3 პუნქტი ჩამოყალიბდეს შემდეგი რედაქციით:
„3. ამ ბრძანებით გათვალისწინებული ფორმები განეკუთვნება სამედიცინო დოკუმენტაციის (სააღრიცხვო-საანგარიშგებო) ფორმებს.“. |
დ)
მე-7 პუნქტი ჩამოყალიბდეს შემდეგი რედაქციით:
,,7. 1.1. და 1.2. დანართებით განსაზღვრული ფორმები არ არის მკაცრი აღრიცხვის დოკუმენტი.“. |
2.
მე-3 მუხლის სათაური ჩამოყალიბდეს შემდეგი რედაქციით:
,,მუხლი 3. ,,დაწესებულების საპასპორტო მონაცემები"-ს (დანართი 1.1) ფორმის შევსების ინსტრუქცია“. |
3.
დანართ N1-ს დაემატოს შემდეგი შინაარსის მე-4 მუხლი:
„მუხლი 4. „პერინატალური სერვისების მიმწოდებელი დაწესებულების საპასპორტო მონაცემები“-ს (დანართი 1.2) ფორმის შევსების ინსტრუქცია 1. ფორმა განკუთვნილია მხოლოდ პერინატალური სერვისების მიმწოდებელი დაწესებულებებისთვის (ორსულთა, მშობიარეთა, მელოგინეთა და ახალშობილთა სერვისები). მისი შევსების დროს დაცული უნდა იყოს ამ მუხლით განსაზღვრული მოთხოვნები. 2. პერინატალური სერვისის მიმწოდებელი დაწესებულებები ვალდებულნი არიან, შეავსონ აღნიშნული დანართის ყველა ველი, მიუხედავად იმისა, იმეორებს თუ არა იგი დანართი 1.1-ით განსაზღვრულ ინფორმაციას. 3. „დაწესებულების საიდენტიფიკაციო ინფორმაციისა“ და „იურიდიული და ფაქტობრივი მისამართების“ ველები ივსება ამ წესის მე-3 მუხლის შესაბამისად. 4 „ინფრასტრუქტურის“ ბლოკში თანმიმდევრულად ივსება ყველა ის ველი, რომელიც პერინატალური სერვისის მიწოდებისთვის განკუთვნილი სპეციალური სათავსების განლაგებასა და საწოლების რაოდენობას ეხება. ამავე დროს: ა) სამეანო და გინეკოლოგიური საწოლების რაოდენობა მიეთითება ციფრებით; ბ) ,,ინდივიდუალური სამშობიარო ოთახის“ (ოჯახზე ორიენტირებული სამშობიარო ბლოკ-პალატა, რომელიც განკუთვნილია ერთი მშობიარისათვის) შესაბამის ველში ფიქსირდება ასეთი ოთახების არსებობა/არარსებობის ფაქტი ,,კი“ ან ,,არა“ პასუხის პრინციპით. ,,კი“ პასუხის შემთხვევაში, მომდევნო ველში, ციფრებით მიეთითება ოთახების რაოდენობა; გ) საოპერაციო ბლოკის შესახებ ინფორმაციისთვის გათვალისწინებულია სამი ველი. იმ შემთხვევაში, თუ იგი არსებობს უშუალოდ სამეანო განყოფილებასთან და მხოლოდ სამეანო ოპერაციებისთვისაა განკუთვნილი, შესაბამის ველში ფიქსირდება სათანადო პასუხი („კი“=1); ასეთ შემთხვევაში „სამეანო-გინეკოლოგიური საოპერაციო ბლოკი“-სა და „მრავალპროფილურ სტაციონართან საზიარო საოპერაციო ბლოკი“-ს შესაბამისი ველები აღარ ივსება; უარყოფითი პასუხის შემთხვევაში კი ივსება მომდევნო ორი ველიდან ერთ-ერთი („სამეანო-გინეკოლოგიური საოპერაციო ბლოკი“-ს ან „მრავალპროფილურ სტაციონართან საზიარო საოპერაციო ბლოკი“-ს შესაბამისი ველები) იგივე პრინციპით; დ) ახალშობილთა რეანიმაციული განყოფილება (NICU) მოიცავს კრიტიკული მოვლისა და შუალედური (ე.წ. ინტენსიური) მოვლის საწოლების შესახებ ინფორმაციას, რომელთა რაოდენობა მიეთითება ცალ-ცალკე, შესაბამის ველებში, ციფრებით; ე) „ახალშობილთა სპეციალური მოვლის ოთახის“ შესახებ ინფორმაციისთვის განკუთვნილია 2 ველი: პირველში ფიქსირდება ასეთი ოთახის არსებობა/არარსებობის ფაქტი „კი“ ან „არა“ პასუხის პრინციპით; დადებითი პასუხის შემთხვევაში ივსება მომდევნო ველი, რომელშიც მიეთითება საწოლების რაოდენობა (ციფრებით) ახალშობილთა სპეციალური მოვლის ოთახში. ამასთან, გასათვალისწინებელია, რომ 1 საწოლი = 1 ჟანგბადის წყარო ფლუომეტრით + 1 გამათბობელი/ან კიუვეზი + 1 სატურომეტრი + 1 ინფუზომატი; ახალშობილთა სპეციალური მოვლის ოთახს უნდა გააჩნდეს მინიმუმ 1 ხელოვნური სუნთქვის აპარატი. ამ პირობის დაუკმაყოფილებლობის შემთხვევაში, პირველ ველში ფიქსირდება უარყოფითი პასუხი (არა=0), ხოლო მომდევნო ველი აღარ ივსება; ვ) ქალებისთვის განკუთვნილი ინტენსიური (ICU) თერაპიის სერვისის შესახებ ინფორმაციისთვის გათვალისწინებულია 2 ვარიანტი: ინტენსიური თერაპიის განყოფილება/ოთახი ქალებისთვის (ICU), რომელიც ემსახურება მხოლოდ სამეანო-გინეკოლოგიურ განყოფილებას და ინტენსიური თერაპიის განყოფილება/ოთახი ქალებისთვის (ICU), რომელიც საერთოა სტაციონარის სხვა განყოფილებებთან. პირველი ვარიანტის არსებობისას ფიქსირდება დადებითი პასუხი (კი=1) და შემდეგ ველში მიეთითება საწოლების შესაბამისი რაოდენობა ციფრებით (ამასთან 1 საწოლი = 1 ჟანგბადის წყარო + 1 მონიტორი), ხოლო მეორე ვარიანტის შესაბამისი ველები აღარ ივსება. სამეანო-გინეკოლოგიური განყოფილებისთვის დამოუკიდებელი ინტენსიური თერაპიის სერვისის არარსებობის შემთხვევაში, მომდევნო ველში - „ინტენსიური თერაპიის განყოფილება/ოთახი ქალებისთვის (ICU), რომელიც საერთოა სტაციონარის სხვა განყოფილებებთან“ ფიქსირდება შესაბამისი პასუხი (,,კი“, ან ,,არა“ პრინციპით), ხოლო დადებითი პასუხის შემთხვევაში, შემდეგ ველში მიეთითება შესაბამისი საწოლების რაოდენობაც. გასათვალისწინებელია პირობა - „1 საწოლი = 1 ჟანგბადის წყარო + 1 მონიტორი“, აღნიშნულის დაუკმაყოფილებლობის შემთხვევაში ეს ველები არ ივსება; ზ) რეანიმაციული (კრიტიკული მოვლის) განყოფილება / ოთახის (CCU) შესაბამის ველში ფიქსირდება ინფორმაცია ასეთი სერვისების არსებობის შესახებ „კი“/„არა“ პასუხის პრინციპით, ხოლო დადებითი პასუხის შემთხვევაში შემდეგ ველში მიეთითება შესაბამისი საწოლების რაოდენობა; თ) ორსულთა პათოლოგიის გაყოფილება/ოთახის შესაბამის ველში ფიქსირდება ინფორმაცია ასეთი სერვისების არსებობის შესახებ „კი“/„არა“ პასუხის პრინციპით. დადებითი პასუხის შემთხვევაში, შემდეგ ველში მიეთითება შესაბამისი საწოლების რაოდენობაც; ი) „ქალთა კონსულტაციის“ შესაბამის ველში დადებითი პასუხი (კი=1) მიეთითება ორსულთა ანტენატალური მოვლის სერვისის არსებობის შემთხვევაში; შევსების მომენტისათვის საანგარიშო წლის განმავლობაში აღრიცხვაზე აყვანილ ქალთა რაოდენობა კი მიეთითება შემდეგ ველში ციფრებით. ქალთა კონსულტაციები (ამბულატორიული ანტენატალური/პერინატალური სერვისის მიმწოდებლები), რომლებიც ინტეგრირებულნი არ არიან სტაციონარული პერინატალური სერვისის მიმწოდებელ დაწესებულებებთან, ავსებენ აღნიშნული დანართის მხოლოდ შესაბამის ველებს. 5. „ზოგადი მაჩვენებლების“ ბლოკის მონაცემები წარმოადგენს პერინატალური სერვისის ხარისხის ინდიკატორებს. ამ ბლოკში მაჩვენებლების უმრავლესობა უნდა დაფიქსირდეს ორი სრული წლის მონაცემების მიხედვით („რაოდენობა შევსების თარიღის წინა საანგარიშო წლის მონაცემებით“ და „რაოდენობა შევსების თარიღამდე 2 საანგარიშო წლის წინა მონაცემებით“ ანუ თუ საპასპორტო მონაცემები ივსება 2014 წლის ნოემბერში, ველში, სადაც მაჩვენებელი უნდა დაფიქსირდეს „შევსების თარიღის წინა საანგარიშო წლის მონაცემებით“ - ფიქსირდება მაჩვენებელი 2013 წლის 1 იანვრიდან 2013 წლის 31 დეკემბრის ჩათვლით, ხოლო ველში, სადაც მაჩვენებელი უნდა დაფიქსირდეს „შევსების თარიღამდე 2 საანგარიშო წლის წინა მონაცემებით“ - ფიქსირდება მაჩვენებელი 2012 წლის 1 იანვრიდან 2012 წლის 31 დეკემბრის ჩათვლით). თუ დაწესებულება ფუნქციონირებს საპასპორტო მონაცემების პირველადად შევსების წლიდან, „განმარტების“ სვეტში მიეთითება დაწესებულების გახსნის თარიღი, ხოლო „დაწესებულების მონაცემში“ ჩაიწერება მაჩვენებელი გახსნის თარიღიდან საპასპორტო მონაცემების შევსების თარიღამდე. იმ შემთხვევაში, როცა დაწესებულების ფუნქციონირების დაწყებიდან გასულია 2 წელზე ნაკლები დრო, მიეთითება მხოლოდ „შევსების თარიღის წინა საანგარიშო წლის მონაცემები“ და არ ივსება „2 საანგარიშო წლის წინა მონაცემების“ შესაბამისი ველი. ამასთან: ა) მშობიარობათა რაოდენობის შესახებ მონაცემები მიეთითება ციფრებით; ბ) საკეისრო კვეთების რაოდენობის მონაცემები მიეთითება ციფრებით და პროცენტულად, არსებული ველების შესაბამისად; გ) ველებში - „საკეისრო კვეთის განხორციელების შესაძლებლობა გადაწყვეტილების მიღებიდან 30 წუთის განმავლობაში“, „24-სთ-იანი ხელმისაწვდომობა სისხლის ბანკზე, სისხლის ყველა კომპონენტზე“ ინფორმაცია ფიქსირდება „კი“ ან „არა“ პასუხის პრინციპით; ამასთან, სისხლის ბანკის შესახებ ინფორმაცია ზუსტდება იმის მიხედვით, აღნიშნული სერვისი უზრუნველყოფილია კლინიკაში არსებული (საკუთარი) სისხლის ბანკით (საწარმოო ტრანსფუზიოლოგიური სერვისით) თუ ხელშეკრულებით; დ) ველში, რომლებიც მოიცავს ინფორმაციას სისხლის პროდუქტებით უზრუნველსაყოფად საჭირო მინიმალური დროის შესახებ, მიეთითება შესაბამისი დრო, წუთებში; ე) ველში - „ხელმისაწვდომობა რეფერალურ სატრანსპორტო საშუალებებზე“ მიეთითება სამი შესაძლო პასუხიდან („საკუთარი“, „ხელშეკრულებით“ ან „პროგრამული მომსახურება“) პრინციპით; ვ) დედის რეფერალის შესახებ ინფორმაცია მიეთითება შესაბამის ველებში, ციფრებით და პროცენტულად; ზ) ახალშობილთა რეფერალის შესახებ ინფორმაცია მიეთითება შესაბამის ველებში, ციფრებით და პროცენტულად; თ) დედათა სიკვდილიანობის, ადრეული ნეონატალური სიკვდილიანობისა და მკვდრადშობადობის შემთხვევათა რაოდენობის შესახებ მონაცემები, როგორც „შევსების თარიღის წინა საანგარიშო წლის მონაცემებით“, ასევე, „შევსების თარიღამდე 2 საანგარიშო წლის წინა მონაცემებით“ - მიეთითება ციფრებით. 6. „ადამიანური რესურსების“ ბლოკში ივსება ინფორმაცია დაწესებულების ჯანმრთელობის დაცვის პერსონალის შესახებ (ექიმ-სპეციალისტები, ექთნები, ბებიაქალები) შემდეგი პრინციპით: ა) ჯანმრთელობის დაცვის პერსონალის - ექიმების: მეან-გინეკოლოგების, ნეონატოლოგების, ანესთეზიოლოგ-რეანიმატოლოგების, ასევე, ქალთა კონსულტაციის ექიმებისა და ბებიაქალებისა და ექთნების საერთო რაოდენობა ფიქსირდება შესაბამის ველებში ციფრებით; ბ) კლინიკაში (ადგილზე) მორიგე მეან-გინეკოლოგების, ნეონატოლოგებისა და ანესთეზიოლოგ-რეანიმატოლოგების 24 საათიანი ხელმისაწვდომობის (24/7) უზრუნველყოფის შესაბამის ველებში ფიქსირდება პასუხი „კი“ ან ,,არა“ პრინციპით, იმისდა მიხედვით, არსებობს თუ არა ასეთი ხელმისაწვდომობა; გ) ინფორმაცია ჯამური, შტატში არსებული და ხელშეკრულებით მომუშავე ექიმ-სპეციალისტების რაოდენობის შესახებ მიეთითება ციფრებით; დ) ერთი (ღამის) მორიგეობის განმავლობაში კლინიკაში (ადგილზე) მყოფი ბებიაქალების, სამეანო და ნეონატალური ექთნების რაოდენობა ფიქსირება შესაბამის ველებში ციფრებით; ე) ჰისტერექტომიის და სხვა სამეანო გართულებების ოპერაციული მართვის გამოცდილების მქონე მეან-გინეკოლოგების საერთო რაოდენობა მიეთითება ციფრებით, ხოლო ასეთი ექიმების 24/7 ხელმისაწვდომობა კლინიკაში (ადგილზე) მორიგეობით ფიქსირდება „კი“/„არა“ პასუხის პრინციპით; ვ) „სხვა“ სპეციალისტების შესაბამის ველში ფიქსირდება ინფორმაცია სხვა ექიმი-სპეციალისტების შესახებ სათანადო რაოდენობების მითითებით. 7. „მშობიარე ქალების მოვლისთვის განკუთვნილი აღჭურვილობის“, „სარეანიმაციო აღჭურვილობა დედებისათვის“ და „ახალშობილის მოვლისთვის განკუთვნილი აღჭურვილობის“ ბლოკები მოიცავს ინფორმაციას შესაბამისი აღჭურვილობების რაოდენობის შესახებ და მიეთითება ციფრებით. 8. „დიაგნოსტიკური გამოსახვითი საშუალებების“ ბლოკში ფიქსირდება ინფორმაცია სამეანო ულტრაბგერის, ნეიროსონოსკოპის, რენტგენოდიაგნოსტიკის, კომპიუტერული ტომოგრაფიული სერვისისა და ახალშობილის ექოკარდიოგრაფიული სერვისის მიწოდების შესახებ, ამასთან: ა) სამეანო ულტრაბგერის აპარატის, ახალშობილთა რეტგენოდიაგნოსტიკისა და ნეიროსონოსკოპის სერვისის უზრუნველყოფის შესაბამისი ინფორმაციისთვის განკუთვნილია სამ-სამი ველი - პასუხების სამი შესაძლო ვარიანტით. კერძოდ: სერვისის უზრუნველყოფა ხდება საკუთარი პორტატული აპარატით, სტაციონარული აპარატით თუ ხელშეკრულებით/გამოძახებით. ამ ველების შესაბამისი ინფორმაცია ფიქსირდება „კი“ ან „არა“ პასუხის პრინციპით; ბ) კომპიუტერული ტომოგრაფიული და ახალშობილთა ექოკარდიოგრაფიის შესაბამის ველებში ფიქსირდება პასუხი „კი“ ან „არა“ პრინციპით, სერვისის ადგილზე ან ხელშეკრულებით უზრუნველყოფის შესაბამისად; ასეთი სერვისის არარსებობის შემთხვევაში არ ივსება არც ერთი ველი. 9. „ლაბორატორიული სერვისების“ შესაბამის ბლოკში სერვისის ხელმისაწვდომობასთან დაკავშირებით ინფორმაცია ფიქსირდება „კი“ ან „არა“ პასუხის პრინციპით. ამასთან: ა) ლაბორატორიული სერვისის 24 საათიანი (24/7) უზრუნველყოფის შესახებ ინფორმაცია კონკრეტდება შესაბამის ველებში, იმისდა მიხედვით, აღნიშნული მიიღწევა კლინიკაში საკუთარი ლაბორატორიის არსებობით, თუ სხვა ლაბორატორიასთან გაფორმებული ხელშეკრულებით; ბ) ლაბორატორიული კვლევების/ტესტების შესახებ ინფორმაცია მოიცავს ცალკეული ანალიზის/ტესტის პასუხის მისაღებად საჭირო მინიმალურ დროს (რომელიც აითვლება გადაწყვეტილების მიღებიდან პასუხის მიღებამდე) და მიეთითება საათებში (მაგალითად, 15 წთ-ის შემთხვევაში - 0,25 სთ, 30 წთ-ის შემთხვევაში - 0,5 სთ და ა.შ.).“. |
4.
ბრძანებას დაემატოს დანართი 1.2 „პერინატალური სერვისების მიმწოდებელი დაწესებულების საპასპორტო მონაცემები“ თანდართული რედაქციით.
|
| მუხლი 2 |
ბრძანება ამოქმედდეს გამოქვეყნებისთანავე.
|
|
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
დოკუმენტის კომენტარები