დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „მშენებლობის ნებართვის მოსაკრებლისა და შესაბამისი ინსტრუქციების დაწესების შესახებ“ წალკის მუნიციპალიტეტის საკრებულოს 2011 წლის 30 დეკემბრის №59 დადგენილების დანართში ცვლილების შეტანის შესახებ | |
|---|---|
| დოკუმენტის ნომერი | 33 |
| დოკუმენტის მიმღები | წალკის მუნიციპალიტეტი |
| მიღების თარიღი | 27/10/2014 |
| დოკუმენტის ტიპი | მუნიციპალიტეტის საკრებულოს დადგენილება |
| გამოქვეყნების წყარო, თარიღი | ვებგვერდი, 03/11/2014 |
| სარეგისტრაციო კოდი | 210020010.35.155.016148 |
|
„მშენებლობის ნებართვის მოსაკრებლისა და შესაბამისი ინსტრუქციების დაწესების შესახებ“ წალკის მუნიციპალიტეტის საკრებულოს 2011 წლის 30 დეკემბრის №59 დადგენილების დანართში ცვლილების შეტანის შესახებ
|
„ნორმატიული აქტების შესახებ“ საქართველოს კანონის მე-20 მუხლის თანახმად, წალკის მუნიციპალიტეტის საკრებულო ადგენს:
|
| მუხლი 1 |
„მშენებლობის ნებართვის მოსაკრებლისა და შესაბამისი ინსტრუქციების დაწესების შესახებ“ წალკის მუნიციპალიტეტის საკრებულოს 2011 წლის 30 დეკემბრის №59 დადგენილებით დამტკიცებულ (www.matsne.gov.ge ვებ. გვერდი 03/01/2012 წ, სარეგისტრაციო კოდი 210020010.35.155.016065) დანართში შეტანილი იქნეს შემდეგი ცვლილება:
1. დადგენილების დანართის მე-3 მუხლი ჩამოყალიბდეს შემდეგი რედაქციით: „მუხლი 3. მოსაკრებლის გადამხდელი 1. მშენებლობის (გარდა განსაკუთრებული მნიშვნელობის რადიაციული ან ბირთვული ობიექტების მშენებლობისა) ნებართვის მოსაკრებლის გადამხდელია მშენებარე ობიექტის მესაკუთრე ან/და იურიდიული პირი. 2. მოსაკრებლის გადახდისგან განთავისუფლებულია სტიქიური უბედურების შედეგად დაზიანებულ ობიექტთა მშენებლობა/რეკონსტუქცია. 3. სახელმწიფოს ან ადგილობრივი თვითმმართველი ერთეულის 100%-იანი წილობრივი მონაწილეობით შექმნილი ის კერძო სამართლის იურიდიული პირები, რომლებიც მუნიციპალიტეტებში ახორციელებენ წყალმომარაგების სისტემის სამშენებლო-სარეაბილიტაციო სამუშაოებს, განთავისუფლდნენ მშენებლობის (გარდა განსაკუთრებული მნიშვნელობის რადიაციული ან ბირთვული ობიექტების მშენებლობის) ნებართვისათვის ადგილობრივი მოსაკრებლების გადახდის ვალდებულებისაგან.“ 2. დადგენილების დანართის მე-7 მუხლი ჩამოყალიბდეს შემდეგი რედაქციით: ,,მუხლი 7. დასკვნითი დებულებები 1. მშენებლობის ნებართვის მოსაკრებელი გადაიხდევინება წინასწარ, სარგებლობის უფლების მინიჭებამდე და მთლიანად ირიცხება წალკის თვითმმართველი ერთეულის ადგილობრივ ბიუჯეტში. 2. მე-3 მუხლის მე-3 პუნქტით გათვალისწინებული შეღავათი მოქმედებს 2016 წლის 1 იანვრამდე.“ |
| მუხლი 2 |
დადგენილება ამოქმედდეს გამოქვეყნებისთანავე.
|
|
დოკუმენტის კომენტარები