დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „ხაშურის მუნიციპალიტეტში მშენებლობის ნებართვისათვის მოსაკრებლის შემოღებისა და მოსაკრებლის გადახდის ინსტრუქციის დამტკიცების შესახებ“ ხაშურის მუნიციპალიტეტის საკრებულოს 2007 წლის 23 თებერვლის N76 დადგენილებaში ცვლილების შეტანის თაობაზე | |
|---|---|
| დოკუმენტის ნომერი | 64 |
| დოკუმენტის მიმღები | ხაშურის მუნიციპალიტეტი |
| მიღების თარიღი | 22/10/2014 |
| დოკუმენტის ტიპი | მუნიციპალიტეტის საკრებულოს დადგენილება |
| გამოქვეყნების წყარო, თარიღი | ვებგვერდი, 28/10/2014 |
| სარეგისტრაციო კოდი | 210020010.35.143.016293 |
|
„ხაშურის მუნიციპალიტეტში მშენებლობის ნებართვისათვის მოსაკრებლის შემოღებისა და მოსაკრებლის გადახდის ინსტრუქციის დამტკიცების შესახებ“ ხაშურის მუნიციპალიტეტის საკრებულოს 2007 წლის 23 თებერვლის №76 დადგენილებაში ცვლილების შეტანის თაობაზე
|
საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-2 პუნქტის „დ“ და „თ“ ქვეპუნქტების, 24-ე მუხლის პირველი პუნქტის „დ.ბ“ ქვეპუნქტის, 54-ე მუხლის პირველი პუნქტის „გ.დ“ ქვეპუნქტის, 61-ე მუხლის პირველი და მე-2 პუნქტების, „ადგილობრივი მოსაკრებლების შესახებ“ საქართველოს კანონის მე-3 მუხლის პირველი და მე-2 პუნქტების და მე-4 მუხლის, „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ხაშურის მუნიციპალიტეტის საკრებულომ დაადგინა: |
| მუხლი 1 |
„ხაშურის მუნიციპალიტეტში მშენებლობის ნებართვისათვის მოსაკრებლის გადახდის ინსტრუქციის დამტკიცების შესახებ“ ხაშურის მუნიციპალიტეტის საკრებულოს 2007 წლის 23 თებერვლის №76 დადგენილებით დამტკიცებულ „მშენებლობის ნებართვისათვის მოსაკრებლის გადახდის ინსტრუქციაში“ შევიდეს ცვლილება: მე-3 მუხლს დაემატოს მე-9, მე-10, მე-11 პუნქტები და ჩამოყალიბდეს შემდეგი რედაქციით:
„9. სახელმწიფოს ან ადგილობრივი თვითმმართველი ერთეულის 100%-იანი წილობრივი მონაწილეობით შექმნილი ის კერძო სამართლის იურიდიული პირები, რომლებიც მუნიციპალიტეტის ტერიტორიაზე ახორციელებენ წყალმომარაგების სისტემის სამშენებლო - სარეაბილიტაციო სამუშაოებს, განთავისუფლდნენ მშენებლობის (გარდა განსაკუთრებული მნიშვნელობის რადიაციული ან ბირთვული ობიექტების მშენებლობის) ნებართვისთვის ადგილობრივი მოსაკრებლის გადახდის ვალდებულებისაგან. 10. მეცხრე პუნქტით გათვალისწინებული შეღავათი გავრცელდეს ხაშურის მუნიციპალიტეტში მშენებლობის ნებართვის გაცემის მიზნით მე-9 პუნქტში მითითებული სუბიექტების მიერ წარმოდგენილ პროქტებზე. 11. მეცხრე პუნქტით გათვალისწინებული შეღავათი მოქმედებს 2016 წლის პირველ იანვრამდე.’’. |
| მუხლი 2 |
დადგენილება ამოქმედდეს გამოქვეყნებისთანავე. |
|
დოკუმენტის კომენტარები