„ქალაქ რუსთავის მუნიციპალიტეტის მერიის დებულების დამტკიცების შესახებ“ ქალაქ რუსთავის საკრებულოს 2014 წლის 8 აგვისტოს №9 დადგენილებაში ცვლილების შეტანის თაობაზე

ა) მე-7 მუხლის პირველი პუნქტს დაემატოს „დ.ნ“ და „დ.ო“  ქვეპუნქტები და  ჩამოყალიბდეს შემდეგი რედაქციით:

„დ.ნ) ახორციელებს პირობით აუქციონში გამარჯვებული პირისათვის ვალდებულებების შესრულების ვადის გაგრძელებას და გამოსცემს შესაბამის სამართლებრივ აქტს.

„დ.ო) უზრუნველყოფს მუნიციპალიტეტის ქონების რეგისტრაციასა და რეგისტრირებულ მონაცემებში ცვლილებების განხორციელებაზე მიმართვას შესაბამის ორგანოებში ან თავისი ბრძანებით ახდენს აღნიშნული უფლებამოსილების უშუალო განმხორციელებლის და მისი დავალების განსაზღვრას,“.

ბ) მე-11 მუხლის მე-2 პუნქტი ჩამოყალიბდეს შემდეგი რედაქციით:

„2.  მერიის  სტრუქტურული ერთეულებია:

ა)   მერიის ადმინისტრაცია;

ბ)   ინფრასტრუქტურის, მშენებლობისა და კეთილმოწყობის სამსახური;

გ)   საფინანსო-საბიუჯეტო სამსახური;

დ)  შიდა აუდიტის სამსახური;

ე)   საზოგადოებასთან ურთიერთობის და პროტოკოლის სამსახური;

ვ) სოციალური მომსახურების, ჯანმრთელობის, კულტურის, სპორტისა და ახალგაზრდულ საქმეთა სამსახური;

ზ) ქონების მართვის, ურბანული დაგეგმარებისა და ეკონომიკური განვითარების სამსახური;

თ) ზედამხედველობის, ადგილობრივი მოსაკრებლებისა და ტრანსპორტის   განვითარების სამსახური;

ი) სამხედრო აღრიცხვისა და გაწვევის სამსახური;

კ)   სახანძრო დაცვის სამსახური;“

გ)  მე-12 მუხლის მე-5 პუნქტი ჩამოყალიბდეს შემდეგი რედაქციით:

„5. ინფრასტრუქტურის, მშენებლობისა და კეთილმოწყობის სამსახურის ძირითადი ფუნქციებია: მუნიციპალიტეტის ტერიტორიაზე კეთილმოწყობის სამუშაოთა დაგეგმვისა და ინფრასტრუქტურული პროექტების მომზადება-განხორციელება და ამ მიზნით შესაბამისი ადგილობრივი შესყიდვების განხორციელებისათვის წინადადებების მომზადების უზრუნველყოფა. ადგილობრივი მნიშვნელობის გზებზე საგზაო მოძრაობის ორგანიზებაზე წინადადებების შემუშავება-წარდგენა.“

დ)  მე-12 მუხლის მე-6 პუნქტი ჩამოყალიბდეს შემდეგი რედაქციით:

„6. ზედამხედველობის, ადგილობრივი მოსაკრებლებისა და ტრანსპორტის განვითარების სამსახურის ძირითადი ფუნქციებია: ქალაქში მიმდინარე მშენებლობაზე და არქიტექტურულ საქმიანობაზე ზედამხედველობის უზრუნველყოფა, ადმინისტრაციული სამართალდარღვევების საქმის წარმოება, ადგილობრივი მოსაკრებლების ამოღება და კონტროლი, მოსახლეობის  მუნიციპალური ტრანსპორტის მომსახურების ორგანიზებაზე კონტროლი.“.