„წყალტუბოს მუნიციპალიტეტის ადგილობრივი თვითმმართველობის მოხელეთა დამატებითი საკვალიფიკაციო მოთხოვნების დამტკიცების შესახებ“ წყალტუბოს მუნიციპალიტეტის საკრებულოს 2014 წლის 29 აგვისტოს №50 დადგენილებაში ცვლილების შეტანის შესახებ

ა) ქართულ ენაზე გამართული ზეპირი და წერილობითი კომუნიკაციის უნარი;

ბ) საოფისე კომპიუტერული პროგრამის (Microsoft Office Word) დამაკმაყოფილებელი ცოდნა;

გ) გარდა ამ დანართის მე-6 პუნქტთან განსაზღვრული შემთხვევებისა, შემდეგი სამართლებრივი აქტების ცოდნა:

გ.ა) საქართველოს კონსტიტუცია;

გ.ბ) საქართველოს ორგანული კანონი ,,ადგილობრივი თვითმმართველობის კოდექსი” (I -VI თავი);

გ.გ) საქართველოს ზოგადი ადმინისტრაციული  კოდექსი’ (I-IV,VI,  XIII თავები);

გ.დ) საქართველოს კანონი ,,საჯარო სამსახურის შესახებ’’;

გ.ე) წყალტუბოს მუნიციპალიტეტის საკრებულოს დებულება;

გ.ვ) წყალტუბოს მუნიციპალიტეტის გამგეობის დებულება;

გ.ზ) შესაბამისი სტრუქტურული ერთეულის დებულება;

გ.თ) თითოეული თანამდებობის სპეციფიკიდან გამომდინარე შესაბამისი სამართლებრივი აქტები (საჭიროებისამებრ).

2. საკრებულოს აპარატის უფროსის თანამდებობის დასაკავებლად, გარდა პირველი პუნქტით დადგენილი მოთხოვნებისა, სავალდებულოა არანაკლებ მაგისტრის ან მაგისტრთან გათანაბრებული  აკადემიური ხარისხი, პროფესიული კვალიფიკაციის შესაბამისი უნარები,  კომუნიკაციისა და ანალიტიკური აზროვნების უნარი და არანაკლებ 2 წლიანი საერთო შრომითი სტაჟი.

3.  განყოფილების უფროსის თანამდებობის დასაკავებლად, გარდა პირველი პუნქტით დადგენილი მოთხოვნებისა, სავალდებულოა არანაკლებ მაგისტრის ან მაგისტრთან გათანაბრებული  აკადემიური ხარისხი, პროფესიული კვალიფიკაციის შესაბამისი უნარები, კომუნიკაციისა და ანალიტიკური აზროვნების უნარი  და არანაკლებ 1 წლიანი საერთო შრომითი სტაჟი.

4. თანაშემწის თანამდებობის დასაკავებლად,  გარდა პირველი პუნქტით დადგენილი მოთხოვნებისა, სავალდებულოა არანაკლებ  ბაკალავრის  აკადემიური ხარისხი, პროფესიული კვალიფიკაციის შესაბამისი უნარები, კომუნიკაციისა და ანალიტიკური აზროვნების უნარი  და არანაკლებ 1 წლიანი საერთო შრომითი სტაჟი.

 5.  გამგებლის წარმომადგენლის, მთავარი სპეციალისტის, წამყვანი სპეციალისტის, უფროსი სპეციალისტის და სპეციალისტის  თანამდებობის დასაკავებლად, გარდა პირველი პუნქტით დადგენილი მოთხოვნებისა, სავალდებულოა არანაკლებ საშუალო განათლება და პროფესიული კვალიფიკაციის შესაბამისი უნარები.

6. 2015 წლის 1 ივლისამდე ადგილობრივი თვითმმართველობის მოხელის თანამდებობებზე დასანიშნად პირის მიერ გასავლელი კონკურსის სავალდებულო ეტაპის ან მოხელის ატესტაციის სავალდებულო ეტაპის - ტესტირების ჩატარების მეთოდიკა, თემატიკა, შეფასების კრიტერიუმები დგინდება კანონით განსაზღვრული შესაბამისი სამართლებრივი აქტით.

7. 2015 წლის 1 ივლისამდე ადგილობრივი თვითმმართველობის მოხელის თანამდებობებზე დასანიშნად პირის მიერ გასავლელი კონკურსის სავალდებულო ეტაპის ან მოხელის ატესტაციის სავალდებულო ეტაპის - ტესტირების ეტაპის მინიმალური გამსვლელი ზღვარი დადგინდეს მაქსიმაულურ ქულათა 60% ოდენობით.