„აეროდრომების სერტიფიცირების წესის დამტკიცების შესახებ“ სსიპ - სამოქალაქო ავიაციის სააგენტოს დირექტორის 2013 წლის 30 დეკემბრის №267 ბრძანებაში ცვლილების შეტანის შესახებ

1. „აეროდრომის სერტიფიცირების წესის“ მე-17 მუხლი ჩამოყალიბდეს შემდეგი რედაქციით:

„მუხლი 17. სახელმძღვანელოს შესანახი ადგილი

1. აეროდრომის ექსპლუატანტი სახელმძღვანელოს მოქმედ ეგზემპლარს ინახავს აეროდრომზე, ხოლო სახელმძღვანელოს ასლი - ინახება სააგენტოში“.      

2. აეროდრომის ექსპლუატანტმა სააგენტოს შესაბამისი უფლებამოსილების მქონე წარმომადგენელს შესამოწმებლად უნდა წარუდგინოს სახელმძღვანელოს მოქმედი ეგზემპლარი“.  

2. „აეროდრომის სერტიფიცირების წესის“ 23-ე მუხლის მე-5 პუნქტი ჩამოყალიბდეს შემდეგი რედაქციით:

„5. ,,აეროდრომის ფრენების უსაფრთხოების სახელმძღვანელო/პროგრამა"უნდა აკმაყოფილებდეს ჩიკაგოს კონვენციის მე-19 დანართის და ICAO-ს ოფიციალური გამოცემის DOC 9859 (ფრენების უსაფრთხოების უზრუნველყოფის სახელმძღვანელო) მოთხოვნებს. ,,აეროდრომის ფრენების უსაფრთხოების სახელმძღვანელო/პროგრამა" დამტკიცებამდე სავალდებულოდ თანხმდება სააგენტოსთან“.

3. დანართ №1-ის მე-4 მუხლის მე-15 პუნქტი ჩამოყალიბდეს შემდეგი რედაქციით:

„15. საშიშ მასალებთან მოპყრობა.

ა) საშიშ მასალებთან მოპყრობის პროცედურები და შენახვასთან დაკავშირებული მონაცემები უნდა შეიცავდეს:

ა.ა) აეროდრომზე სპეციალური ადგილის გამოყოფას ადვილად აალებადი სითხეების (მათ შორის – ავიასაწვავის) და სხვა ნებისმიერი საშიში მასალის (ადვილად აალებადი მყარი მასალების, კოროზიული სითხეების, შეჭირხნული აირების, დამაგნიტებული ან რადიოაქტიური ნივთიერებების) შესანახად;

ა.ბ) საშიში მასალების დადგენილი წესით შემოტანას, შენახვას და დამუშავებას, აგრეთვე, მისგან გათავისუფლებას“.