„ქალაქ ქუთაისის მუნიციპალიტეტის საკრებულოს თანამდებობის პირთა და საკრებულოს აპარატის მოსამსახურეთა თანამდებობრივი სარგოს ოდენობების განსაზღვრის შესახებ“ ქალაქ ქუთაისის მუნიციპალიტეტის საკრებულოს 2014 წლის 16 ივლისის №9 დადგენილებაში ცვლილების შეტანის თაობაზე

საქართველოს ორგანული კანონის „ადგილობრივი თვითმმართველობის კოდექსი“ 24-ე მუხლის 1-ლი პუნქტის „დ“ ქვეპუნქტის „დ.ე“ ქვეპუნქტის, „ნორმატიული აქტების შესახებ“ საქართველოს კანონის მე-20 მუხლის, საქართველოს ზოგადი ადმინისტრაციული კოდექსის 63-ე მუხლისა და „საჯარო სამსახურის თანამდებობათა რეესტრის დამტკიცების შესახებ“ საქართველოს მთავრობის 2014 წლის 29 სექტემბრის №576 დადგენილების საფუძველზე, ქალაქ ქუთაისის მუნიციპალიტეტის საკრებულო  ადგენს:

შეტანილ იქნეს ცვლილება „ქალაქ ქუთაისის მუნიციპალიტეტის საკრებულოს თანამდებობის პირთა და საკრებულოს აპარატის  მოსამსახურეთა თანამდებობრივი სარგოს ოდენობების განსაზღვრის შესახებ“ ქალაქ ქუთაისის მუნიციპალიტეტის საკრებულოს 2014 წლის 16 ივლისის №9 დადგენილებაში /სსმ matsne@justice.gov.ge 18.07.2014. 190020020.35.123.016219/ კერძოდ, დადგენილების დანართის მე-6 პუნქტის გასწვრივ, გრაფაში: „თანამდებობის დასახელება“, სიტყვები: „სამსახურის უფროსი“ შეიცვალოს სიტყვებით: „განყოფილების უფროსი“, ხოლო გრაფაში: „თანამდებობრივი განაკვეთი ლარებში“, რიცხვი: „1490“ შეიცვალოს რიცხვით: „900“, აღნიშნული ცვლილების გათვალისწინებით დადგენილების დანართი ჩამოყალიბდეს თანდართული რედაქციით. 

დადგენილება ამოქმედდეს 2014 წლის 1 ნოემბრიდან.