სახელმწიფო საკუთრებაში არსებული უძრავი ქონების პირობებიანი აუქციონის ფორმით პრივატიზების შესახებ საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ - სახელმწიფო ქონების ეროვნული სააგენტოს ინფორმაციის მოწონების თაობაზე

საქართველოს მთავრობის

განკარგულება №1720

2014 წლის 19 სექტემბერი

 ქ. თბილისი

სახელმწიფო საკუთრებაში არსებული უძრავი ქონების პირობებიანი აუქციონის ფორმით პრივატიზების შესახებ საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ – სახელმწიფო ქონების ეროვნული სააგენტოს ინფორმაციის  მოწონების თაობაზე

1.    „სახელმწიფო ქონების შესახებ“ საქართველოს კანონის 6² მუხლისა და „სახელმწიფო ქონების საპრივატიზებო საფასურის, საწყისი საპრივატიზებო საფასურისა და სარგებლობაში გადაცემის საფასურის განსაზღვრის წესის დამტკიცების შესახებ“ საქართველოს მთავრობის 2013 წლის 10 დეკემბრის №328 დადგენილებით დამტკიცებული წესის მე-2 მუხლის მე-2 პუნქტის შესაბამისად, მოწონებულ იქნეს საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ – სახელმწიფო ქონების ეროვნული სააგენტოს ინფორმაცია ქ. თბილისში, ალ. ყაზბეგის გამზირ №15-ში მდებარე 8288.00 კვ.მ. არასასოფლო-სამეურნეო დანიშნულების მიწის ნაკვეთისა და მასზე განთავსებული შენობა-ნაგებობების №1 – საერთო ფართობით 499.09 კვ.მ, №4 – საერთო ფართობით-63.39 კვ.მ, №2-5-9 –საერთო ფართობით 3713.6 კვ.მ (მ/შ სარდაფი 594.5 კვ.მ, I სართული – 1133.9 კვ.მ, II სართული –992.6 კვ.მ, III სართული – 992.6 კვ.მ), №3-8 – საერთო ფართობით 711.3 კვ.მ (მ/შ I სართული – 204.24 კვ.მ, II სართული – 253.53 კვ.მ, III სართული – 253.52 კვ.მ), №10-საერთო ფართობით 4525.2 კვ.მ (მ/შ ნახევარ – სარდაფი-754.2 კვ.მ, I სართული – 754.2 კვ.მ, II სართული – 754.2 კვ.მ, III სართული – 754.2 კვ.მ, IV სართული- 754.2 კვ.მ, V სართული- 754.2 კვ.მ), შენობა-ნაგებობა №10-ის VI სართულსა და სხვენზე არსებული 22.28 კვ.მ ფართი, №14-15-16 – საერთო ფართობით 1117.01 კვ.მ (მ/შ I სართული – 685.4 კვ.მ, II სართული – 431.61 კვ.მ.), №11 საერთო ფართობით – 18.0 კვ.მ. №13-საერთო ფართობით – 24.06 კვ.მ და ნაგებობები: №6, №7, №12, №17 (მიწის (უძრავი ქონების) საკადასტრო კოდი: 01.10.14.010.013) პირობებიანი აუქციონის ფორმით პრივატიზებისას საწყისი საპრივატიზებო საფასურის დამოუკიდებელი აუდიტორის (ექსპერტის) დასკვნის საფუძველზე დადგენილ საბაზრო ღირებულებაზე ნაკლები ოდენობით განსაზღვრის თაობაზე იმ პირობით, რომ საწყისი საპტივატიზებო თანხა დადგინდება 1 400 000  (ერთი მილიონ ოთხასი ათასი) ლარის ოდენობით, ხოლო საჯარო სამართლის იურიდიული პირის – სახელმწიფო სამხედრო სამეცნიერო-ტექნიკურ ცენტრ „დელტასათვის“ გადასახდელი თანხა განისაზღვრება 6 400 000 (ექვსი მილიონ ოთხასი ათასი) ლარის ოდენობით.

2.   საჯარო სამართლის იურიდიულმა პირმა – სახელმწიფო ქონების ეროვნულმა სააგენტომ, ამ განკარგულების შესრულების მიზნით, განახორციელოს კანონმდებლობით გათვალისწინებული შესაბამისი ღონისძიებები.

პრემიერ-მინისტრი                                             ირაკლი ღარიბაშვილი