წალენჯიხის მუნიციპალიტეტის ადგილობრივი თვითმმართველობის მოხელეთა დამატებითი საკვალიფიკაციო მოთხოვნების დამტკიცების შესახებ

„საჯარო სამსახურის შესახებ“ საქართველოს კანონის მე-19 მუხლის, ,,საჯარო სამსახურის შესახებ”  საკართველოს კანონით გათვალისწინებული კონკურსის ჩატარების წესის დამტკიცების შესახებ“ საქართველოს მთავრობის 2014 წლის 18 ივნისის №412 და ,,საჯარო მოხელეთა ატესტაციის ჩატარების წესის დამტკიცების შესახებ“ საქართველოს მთავრობის 2014 წლის 18 ივნისის  №411 დადგენილებების, „ნორმატიული აქტების შესახებ“ საქართველოს კანონის მე-20 და 25-ე მუხლების  შესაბამისად,  წალენჯიხის მუნიციპალიტეტის საკრებულო ადგენს:

დამტკიცდეს წალენჯიხის  მუნიციპალიტეტის ადგილობრივი თვითმმართველობის მოხელეთა დამატებითი საკვალიფიკაციო მოთხოვნები (დანართი №1).

ამ დადგნილებით განსაზღვრული დამატებითი საკვალიფიკაციო მოთხოვნების დაკმაყოფილება სავალდებულოა საკრებულოს აპარატისა და გამგეობის მოხელის თანამდებობის დასაკავებლად.

ამ დადგენილების ამოქმედებიდან ძალადაკარგულად გამოცხადდეს   „წალენჯიხის მუნიციპალიტეტის საკრებულოს აპარატსა და  მუნიციპალიტეტის გამგეობაში საჯარო თანამდებობათა დასაკავებელად დამატებითი საკვალიფიკაციო მოთხოვნების დამტკიცების შესახებ“  წალენჯიხის  მუნიციპალიტეტის საკრებულოს 2013 წლის 27 თებერვლის  №8 დადგენილება (სსიპ „საქართველოს საკანონმდებლო მაცნე“ www.matcne.gov.ge სარეგისტრაციო კოდი:  010250050.35.104.016115, თარიღი 05/03/2013).

დადგენილება ამოქმედდეს გამოქვეყნებისთანავე.

წალენჯიხის  მუნიციპალიტეტის ადგილობრივი თვითმმართველობის  მოხელეს, მოეთხოვება:

ა) ქართულ ენაზე გამართული ზეპირი და წერილობითი კომინიკაციის უნარი;

ბ) საოფისე კომპიუტერული პროგრამების ( Microsoft Office Word, Microsoft Office Excel ) და internet Explores-ის სამომხმარებლო დონეზე ცოდნა.

საკრებულოს აპარატის უფროსის, საკრებულოს აპარატის განყოფილების უფროსის, გამგეობის სამსახურის განყოფილების უფროსის,  თანამდებობაზე სავალდებულოა  ბაკალავრის აკადემიური ხარისხი შესაბამის სფეროში, პროფესიული კვალიფიკაციის უნარები, საჯარო სამსახურში საქმიანობის არანაკლებ  ორ წლიანი გამოცდილება, სამუშაოთა აღწერილობით დადგენილი ნორმატიული აქტების ცოდნა და საჭირო უნარები.

საკრებულოს თავმჯდომარის, გამგებლის თანაშემწეების, გამგებლის წარმომადგენლის თანამდებობაზე, სავალდებულოა ბაკალავის ხარისხი, პროფესიული კვალიფიკაციის შესაბამისი  უნარები, სამუშაოთა აღწერილობით დადგენილი ნორმატიული აქტების ცოდნა და საჭირო უნარები.

უმცროსი საჯარო თანამდებობის დასაკავებლად სასურველია ბაკალავრის აკადემიური ხარისხი და ერთი წლის მუშაობის სტაჟი შესაბამის სფეროში,  პროფესიული კვალიფიკაციის შესაბამისი  უნარები, სამუშაოთა აღწერილობით დადგენილი ნორმატიული აქტების ცოდნა და საჭირო უნარები.