„საჯარო სამართლის იურიდიული პირის - სახელმწიფო ქონების ეროვნული სააგენტოს დებულების დამტკიცების შესახებ“ საქართველოს მთავრობის 2012 წლის 17 სექტემბრის №391 დადგენილებაში ცვლილების შეტანის თაობაზე

1. „თ¹“ ქვეპუნქტი:

„თ¹) სამინისტროსთან შეთანხმებით განსაზღვრავს თანამშრომელთა მატერიალური წახალისებისა და დანამატებისათვის გამოსაყოფი სახსრების, აგრეთვე, სააგენტოს მიერ შესაძენი საწვავისა და გასაწევი საკომუნიკაციო ხარჯების ლიმიტებს;“.

2. „ლ¹“ ქვეპუნქტი:

„ლ¹) უფლებამოსილია, მინისტრთან შეთანხმებით, სააგენტოში დასაქმებული პირებისთვის დააწესოს დანამატი გარკვეული პერიოდის განმავლობაში (არა უმეტეს შესაბამისი საბიუჯეტო წლის ბოლომდე) სააგენტოს საქმიანობასთან დაკავშიერებული განსაკუთრებული სირთულის ან/და მნიშვნელობის დავალების შესრულებისათვის, აგრეთვე, სააგენტოს თავმჯდომარის ან/და უშუალო ხელმძღვანელის დავალებით, იმ სამუშაოს შესრულებისათვის, რაც სცდება დასაქმებულის უშუალო მოვალეობას, თუმცა, პირდაპირ არის დაკავშირებული სააგენტოს საქმიანობის მიზნებთან და ამოცანებთან;“.