დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„სამედიცინო მომსახურების მიმწოდებელთათვის პასპორტიზაციის წესის დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2013 წლის 4 აგვისტოს №01-33/ნ ბრძანებაში ცვლილების შეტანის შესახებ | |
---|---|
დოკუმენტის ნომერი | 01-73/ნ |
დოკუმენტის მიმღები | საქართველოს შრომის, ჯანმრთელობისა და სოციალური დაცვის მინისტრი |
მიღების თარიღი | 07/10/2014 |
დოკუმენტის ტიპი | საქართველოს მინისტრის ბრძანება |
გამოქვეყნების წყარო, თარიღი | ვებგვერდი, 07/10/2014 |
სარეგისტრაციო კოდი | 470230000.22.035.016300 |
|
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ: |
მუხლი 1 |
„სამედიცინო მომსახურების მიმწოდებელთათვის პასპორტიზაციის წესის დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2013 წლის 4 აგვისტოს №01-33/ნ ბრძანებაში (www.matsne.gov.ge; 06/08/2013; 470230000.22.035.016216) შეტანილ იქნეს შემდეგი ცვლილება: |
1.
ბრძანებით დამტკიცებული დანართი №1-ის (სამედიცინო მომსახურების მიმწოდებელთათვის პასპორტიზაციის წესი): |
ა)
მე-2 მუხლის: |
ა.ა)
მე-3 პუნქტის „ა“ და „ბ“ ქვეპუნქტები ჩამოყალიბდეს შემდეგი რედაქციით:
„ა) საწოლთა ფონდთან დაკავშირებული მონაცემები, კერძოდ: რეანიმაციული (მ.შ. პედიატრიული და ნეონატალური), ქირურგიული (მ.შ. პედიატრიული), ინფექციური (მ.შ. პედიატრიული), სამეანო, ნეონატალური, უნდა განახლდეს ყოველი სამუშაო დღის დასაწყისში. ცალკე მიეთითება თავისუფალ საწოლთა რაოდენობა; ბ) თავისუფალი რეანიმაციული (მ.შ. პედიატრიული და ნეონატალური) და ინფექციური (მ.შ. პედიატრიული) საწოლების, თავისუფალი ხელოვნური სუნთქვის აპარატების და თავისუფალი კიუვეზების შესახებ ინფორმაციის ნებისმიერი ხარისხობრივი და რაოდენობრივი ცვლილება უნდა აისახოს მაქსიმუმ 1 (ერთი) საათის განმავლობაში;“; |
ა.ბ)
მე-4 და მე-5 პუნქტები ამოღებულ იქნეს; |
ბ)
მე-3 მუხლის: |
ბ.ა)
მე-2 პუნქტი ჩამოყალიბდეს შემდეგი რედაქციით:
„2. „დაწესებულების საიდენტიფიკაციო ინფორმაციის“ ბლოკის დაწესებულების მონაცემების სვეტში მიეთითება: დაწესებულების საიდენტიფიკაციო კოდი, დაწესებულების დასახელება, დაწესებულების სტატუსი (ფუნქციონირებს თუ არა), საქმიანობის შეჩერების/შეწყვეტის თარიღი, საქმიანობის განახლების თარიღი, საქმიანობის შეჩერების/შეწყვეტის მიზეზი, სალიცენზიო მოწმობის ნომერი (ასეთის არსებობის შემთხვევაში), სანებართვო მოწმობის ნომერი (ასეთის არსებობის შემთხვევაში), შეტყობინება (ასეთის არსებობის შემთხვევაში), დაწესებულების ხელმძღვანელის/ პასუხისმგებელი პირის სახელი, გვარი, პირადი ნომერი და საკონტაქტო ინფორმაცია. „დაწესებულების საკონტაქტო მონაცემების“ ბლოკში მიეთითება მოქმედი ელექტრონული ფოსტის მისამართი და ადმინისტრაციისა და მიმღების ტელეფონის ნომრები. „ფაქტობრივი მისამართის“ ბლოკში „რეგიონის“ და „მუნიციპალიტეტის“ გასწვრივ მიეთითება სამინისტროს მიერ განსაზღვრული კოდი, ხოლო „დასახლებული პუნქტის“ და „მისამართის“ გრაფაში შესაბამისი ინფორმაცია ჩაიწერება სიტყვიერად.“; |
ბ.ბ)
მე-4 პუნქტის „ა“ ქვეპუნქტი ჩამოყალიბდეს შემდეგი რედაქციით:
„ა) „ელექტრომომარაგების“ ბლოკში მიეთითება ელექტრომომარაგების სახე („ცენტრალიზებული“, „მუდმივი“ და „მოქმედი (გამართულ მდგომარეობაში მყოფი) ალტერნატიული დენის წყარო(ები)“ შესაბამისი კოდირებით. ალტერნატიული დენის წყარო(ები)ს შემთხვევაში, დამატებით, უნდა მიეთითოს შესაბამისი საწვავის მარაგის არსებობა;“; |
ბ.გ)
მე-5 პუნქტის „ბ“ ქვეპუნქტი ჩამოყალიბდეს შემდეგი რედაქციით:
„ბ) ბლოკში „აღჭურვილობა“ მიეთითება ინფორმაცია დაწესებულებაში არსებული ფუნქციონირებადი (გამართულ მდგომარეობაში მყოფი) ტექნიკური აღჭურვილობის შესახებ გრაფების შესაბამისად (ასეთის არსებობის შემთხვევაში), შესაბამისი კოდირებით. კოდირების არარსებობის შემთხვევაში ინფორმაცია ჩაიწერება სიტყვიერად;“; |
ბ.დ)
ამოღებულ იქნეს 81 პუნქტი. |
2.
ბრძანების დანართი №1.1 („დაწესებულების საპასპორტო მონაცემები“) ჩამოყალიბდეს თანდართული რედაქციით. |
მუხლი 2 |
ბრძანება ამოქმედდეს გამოქვეყნებისთანავე.
|
|
დანართი №1.1
დაწესებულების საპასპორტო მონაცემები
|
დოკუმენტის კომენტარები