„საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ანაზღაურების წესის შესახებ“ საქართველოს საგარეო საქმეთა მინისტრის 2011 წლის 28 დეკემბრის N308 ბრძანებაში ცვლილების შეტანის შესახებ

,,3. საანგარიშგებო პერიოდში №5 და №6 დანართით გათვალისწინებულ ქვეყნებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ანაზღაურების გაანგარიშებისათვის საბაზისო თანხა განისაზღვროს შესაბამისად 2500 ევროსა და 3495 აშშ დოლარის ოდენობით.“;

,,ბ) ბარგის გადაზიდვის ხარჯი – მგზავრობის   დროისათვის   „ეკონომ” კლასის ერთი სამგზავრო ავიაბილეთის (ერთი მიმართულებით) ღირებულების არა უმეტეს 150%-ისა.“;

,,5. მოსამსახურეს, რომელიც როტაციის წესით სამუშაო მივლინებაში გამგზავრებისას ან მივლინებიდან გამოწვევის დროს უკან დაბრუნებისას მგზავრობს მისი ან მისი ოჯახის წევრების საკუთრებაში არსებული ავტომანქანით, ავტომანქანის საკუთრების დამადასტურებელი დოკუმენტის (ასლის) წარმოდგენის საფუძველზე, ერთჯერადი გასაცემლის სახით, ეძლევა მგზავრობისა და ბარგის გადაზიდვის   ხარჯების   საკომპენსაციო   თანხა,   რომელიც   შეესაბამება   მგზავრობის   დროისთვის არსებული „ეკონომ“ კლასის ერთი სამგზავრო ავიაბილეთის (ერთი მიმართულებით) ღირებულების 100%-ის ოდენობას. თუ მოსამსახურე ან მისი ოჯახის წევრი მგზავრობს ამ ბრძანებით გათვალისწინებული სხვა სატრანსპორტო საშუალებით, მას უნაზღაურდება მხოლოდ მგზავრობის ხარჯი.“;

,,6¹. მოსამსახურეს და მისი ოჯახის წევრებს როტაციის წესით სამუშაო მივლინებაში გამგზავრებასთან დაკავშირებით,    აგრეთვე გრძელვადიან მივლინებაში მყოფი მოსამსახურის მოკლევადიანი მივლინებით გამგზავრებისას, წარმოდგენილი დამადასტურებელი დოკუმენტის საფუძველზე, უნაზღაურდება აცრებთან (ვაქცინაციასთან) დაკავშირებით ფაქტიურად გაწეული ხარჯები.“;

,,8. ამ ბრძანების მე-7 პუნქტით გათვალისწინებული პირველადი მოწყობის ხარჯებისათვის მოსამსახურეს ერთჯერადი დახმარების სახით მიეცემა:

ა) „მოსამსახურეთათვის სამსახურებრივი მივლინების ხარჯების ანაზღაურების შესახებ” საქართველოს პრეზიდენტის 2005 წლის 20 აპრილის №231 ბრძანებულების №2 დანართით განსაზღვრული ქვეყნის ფარგლებს გარეთ მოკლევადიანი მივლინების დროს უცხოური ვალუტით ანაზღაურების შესაბამისი სადღეღამისო ნორმის სამოცმაგი ოდენობის თანხა;

ბ)   მაკლერთან (სამაკლერო კომპანიასთან) გაფორმებული ხელშეკრულების წარმოდგენის საფუძველზე, საზღვარგარეთ საქართველოს დიპლომატიური წარმომადგენლობებისა და საკონსულო დაწესებულებების ხელმძღვანელებს   მაკლერის (სამაკლერო კომპანიის) მომსახურების ხარჯის 80%, ხოლო  დანარჩენ მოსამსახურეებს 50%, მაგრამ არაუმეტეს დასაქირავებელი ბინის ქირის ერთი თვის ოდენობისა.”.