შპს „ღვინის ლაბორატორიის“ სახელმწიფო საკუთრებაში არსებული 100% წილის მართვის უფლებით, პირდაპირი გადაცემის ფორმით, სსიპ - სოფლის მეურნეობის სამეცნიერო-კვლევითი ცენტრისთვის გადაცემის შესახებ

საქართველოს მთავრობის

განკარგულება №1677

2014 წლის 12 სექტემბერი

 ქ. თბილისი

შპს „ღვინის ლაბორატორიის“ სახელმწიფო საკუთრებაში არსებული 100% წილის მართვის უფლებით, პირდაპირი გადაცემის ფორმით, სსიპ - სოფლის მეურნეობის სამეცნიერო-კვლევითი ცენტრისთვის გადაცემის შესახებ

  1. „სახელმწიფო ქონების შესახებ“ საქართველოს კანონის 43-ე მუხლის პირველი პუნქტის შესაბამისად, შპს „ღვინის ლაბორატორიის“ (საიდენტიფიკაციო კოდი – №202330398) სახელმწიფო საკუთრებაში არსებული 100% წილი მართვის უფლებით, პირდაპირი გადაცემის ფორმით, უსასყიდლოდ, გადაეცეს სსიპ – სოფლის მეურნეობის სამეცნიერო-კვლევით ცენტრს მისი არსებობის ვადით.

 2. საქართველოს ეკონომიკისა და მდგრადი განვითარების სამინისტროს სისტემაში შემავალმა სსიპ – სახელმწიფო ქონების ეროვნულმა სააგენტომ, აღნიშნული განკარგულების შესრულების მიზნით, უზრუნველყოს შესაბამისი ღონისძიებების გატარება.

პრემიერ-მინისტრი                                                                     ირაკლი ღარიბაშვილი