„სახელმწიფო საკუთრებაში არსებული უძრავი ქონების ელექტრონული აუქციონის ფორმით პრივატიზების შესახებ“ საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ - სახელმწიფო ქონების ეროვნული სააგენტოს ინფორმაციის მოწონების თაობაზე

საქართველოს მთავრობის

განკარგულება №1540

2014 წლის 5 სექტემბერი

 ქ. თბილისი

,,სახელმწიფო საკუთრებაში არსებული უძრავი ქონების ელექტრონული აუქციონის ფორმით პრივატიზების შესახებ“ საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ – სახელმწიფო ქონების ეროვნული სააგენტოს ინფორმაციის მოწონების თაობაზე

 1. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-5 მუხლის „ი“ და „ კ“ ქვეპუნქტების, ,,სახელმწიფო ქონების შესახებ“ საქართველოს კანონის 6² მუხლისა და „სახელმწიფო ქონების საპრივატიზებო საფასურის, საწყისი საპრივატიზებო საფასურისა და სარგებლობაში გადაცემის საფასურის განსაზღვრის წესის დამტკიცების შესახებ“ საქართველოს მთავრობის 2013 წლის 10 დეკემბრის №328 დადგენილებით დამტკიცებული წესის მე-2 მუხლის მე-2 პუნქტის შესაბამისად, მოწონებულ იქნე ს სსიპ – სახელმწიფო ქონების ეროვნული სააგენტოს თანდართული ინფორმაცია ქ. მცხეთაში, სამხედროს ქუჩა №20-ში მდებარე 18464 კვ.მ არასასოფლო-სამეურნეო დანიშნულების მიწის ნაკვეთის და მასზე განთავსებული №1-8 შენობა-ნაგებობის (მიწის (უძრავი ქონების) საკადასტრო კოდი – 72.07.02.756), ასევე , ქ. მცხეთაში, სამხედროს ქუჩა №20-ში მდებარე 500 კვ.მ არასასოფლო-სამეურნეო დანიშნულების მიწის ნაკვეთის (მიწის (უძრავი ქონების) საკადასტრო კოდი – 72.07.02.755) ელექტრონული აუქციონის ფორმით, პირობებით , პრივატიზების თაობაზე.

2.  საჯარო სამართლის იურიდიულმა პირმა – სახელმწიფო ქონების ეროვნულმა სააგენტომ, ამ განკარგულების შესრულების მიზნით, განახორციელოს კანონმდებლობით გათვალისწინებული შესაბამისი ღონისძიებები.

პრემიერ - მინისტრი                                                                        ირაკლი ღარიბაშვილი