საქართველოს „წითელ ნუსხაში“ შეტანილი მცენარეების ბუნებრივი გარემოდან ამოღების კომპენსირების მიზნით ზოგიერთ ღონისძიებათა შესახებ

საქართველოს მთავრობის

განკარგულება №1535

2014 წლის 5 სექტემბერი

 ქ. თბილისი

საქართველოს „წითელ ნუსხაში“ შეტანილი მცენარეების ბუნებრივი გარემოდან ამოღების კომპენსირების მიზნით ზოგიერთ ღონისძიებათა შესახებ

1. დაევალოს საქართველოს გარემოსა და ბუნებრივი რესურსების დაცვის სამინისტროს, შეიმუშავოს „საქართველოს „წითელ ნუსხაში“ შეტანილი მცენარეთა სახეობების განახლების“ პროგრამა.

2. საქართველოს ფინანსთა სამინისტრომ და საქართველოს გარემოსა და ბუნებრივი რესურსების დაცვის სამინისტრომ, 2015 წლის სახელმწიფო ბიუჯეტის პროექტში, გაითვალისწინონ ამ განკარგულების პირველ პუნქტში მითითებული პროგრამის დაფინანსებისთვის საჭირო თანხები.

3. ელექტრული ქსელების ხაზობრივი ნაგებობებისა და მაგისტრალური მილსადენების დაცვის ზონების უსაფრთხო ფუნქციონირების ფარგლებში, საქართველოს „წითელ ნუსხაში“ შეტანილი მცენარეების ბუნებრივი გარემოდან ამოღებით გარემოსათვის მიყენებული ზემოქმედების საკომპენსაციო და შემარბილებელი ღონისძიებების დაფინანსება განხორციელდეს „საქართველოს 2015 წლის სახელმწიფო ბიუჯეტის შესახებ“ საქართველოს კანონით საქართველოს გარემოსა და ბუნებრივი რესურსების დაცვის სამინისტროსათვის გამოყოფილი ასიგნებების ფარგლებში.

პრემიერ-მინისტრი                                                               ირაკლი ღარიბაშვილი