მესტიის მუნიციპალიტეტის გამგეობის სოციალური დაცვის სამსახურის დებულების დამტკიცების შესახებ

1. მესტიის მუნიციპალიტეტის სოციალური დაცვის სამსახური  (შემდგომში სამსახური) არის მესტიის მუნიციპალიტეტის გამგეობის სტრუქტურული ერთეული და მისი შემადგენელი ნაწილი, რომელიც  უზრუნველყოფს მუნიციპალიტეტის ტერიტორიაზე ჯანმრთელობის დაცვისა და მოსახლეობის სოციალური დაცვის პროგრამებისა და პროექტების განხორციელებას.
2. სამსახური საქმიანობას წარმართავს საქართველოს კანონმდებლობის, გამგეობის დებულების, ამ დებულებისა და მუნიციპალიტეტის სამართლებრივი აქტების საფუძველზე.
3. სამსახურის საშტატო განრიგი და თანამდებობრივი სარგოები განისაზღვრება საკრებულოს მიერ დამტკიცებული გამგეობის საშტატო ნუსხით.

            მუხლი 2.  სამსახურის სტრუქტურა

1. სამსახური შედგება სამსახურის უფროსისა და ჯანმრთელობის დაცვის, სოციალური დაცვის, ვეტერანთა და დევნილთა სფეროს სპეციალისტებისაგან.
2. სამსახურის სქმიანობას წარმართავს სამსახურის უფროსი, რომლის უფლებამოსილებები და სამსახურებრივი ფუნქციები  განისაზღვრება გამგეობის დებულებით და სამსახურის უფროსის სამუშაოთა აღწერილობით. უფროსის არ ყოფნის შემთხვევაშიმის მოვალეობას ასრულებს ერთ-ერთი მოხელე.
3. სამსახურის მოხელეთა უფლება-მოვალეობები, წახალისების, დაწინაურებისა და დისციპლინური პასუხისმგებლობის საკითხები განსაზღვრულია „საჯარო სამსახურის შესახებ“ საქართველოს კანონით, გამგეობის დებულებით, შინაგანაწესით, თანამდებობრივი ინსტრუქციებითა და მუნიციპალიტეტის სამსართლებრივი აქტებით.  

     მუხლი 3. სამსახურის საქმიანობის ძირითადი მიმართულებები

         სამსახური დადგენილი წესით უზრუნველყოფს:

         ა) ჯანმრთელობის დაცვის მუნიციპალური პროგრამების შემუშავება;

        ბ) ჯანმრთელობის დაცვის მუნიციპალურ პროგრამათა განხორციელება და  ამ სფეროში მონაწილე სახელმწიფო და კერძო სტრუქტურებთან კოორდინაციას;

       გ) საზოგადოებრივი ჯანდაცვის სფეროში მუნიციპალიტეტისათვის დელეგირებული უფლებამოსილების განხორციელებას;

         დ) ჯანმრთელობის დაცვის მუნიციპალური დაწესებულებების მართვას;

       ე) უმუშევართა, დავრდომილთა, უმწეოთა, უსახლკაროთა, შეზღუდული შესაძლებლობის მქონე პირთა და ინვალიდთა  აღრიცხვას და შესაბამისი სოციალური დაცვის პროგრამების მომზადებასა და შედგენას;

         ვ) დასაქმების მუნიციპალური პროგრამების შემუშავებას;

       ზ) უმუშევართა რეგისტრაციას, მათი პროფესიული გადამზადებისა და სოციალური რეაბილიტაციის ხელშეწყობას;

        თ)  სოციალური დაცვის მუნიციპალური დაწესებულებების მართვას;

       ი) საქართველოს კანონმდებლობით განსაზღვრული, გამგეობის დებულებითა  და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას;

მუხლი 4. სამსახურის სამუშაოთა აღწერილობა

   სამსახურის უფროსის დავალებით სამსახურის მოხელეები ადგენენ თავიანთი სამუშაოს მოცულობის, ხასიათის, პროფილის და სამუშაო გრაფიკის აღწერილობას და წერილობითი ფორმით წარუდგენენ სამსახურის უფროსს, რომელიც აღნიშნული დოკუმენტაციის საფუძველზე ამზადებს პროექტს სამსახურის სამუშაოთა აღწერილობის ინსტრუქციის თაობაზე და წარუდგენს   მუნიციპალიტეტის გამგებელს.

   მუხლი 5.  სამსახურის დებულების ცვლილებები

4. ამ დებულებაში ცვლილებების და დამატებების შეტანა ხორციელდება გამგეობის დებულებაში გათვალისწინებული წესებისა და პროცედურების მიხედვით.
5. ეს დებულება ძალაში შედის გამოქვეყნების მომენტიდან.