„საქართველოს სოფლის მეურნეობის სამინისტროს ცენტრალური აპარატის მოხელეთა ვაკანტური თანამდებობების დასაკავებლად კანდიდატებისათვის დამატებითი საკვალიფიკაციო მოთხოვნების და საკონკურსო თემატიკის დამტკიცების თაობაზე“ საქართველოს სოფლის მეურნეობის მინისტრის 2013 წლის 13 ნოემბრის N2-247 ბრძანებაში ცვლილების შეტანის შესახებ

1. პირველი მუხლის „ბ“ ქვეპუნქტით დამტკიცებულ „ადმინისტრაციული დეპარტამენტის მოხელეთა ვაკანტური თანამდებობების დასაკავებლად კანდიდატებისათვის დამატებით საკვალიფიკაციო მოთხოვნებს და საკონკურსო თემატიკას“ (დანართი N2) დაემატოს შემდეგი შინაარსის 6¹ მუხლი:

 „მუხლი 6¹.

საქმისწარმოების სამმართველოს უფროსის მოადგილის ვაკანტური თანამდებობის დასაკავებლად კანდიდატებისათვის დამატებითი საკვალიფიკაციო მოთხოვნებია:

ა) უმაღლესი განათლება;

ბ) არანაკლებ  3-წლიანი სამუშაო გამოცდილება, მათ შორის საქმისწარმოების სფეროში  ადმინისტრაციულ ორგანოში არანაკლებ 2-წლიანი სამუშაო გამოცდილება;

გ) სასურველია ინგლისური ან რუსული ენის ცოდნა;

დ) საოფისე კომპიუტერული პროგრამების ცოდნა (Microsoft Office Word, Microsoft Office Excel, Microsoft Office Outlook);

ე) უპირატესობა მიენიჭება იმ კანდიდატს, ვისაც გააჩნია საქმისწარმოების ელექტრონულ პროგრამასთან (eflow) მუშაობის გამოცდილება.“.

2. პირველი მუხლის „თ“ ქვეპუნქტით დამტკიცებული „პოლიტიკისა და ანალიტიკის დეპარტამენტის მოხელეთა ვაკანტური თანამდებობების დასაკავებლად კანდიდატებისათვის დამატებითი საკვალიფიკაციო მოთხოვნების და საკონკურსო თემატიკის“ (დანართი N8) მე-7 მუხლი ამოღებულ იქნეს.