სახელმწიფო საკუთრებაში არსებული უძრავი ქონების ფიზიკური პირი ქიარა როზმარი ო სალივანისათვის პირდაპირი მიყიდვის ფორმით პრივატიზების შესახებ

საქართველოს მთავრობის

განკარგულება №1476

 2014 წლის 26 აგვისტო

ქ. თბილისი

სახელმწიფო საკუთრებაში არსებული უძრავი ქონების ფიზიკური პირი –  ქიარა როზმარი ო სალივანისათვის პირდაპირი მიყიდვის ფორმით პრივატიზების შესახებ

1. „სახელმწიფო ქონების შესახებ“ საქართველოს კანონის მე-18 მუხლის მე-3 პუნქტის შესაბამისად, სახელმწიფო საკუთრებაში არსებული, ქალაქ სიღნაღში, კოსტავას ქუჩა №1-ში მდებარე შენობა-ნაგებობის პირველ სართულზე არსებული 231,46 კვ.მ ფართი და მასზე წილობრივად დამაგრებული 282 კვ.მ არასასოფლო-სამეურნეო დანიშნულების მიწის ნაკვეთი (მიწის (უძრავი ქონების) საკადასტრო კოდი – 56.14.18.289) პირდაპირი მიყიდვის ფორმით, სიმბოლურ ფასად – 1 (ერთი) ლარად, საკუთრებაში გადაეცეს ფიზიკურ პირ ქიარა როზმარი ო სალივანს (პ/ნ 08AH99649).

2. საპრივატიზებო პირობად განისაზღვროს საპრივატიზებო თანხის გადახდა შესაბამისი ხელშეკრულების გაფორმებიდან 30 კალენდარული დღის ვადაში.

  3. სახელმწიფო ქონების შემძენი (ქიარა როზმარი ო სალივანი) ვალდებულია შეასრულოს ქ. თბილისის სააპელაციო სასამართლოს 2014 წლის 8 მაისის №3ბ/294-11 განჩინებით დამტკიცებული, 2014 წლის 8 მაისს გაფორმებული მორიგების აქტის 2.2 პუნქტით ნაკისრი ვალდებულებები.

 4. საჯარო სამართლის იურდიულმა პირმა – სახელმწიფო ქონების ეროვნულმა სააგენტომ, ამ განკარგულების შესრულების მიზნით, უზრუნველყოს კანონმდებლობით გათვალისწინებული შესაბამისი ღონისძიებების განხორციელება.

5. ამ განკარგულების პირველი, მე-2 და მე-4 პუნქტები ამოქმედდეს სახელმწიფო ქონების შემძენის მიერ ამავე განკარგულების მე-3 პუნქტით გათვალისწინებული ვალდებულების შესრულებისთანავე.

პრემიერ-მინისტრი                                                                             ირაკლი ღარიბაშვილი