„წალენჯიხის მუნიციპალიტეტის საკრებულოს რეგლამენტის დამტკიცების შესახებ“ წალენჯიხის მუნიციპალიტეტის საკრებულოს 2014 წლის 24 ივლისის N14 დადგენილებაში ცვლილების შეტანის თაობაზე.

„მუხლი 16. საკრებულოს წევრის უფლებამოსილების განხორციელებასთან დაკავშირებული ხარჯების ანაზღაურება

1. საკრებულოს წევრს თავისი უფლებამოსილების (საკრებულოს სხდომებზე დასწრება, განსახილველ საკითხებში მონაწილეობა, ამომრჩევლებთან შეხვედრა და ცალკეული დავალებების შესრულება) განხორციელებასთან  დაკავშირებით შეიძლება აუნაზღაურდეს:

ა) ტრანსპორტირების ხარჯები;

ბ) სამივლინებო ხარჯები;

გ) შიდა და საერთაშორისო სატელეფონო და სატელეგრაფო მომსახურეობის ხარჯები;

დ) სხვა ხარჯები (ინტერნეტის, ქსეროასლების გადაღებისა და ა.შ)

2. საკრებულოს წევრს,  ამ მუხლის 1-ლი პუნქტის „ბ“ ქვეპუნქტით განსაზღვრული ხარჯი უნაზღაურდება საკრებულოს აპარატში წარმოდგენილი, მივლინებასთან დაკავშირებული, დოკუმენტაციის საფუძველზე.

3.  ამ მუხლის 1-ლი პუნქტის „ა“ „გ“ და „დ“ ქვეპუნქტით  განსაზღვრული ხარჯების ანაზღაურების მიზნით საკრებულოს წევრს, (გარდა საკრებულოს თანამდებობის პირებისა), ყოველთვიურად ეძლევა თანხა, რომლის ზღვრული ოდენობა განისაზღვრება საკრებულოს ინდივიდუალურ-სამართლებრივი აქტით;

4. თუ საკრებულოს წევრი, ვერ ცხადდება საკრებულოს კომისიის ან/და საკრებულოს სხდომაზე, მან ამის თაობაზე სხდომის დაწყებამდე უნდა აცნობოს საკრებულოს აპარატს ან შესაბამისი სხდომის ჩატარებიდან არა უგვიანეს 5 სამუშაო დღის ვადაში უნდა წარმოადგინოს საპატიო მიზეზის არსებობის დამადასტურებელი ცნობა. სხდომების არასაპატიო მიზეზით გაცდენისათვის, განხორცილდება თანხის დაქვითვა საკრებულოს წევრის უფლებამოსილების შესრულებასთან დაკავშირებული ხარჯებიდან საკრებულოს მიერ დადგენილი ოდენობით.