1997 წლის საქართველოს სახელმწიფო პრემიების მინიჭების შესახებ

საქართველოს პრეზიდენტის

ბრძანებულება №767

1997 წლის 28 დეკემბერი

ქ. თბილისი

1997 წლის საქართველოს სახელმწიფო პრემიების მინიჭების შესახებ

დამტკიცდეს საქართველოს პრეზიდენტთან არსებული ლიტერატურის, ხელოვნებისა და არქიტექტურის სახელმწიფო პრემიების კომიტეტის თანდართული გადაწყვეტილება 1997 წლის საქართველოს სახელმწიფო პრემიების მინიჭების შესახებ.

ე. შევარდნაძე

საქართველოს პრეზიდენტთან არსებული ლიტერატურის, ხელოვნებისა და არქიტექტურის სახელმწიფო პრემიების კომიტეტის გადაწყვეტილება

საქართველოს პრეზიდენტთან არსებულმა ლიტერატურის, ხელოვნებისა და არქიტექტურის სახელმწიფო პრემიების კომიტეტმა 1997 წლის 26 დეკემბერს თავის შემაჯამებელ სხდომაზე ფარული კენჭისყრით 1997 წლის საქართველოს სახელმწიფო პრემიები მიანიჭა ლაურეატობის შემდეგ კანდიდატებს:

ლიტერატურის დარგში

1. პოეტ შოთა ზოიძეს – კრებულისათვის „უსანქციო სონეტები“ (გამომცემლობა „მერანი“, 1997 წ.) და ამავე ციკლის სონეტებისათვის (გაზეთი „ლიტერატურული საქართველო“, 1997 წ. 26 სექტემბერი).

2. მწერალ თამაზ ჭილაძეს – პიესების ახალი კრებულისათვის „სიზმრების ახსნა“ (გამომცემლობა „ქართული თეატრი“, 1996 წ.).

მუსიკის დარგში

3. პიანისტ ალექსანდრე კორსანტიას – 1995-1997 წლებში საკონცერტო მოღვაწეობისათვის.

თეატრის დარგში

4. მსახიობ გიორგი გეგეჭკორს – ბოლო წლებში შექმნილი სცენური სახეებისათვის მთელი მისი შემოქმედების გათვალისწინებით.

კინემატოგრაფიის დარგში

5. კინორეჟისორ გიორგი ხაინდრავას – სატელევიზიო მხატვრული ფილმისათვის „ოცნებების სასაფლაო“ (1996 წ.).

სახვითი ხელოვნების დარგში

6. მოქანდაკე ჯუმბერ ჯიქიას – ჟიული შარტავას მემორიალისათვის ქალაქ რუსთავში.

საბავშვო ლიტერატურისა და ხელოვნების დარგში

7. მწერალ ვახტანგ ჭელიძეს – ხუთტომეულისათვის „ქართლის ცხოვრების ქრონიკები“.

პუბლიცისტიკის დარგში

8. პოეტ ანა კალანდაძეს – თხზულებათა მეორე ტომში შესული პუბლიცისტურ-ესეისტური წერილებისათვის (გამომცემლობა „საქართველო“, 1997 წ.).