„საქართველოს თავდაცვის სამინისტროს უწყებრივი მედლების დამტკიცების შესახებ" საქართველოს თავდაცვის მინისტრის 2008 წლის 16 აპრილის №223 ბრძანებაში ცვლილების შეტანის თაობაზე

1. ბრძანების პირველ პუნქტს დაემატოს ,,მ” ქვეპუნქტი შემდეგი რედაქციით:

,,მ) მედალი ,,დიდგორის ჯვარი’’ (დანართი №10²);”.

2. ბრძანებას დაემატოს დანართი №10² თანდართული რედაქციით.

მედლით დაჯილდოების წესი

1. მედლით ,,დიდგორის ჯვარი’’ აჯილდოებენ საქართველოს თავდაცვის სამინისტროს სისტემის სამხედრო მოსამსახურეებს საომარი და საბრძოლო მოქმედებების დროს გაბედული მოქმედებებისათვის, ლიდერის თვისებებისა და თანამებრძოლის სიცოცხლის გადარჩენისათვის გამოჩენილი მამაცობისათვის.

2.  მედლის ზოგადი აღწერილობა:

ა) ავერსი - მედალი ,,დიდგორის ჯვარი’’“ წარმოადგენს ვერცხლის ჯვარს, ფრთებში მეწამული (წითელი) მინანქრით. ჯვრის ცენტრში მრგვალი მედალიონის სევადის (შავი) მინანქრის ველზე გამოსახულია ვერცხლის გადაჯვარედინებული ხმალი და შურდული. ჯვარის ფრთებზე მეწამულ (წითელ) ველზე ვერცხლით ამოტვიფრულია ქართული ასომთავრულით ასო -  ,,დ” (დიდგორი; დავითი) და ,,ჩრბა” (1121 წ).

ჯვარი, საკიდით უკავშირდება ბაფთას;

ბ) რევერსი - ვერცხლის ჯვრის ზედაპირზე ამოტვიფრულია წარწერა ქართულ ენაზე მხედრული ანბანით: ,,სამშობლო, ღირსება, ერთგულება’’ და სამი ციფრი (მედლის ნომერი) - ,,000”;

გ) ბაფთა არის ლივლივა მეწამული (წითელი) ფერის, გვერდებზე ორი თეთრი ზოლით;

დ) მედლის თამასა არის ლივლივა მეწამული (წითელი) ფერის, გვერდებზე ორი თეთრი ზოლით;

3. მედ­ლით ,,დიდგორის ჯვარი’’ სამ­ხედ­რო მო­სამ­სა­ხუ­რე­ებს აჯილ­დო­ებს  სა­ქარ­თვე­ლოს თავდაცვის მი­ნის­ტრი.