„სახელმწიფო საკუთრებაში არსებული უძრავი ქონების შპს „აგრო ბიზნეს ჯგუფისათვის“ პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2011 წლის 12 ივლისის №12/07/05 განკარგულებით განსაზღვრულისგან განსხვავებული პირობის დადგენისა და შპს „აგრო ბიზნეს ჯგუფის“ საქმიანობის ხელშესაწყობად რიგ ღონისძიებათა განხორციელების შესახებ

საქართველოს მთავრობის

განკარგულება №1239

2014 წლის 15 ივლისი

ქ. თბილისი

 „სახელმწიფო საკუთრებაში არსებული უძრავი ქონების შპს „აგრო ბიზნეს ჯგუფისათვის“ პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2011 წლის 12 ივლისის №12/07/05 განკარგულებით განსაზღვრულისგან განსხვავებული პირობის დადგენისა და შპს „აგრო ბიზნეს ჯგუფის“ საქმიანობის ხელშესაწყობად რიგ ღონისძიებათა განხორციელების შესახებ

 1. „სახელმწიფო ქონების შესახებ“ საქართველოს კანონის 49¹ მუხლის პირველი პუნქტის და „სახელმწიფო ქონების შესახებ“ საქართველოს კანონში ცვლილების შეტანის თაობაზე“ 2013 წლის 6 სექტემბრის №1037-Iს საქართველოს კანონის მე-2 მუხლის პირველი პუნქტის შესაბამისად, დადგინდეს „სახელმწიფო საკუთრებაში არსებული უძრავი ქონების შპს „აგრო ბიზნეს ჯგუფისათვის“ პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2011 წლის 12 ივლისის №12/07/05 განკარგულების  მე-2 პუნქტის „ბ“ ქვეპუნქტისაგან განსხვავებული შემდეგი საპრივატიზებო პირობა:

 „სახელმწიფო საკუთრებაში არსებული უძრავი ქონების შპს „აგრო ბიზნეს ჯგუფისათვის“ პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2011 წლის 12 ივლისის №12/07/05 განკარგულების საფუძველზე დადებული შესაბამისი ხელშეკრულების გაფორმებიდან ერთ წელიწადში, ამავე განკარგულების პირველი პუნქტით გადაცემულ ქონებაზე, საღორე მეურნეობის მოწყობა.

 2. „სახელმწიფო ქონების შესახებ“ საქართველოს კანონის 49¹ მუხლის პირველი პუნქტის შესაბამისად, შპს „აგრო ბიზნეს ჯგუფი“ (ს/კ 445386350) გათავისუფლდეს საქართველოს ეკონომიკისა და მდგრადი განვითარების სამინისტროსა (უფლებამონაცვლე – საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ – სახელმწიფო ქონების ეროვნული სააგენტო) და შპს „აგრო ბიზნეს ჯგუფს“შორის 2011 წლის 28 ივლისს გაფორმებული ნასყიდობის ხელშეკრულების 5.2.2 პუნქტის საფუძველზე, ამ განკარგულების პირველი პუნქტის შესაბამისად ცვლილების ხელშეკრულების გაფორმებამდე, დაკისრებული/დასაკისრებელი პირგასამტეხლოსგან.

3. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა – სახელმწიფო ქონების ეროვნულმა სააგენტომ, ამ განკარგულების შესრულების მიზნით, განახორციელოს კანონმდებლობით გათვალისწინებული შესაბამისი ღონისძიებები.

პრემიერ-მინისტრი                             ირაკლი ღარიბაშვილი