საქართველოს მთავრობის 2013 წლის 8 ნოემბრის №289 დადგენილებით შექმნილი „საქართველოს განათლებისა და მეცნიერების სამინისტროს მმართველობის სფეროში მოქმედი საჯარო სამართლის იურიდიული პირების - უმაღლესი საგანმანათლებლო დაწესებულებების ინფრასტრუქტურის განვითარების ხელშეწყობის მიზნით დაფინანსების გამოყოფის საკითხების შემსწავლელი უწყებათაშორისი კომისიის“ რეკომენდაციის საფუძველზე, საქართველოს განათლებისა და მეცნიერების სამინისტროს მმართველობის სფეროში მოქმედი საჯარო სამართლის იურიდიული პირებისათვის - უმაღლესი საგანმანათლებლო დაწესებულებებისათვის დაფინანსების გამოყოფის თაობაზე

საქართველოს მთავრობის

განკარგულება №1248

2014 წლის 16 ივლისი

ქ. თბილისი

საქართველოს მთავრობის 2013 წლის 8 ნოემბრის №289 დადგენილებით შექმნილი ,,საქართველოს განათლებისა და მეცნიერების სამინისტროს მმართველობის სფეროში მოქმედი საჯარო სამართლის იურიდიული პირების – უმაღლესი საგანმანათლებლო დაწესებულებების ინფრასტრუქტურის განვითარების ხელშეწყობის მიზნით დაფინანსების გამოყოფის საკითხების შემსწავლელი უწყებათაშორისი კომისიის“ რეკომენდაციის საფუძველზე, საქართველოს განათლებისა და მეცნიერების სამინისტროს მმართველობის სფეროში მოქმედი საჯარო სამართლის იურიდიული პირებისათვის – უმაღლესი საგანმანათლებლო დაწესებულებებისათვის დაფინანსების გამოყოფის თაობაზე

,,საქართველოს განათლებისა და მეცნიერების სამინისტროს მმართველობის სფეროში მოქმედი საჯარო სამართლის იურიდიული პირების – უმაღლესი საგანმანათლებლო დაწესებულებების ინფრასტრუქტურის განვითარების ხელშეწყობის მიზნით დაფინანსების გამოყოფის საკითხების შემსწავლელი უწყებათაშორისი კომისიის შექმნისა და მისი დებულების დამტკიცების შესახებ“ საქართველოს მთავრობის 2013 წლის 8 ნოემბრის №289 დადგენილებით დამტკიცებული დებულების მე-6 მუხლის მე-2 პუნქტის შესაბამისად და საქართველოს მთავრობის 2013 წლის 8 ნოემბრის №289 დადგენილებით შექმნილი ,,საქართველოს განათლებისა და მეცნიერების სამინისტროს მმართველობის სფეროში მოქმედი საჯარო სამართლის იურიდიული პირების – უმაღლესი საგანმანათლებლო დაწესებულებების ინფრასტრუქტურის განვითარების ხელშეწყობის მიზნით დაფინანსების გამოყოფის საკითხების შემსწავლელი უწყებათაშორისი კომისიის“ 2014 წლის 4 ივლისის №1 და 2014 წლის 14 ივლისის №2 სხდომის ოქმების გათვალისწინებით, საქართველოს განათლებისა და მეცნიერების სამინისტროს მმართველობის სფეროში მოქმედი საჯარო სამართლის იურიდიული პირების – გორის სახელმწიფო სასწავლო უნივერსიტეტისა და სამცხე-ჯავახეთის სახელმწიფო უნივერსიტეტის მიერ წარდგენილი პროექტების დაფინანსების მოცულობა განისაზღვროს ამ პროექტების სავარაუდო ღირებულებების შესაბამისად, კერძოდ:

1. საქართველოს განათლებისა და მეცნიერების სამინისტროს მმართველობის სფეროში მოქმედ საჯარო სამართლის იურიდიულ პირს – გორის სახელმწიფო სასწავლო უნივერსიტეტს შენობის სარეაბილიტაციო სამუშაოებისათვის გამოეყოს დაფინანსება არა უმეტეს 135524,25 (ას ოცდათხუთმეტი ათას ხუთას ოცდაოთხი ლარი და ოცდახუთი თეთრი) ლარისა.

2. საქართველოს განათლებისა და მეცნიერების სამინისტროს მმართველობის სფეროში მოქმედ საჯარო სამართლის იურიდიულ პირს – სამცხე-ჯავახეთის სახელმწიფო უნივერსიტეტს ახალქალაქის სტუდენტებისა და აკადემიური პერსონალისათვის საერთო საცხოვრებლის მოწყობასთან დაკავშირებით, შენობის სარეაბილიტაციო სამუშაოებისათვის, საჯარო სამართლის იურიდიული პირის – ლევან სამხარაულის სახელობის სასამართლო ექსპერტიზის ეროვნული ბიუროს მიერ გაცემული საინჟინრო ექსპერტიზის №003295414 დასკვნის მოთხოვნათა შესაბამისად, დაკორექტირებული ხარჯთაღრიცხვის მიხედვით, გამოეყოს დაფინანსება, არა უმეტეს, 857918,36 (რვაას ორმოცდაჩვიდმეტი ათას ცხრაას თვრამეტი ლარი და ოცდათექვსმეტი თეთრი) ლარისა.

პრემიერ-მინისტრი                                 ირაკლი ღარიბაშვილი