„დუშეთის მუნიციპალიტეტის ტერიტორიაზე პირველ კლასს დაქვემდებარებულ დროებით შენობა-ნაგებობათა და პირველ კლასს დაქვემდებარებულ შენობა-ნაგებობათა სახეებისა (რომელთა განთავსება/მშენებლობა შესაძლებელია მშენებლობის ნებართვისა და ,,მშენებლობის ნებართვის გაცემისა და სანებართვო პირობების შესახებ’’ საქართველოს მთავრობის 2009 წლის 24 მარტის №57 დადგენილების 66-ე მუხლით გათვალისწინებული პროცედურების გარეშე ან პროცედურების დაცვით) და პირობების განსაზღვრის შესახებ’’ დუშეთის მუნიციპალიტეტის საკრებულოს 2014 წლის 8 ივლისის №10 დადგენილებაში ცვლილებების შეტანის თაობაზე

,,მუხლი 1. განისაზღვროს I კლასს დაქვემდებარებული შემდეგი სახეობების დროებითი შენობა - ნაგებობები და შენობა-ნაგებობები, რომელთა განთავსება/მშენებლობა, თუ კანონმდებლობით სხვა რამ არ არის განსაზღვრული, შესაძლებელია დუშეთის მუნიციპალიტეტის ტერიტორიაზე მშენებლობის ნებართვისა და ,,მშენებლობის ნებართვის გაცემისა და სანებართვო პირობების შესახებ’’ საქართველოს მთავრობის 2009 წლის 24 მარტის №57 დადგენილების (ტექსტში შემდგომ დადგენილება) 66-ე მუხლით გათვალისწინებული პროცედურების გარეშე:

ა)  60 მ² -მდე სართულების იატაკის დონეებზე განაშენიანების ჯამური ფართობის, 5 მ-მდე სიმაღლისა და გრუნტის ზედაპირიდან საშუალოდ  2 მ-მდე ჩაღრმავების მქონე შენობა;

ბ)  20 მ³-მდე მოცულობის, 10 მ-მდე სიმაღლისა და გრუნტის ზედაპირიდან 10 მ-მდე

ჩაღრმავების მქონე ნაგებობა;

გ)  გრუნტის ზედაპირიდან 4 მ-მდე სიმაღლის მქონე ღობე;

დ) შენობა-ნაგებობა, რომლის მალის,  ფერმის ან სხვა კონსტრუქციული ელემენტის სიგრძე ნაკლები ან ტოლია 5 მ-ისა;

ე) V კატეგორიის ელექტროსადგურები (ჰიდროელექტროსადგური 50 კვტ.მდე, მზისა და ბიოგაზის დანადგარი);

ვ) ლანდშაფტური მშენებლობა;

ზ) კონდიციონერისა და სავენტილაციო მილის მოწყობა;

თ) სახურავზე კეხის სიმაღლისა და ქანობის შეუცვლელად სამერცხლის მოწყობა;

ი) ბანკომატის განთავსება;

კ) საჩრდილობლის მოწყობა;

ლ) შენობა-ნაგებობის ფასადისა და სახურავის ისეთი სარემონტო და მოპირკეთებითი

სამუშაოები, რომელთა დროსაც ხდება შენობა-ნაგებობის ფერის ან მოსაპირკეთებელი მასალის ცვლილება;

მ)  საზოგადოებრივ ტერიტორიებზე განთავსებული ბაზრობა-გამოფენებისათვის, საზოგადოებრივი და სანახაობითი ღონისძიებებისათვის საჭირო დროებითი შენობა-ნაგებობების მოწყობა, რომელთაც არ გააჩნია საძირკველი და რომელთა მოწყობის შესახებ მიღებულია საქართველოს მთავრობის ან ადგილობრივი თვითმმართველი ერთეულის გადაწყვეტილება;

ნ) სამშენებლო მიწის ნაკვეთზე წყალსარინი არხებისა და დრენაჟების მოწყობა;

ო)  სამშენებლო მიწის ნაკვეთზე 25 მ³-მდე მოცულობის და არა უმეტეს 2,2 მ სიღრმის აუზის, ღია საცურაო აუზის, აგრეთვე ჭებისა და წყაროების მოწყობა;

პ)  სამშენებლო მიწის ნაკვეთზე განთავსებული 8 მ-მდე სიმაღლის ანძების, გაყვანილობისა და განათებისათვის ბოძების, ანტენებისა და 2 მ³-მდე რეზერვუარიანი წყლის სადაწნეო კოშკების მშენებლობა;

ჟ) შეზღუდული შესაძლებლობების მქონე პირთათვის პანდუსების მოწყობა;

რ)  გადაუდებლობის შემთხვევაში შენობა-ნაგებობის დროებითი გამაგრება;

ს) აბრებისა და რეკლამების განთავსება;

ტ) შენობა-ნაგებობების ექსტერიერზე მცირე ზომის არქიტექტურული ნაწილების/ელემენტების, კონსტრუქციების, ტექნიკური საშუალებების დამატება/მოკლება;

უ) არასაზოგადოებრივ, კერძო მიწის ნაკვეთზე განთავსებული I კლასს დაქვემდებარებული მახასიათებლების მქონე დროებითი შენობები და ნაგებობები“.