დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „სააერნაოსნო მომსახურების გადასახდელის შედგენისა და გამოთვლის პრინციპებისა და მეთოდოლოგიის დამტკიცების შესახებ“საქართველოს ეკონომიკისა და მდგრადი განვითარების მინისტრის 2014 წლის 5 მარტის №1-1/67 ბრძანებაში ცვლილების შეტანის თაობაზე | |
|---|---|
| დოკუმენტის ნომერი | 1-1/212 |
| დოკუმენტის მიმღები | საქართველოს ეკონომიკისა და მდგრადი განვითარების მინისტრი |
| მიღების თარიღი | 30/07/2014 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | ვებგვერდი, 05/08/2014 |
| სარეგისტრაციო კოდი | 300320000.22.024.016334 |
|
„სააერნაოსნო მომსახურების გადასახდელის შედგენისა და გამოთვლის პრინციპებისა და მეთოდოლოგიის დამტკიცების შესახებ“ საქართველოს ეკონომიკისა და მდგრადი განვითარების მინისტრის 2014 წლის 5 მარტის №1-1/67 ბრძანებაში ცვლილების შეტანის თაობაზე
|
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ: |
1.
„სააერნაოსნო მომსახურების გადასახდელის შედგენისა და გამოთვლის პრინციპებისა და მეთოდოლოგიის დამტკიცების შესახებ“ საქართველოს ეკონომიკისა და მდგრადი განვითარების მინისტრის 2014 წლის 5 მარტის №1-1/67 ბრძანებაში (matsne.gov.ge 07/03/2014
, 300320000.22.024.016316) შეტანილ
იქნეს შემდეგი ცვლილება:
|
ა)
მე-2 პუნქტი ჩამოყალიბდეს შემდეგი რედაქციით:
„2. სააერნაოსნო მომსახურების საწარმომ მარშრუტზე სააერნაოსნო მომსახურების გადასახდელის შედგენისა და გამოთვლის მიზნებისათვის დამატებით იხელმძღვანელოს ევროკონტროლის „მარშრუტზე სააერნაოსნო მომსახურების გადასახდელის ხარჯთა ბაზის განსაზღვისა და ერთეულის განაკვეთის გაანგარიშების პრინციპებით“ და „მარშრუტზე მოძრაობის საფასურთა სისტემის გამოყენებისა და ანგარიშსწორების პირობებით“; |
ბ)
ბრძანებით დამტკიცებული „სააერნაოსნო მომსახურების გადასახდელის შედგენისა და გამოთვლის პრინციპებისა და მეთოდოლოგიის“ მე-5 მუხლის „ბ“ ქვეპუნქტი ჩამოყალიბდეს შემდეგი რედაქციით:
„ბ) საჰაერო ხომალდის მიერ შესრულებული ფრენები, რომლის ბორტზე ოფიციალური ვიზიტით იმყოფება მმართველი მონარქი და მისი უშუალო ოჯახის წევრები, სახელმწიფო მეთაური, მთავრობის მეთაური და სახელმწიფო/სამთავრობო მინისტრი, რაც აისახება ფრენის გეგმაში სათანადო სტატუსის აღნიშვნით.“ |
2.
ეს ბრძანება ამოქმედდეს გამოქვეყნებისთანავე და გავრცელდეს 2014 წლის 1 იანვრიდან წარმოშობილ ურთიერთობებზე.
|
|
დოკუმენტის კომენტარები