„სახელმწიფო დაცვის სპეციალური სამსახურის ოფიცერთა ატესტაციის ჩატარებისა და საატესტაციო კომისიის დებულების დამტკიცების თაობაზე” სახელმწიფო დაცვის სპეციალური სამსახურის უფროსის 2006 წლის 9 აგვისტოს №423 ბრძანებაში ცვლილების შეტანის შესახებ

„1.  „სახელმწიფო დაცვის სპეციალური სამსახურის შესახებ“ საქართველოს კანონის IV¹ თავის მოთხოვნათა შესრულების მიზნით დამტკიცდეს „სახელმწიფო დაცვის სპეციალური სამსახურის ოფიცერთა ატესტაციის ჩატარებისა და საატესტაციო კომისიის თანდართული დებულება.“;

„3. ატესტაციას დაქვემდებარებულ თანამშრომელს ატესტაციის შესახებ უნდა ეცნობოს ატესტაციის დაწყებამდე არაუგვიანეს ორი კვირისა. თანამშრომელი, რომელიც წარდგენილია თანამდებობრივი დაწინაურებისთვის, ვალდებულია სამსახურის სამედიცინო მთავარ სამმართველოში ატესტაციის დაწყებამდე ერთი კვირით ადრე გაიაროს ფსიქოლოგიური შემოწმება.“;

„3¹.   სამსახურის სამედიცინო მთავარი სამმართველო შემოწმების ჩატარებიდან ორ სამუშაო დღეში ფსიქოლოგიური შემოწმების შესახებ დასკვნას თანამშრომლის პირად საქმეში განთავსების მიზნით  უგზავნის კადრების მთავარ სამმართველოს.“.