„ხაშურის მუნიციპალიტეტის გამგეობის დებულების დამტკიცების შესახებ“ ხაშურის მუნიციპალიტეტის საკრებულოს 2014 წლის 15 ივლისის №30 დადგენილებაში ცვლილების შეტანის თაობაზე

ა) დადგენილებით დამტკიცებული  დებულების  მე-12  მუხლის პირველი პუნქტი ჩამოყალიბდეს  შემდეგი რედაქციით:

,,1. ადმინისტრაციის ძირითადი ფუნქციებია: გამგეობის სტრუქტურული ერთეულების მუშაობის კოორდინაციისათვის ხელშეწყობა, გამგეობის  საქმისწარმოების,  შესყიდვების, საბუღალტრო მომსახურების, საკადრო საკითხთა, აგრეთვე გამგეობის   საზოგადოებასთან ურთიერთობის უზრუნველყოფა“.

ბ) დადგენილებით დამტკიცებული  დებულების  მე-12  მუხლის მე-3 პუნქტი ჩამოყალიბდეს  შემდეგი რედაქციით:

,,3. ეკონომიკური განვითარების სამსახურის ძირითადი ფუნქციებია: მუნიციპალიტეტის ეკონომიკური განვითარების სტრატეგიების, მუნიციპალური პროგრამების პროექტების შემუშავება და დამტკიცებული დოკუმენტების განხორციელების კოორდინაცია, მუნიციპალიტეტის სივრცით-ტერიტორიული დაგეგმვისა და ქალაქმშენებლობის დოკუმენტების შემუშავების, მშენებლობის ნებართვების თაობაზე გადაწყვეტილებების მომზადების,  სტატისტიკური ინფორმაციის შეგროვება-დამუშავება, მუნიციპალიტეტის ქონების მართვა, სახელმწიფო  და  მუნიციპალური პროგრამების  მხარდაჭერისა  და სხვა პროგრამების   განხორციელების უზრუნველყოფა“.

გ) დადგენილებით დამტკიცებული  დებულების  მე-14   მუხლი ამოღებულ იქნეს.