„აჭარის ავტონომიური რესპუბლიკის ტერიტორიაზე მცხოვრები სტიქიის შედეგად დაზარალებული ოჯახების დახმარების ზოგადი წესის დამტკიცების შესახებ“ აჭარის ავტონომიური რესპუბლიკის მთავრობის 2014 წლის 13 თებერვლის N5 დადგენილებაში ცვლილების შეტანის თაობაზე

,,2. დახმარებას ექვემდებარება დაზარალებული ოჯახები, რომლებსაც ადგილობრივი კომისიების მიერ მინიჭებული აქვთ კატეგორიები, მათ მფლობელობაში/საკუთრებაში არსებულ საცხოვრებელ სახლზე სტიქიის შედეგად მიყენებული ზიანის ხარისხის მიხედვით და არ გააჩნიათ ალტერნატიული საცხოვრებელი ფართი. კერძოდ:

ა) საცხოვრებელი პირობებით უზ­რუნველყოფა, რომელიც შეიძლება იყოს დროებითი (თავშესაფარი ხელმი­საწ­ვ­დომ საბინაო ფონდებში, ქირით უზრუნველყოფა ან სხვა ალ­ტერ­ნა­ტიული საშუალებების გამოძებნა) და გრძელვადიანი (გამოვლენილი საც­ხოვ­რე­ბე­ლი ფონდის რეზერვები, ბინების ან ინდივიდუალური სახლების მშენებლობა/შეძენა) განსახ­ლე­ბა როგორც რეგიონში, ისე რეგიონის ფარგლებს გარეთ;

ბ) ფინანსური დახმარება შემდეგი პროპორციებით:

ბ.ა) სოციალურად დაუცველი ოჯახების მონაცემთა ერთიან ბაზაში რეგისტრირებულ ოჯახებს, რომელთაც მინიჭებული აქვთ 0-დან 100 000-ის ჩათვლით სარეიტინგო ქულა, შესაძლებელია გაეწიოს ფინანსური დახმარება - წარმოდგენილ ხარჯთაღრიცხვაში ასახული  პირდაპირი ხარჯების 100 %, მაგრამ არაუმეტეს 15 000 ლარისა;

ბ.ბ) სოციალურად დაუცველი ოჯახების მონაცემთა ერთიან ბაზაში რეგისტრირებულ ოჯახებს, რომელთაც მინიჭებული აქვთ 100 000-დან 200 000-ის  ჩათვლით სარეიტინგო ქულა, შესაძლებელია გაეწიოს ფინანსური დახმარება - წარმოდგენილ ხარჯთაღრიცხვაში ასახული  პირდაპირი ხარჯების  90 %, მაგრამ არაუმეტეს 15 000 ლარისა;

ბ.გ) სოციალურად დაუცველი ოჯახების მონაცემთა ერთიან ბაზაში რეგისტრირებულ ოჯახებს, რომელთაც მინიჭებული აქვთ 200 000-ზე მეტი სარეიტინგო ქულა ან რეგისტრირებულნი არ არიან სოციალურად დაუცველი ოჯახების მონაცემთა ერთიან ბაზაში შესაძლებელია გაეწიოს ფინანსური დახმარება - წარმოდგენილ ხარჯთაღრიცხვაში ასახული  პირდაპირი ხარჯების 80 %, მაგრამ არაუმეტეს 15 000 ლარისა.“;

,,2¹. ხანძრის შედეგად დაზარალებული ოჯახების დახმარება:

ა) საცხოვრებელი სახლის მთლიანად განადგურების შემთხვევაში, შესაძლებელია გაეწიოს ფინანსური დახმარება ერთჯერადი მატერიალური დახმარების სახით 10 000 ლარის ოდენობით (აღნიშნული არ საჭიროებს ხარჯთაღრიცხვის წარმოდგენას);

ბ) საცხოვრებელი სახლის ნაწილობრივ განადგურების შემთხვევაში, რომელიც აღდგენამდე გამოუსადეგარია საცხოვრებლად, შესაძლებელია გაეწიოს ფინანსური დახმარება სახლის აღდგენის მიზნით წარმოდგენილი ხარჯთაღრიცხვის შესაბამისად, მაგრამ არა უმეტეს 10 000 ლარისა.

გ) ,,ა“ და ,,ბ“ პუნქტით გათვალისწინებული ფინანსური დახმარების აღმოჩენის დროს არ გაითვალისწინება დროებითი თავშესაფრისთვის  გამოყოფილი ქირის თანხა.“;

,,4. ადგილობრივი კომისიების მიერ გაწეული არგუმენტირებული დასაბუთების საფუძველზე სამთავრობო კომისიამ შეიძლება იმსჯელოს დაზარალებული ოჯახის დამატებით დახმარების თაობაზე, იმ შემთხვევაში თუ ადრე გაწეული ფინანსური ან/და სხვა სახის  დახმარება ოჯახმა გამოიყენა მიზნობრივად, მაგრამ აღნიშნული არ აღმოჩნდა ეფექტური უსაფრთხო საცხოვრისის შესაქმნელად და  აკმაყოფილებს წინამდებარე წესის მე-7 მუხლის 1-ლი პუნქტის ,,ბ“-ქვეპუნქტით გათვალისწინებულ ერთ კრიტერიუმს მაინც. “.