დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „სამხედრო სამსახურის გავლის შესახებ“ დებულების თაობაზე“ საქართველოს მთავრობის 2014 წლის 18 მარტის №238 დადგენილებაში ცვლილების შეტანის შესახებ | |
|---|---|
| დოკუმენტის ნომერი | 455 |
| დოკუმენტის მიმღები | საქართველოს მთავრობა |
| მიღების თარიღი | 17/07/2014 |
| დოკუმენტის ტიპი | საქართველოს მთავრობის დადგენილება |
| გამოქვეყნების წყარო, თარიღი | ვებგვერდი, 18/07/2014 |
| სარეგისტრაციო კოდი | 120260000.10.003.018075 |
|
| მუხლი 1 |
„ნორმატიული აქტების შესახებ“ საქართველოს კანონის მე-20 მუხლის მე‑4 პუნქტისა და 22-ე მუხლის მე-5 პუნქტის შესაბამისად, „სამხედრო სამსახურის გავლის შესახებ“ დებულების თაობაზე“ საქართველოს მთავრობის 2014 წლის 18 მარტის №238 დადგენილებაში (www.matsne.gov.ge, 19/03/2014, 120260000.10.003.017853) შეტანილ იქნეს ცვლილება და დადგენილებით დამტკიცებული დებულების:
1. II თავის მე-7 პუნქტი ამოღებულ იქნეს. 2. IX თავის მე-5 პუნქტი ჩამოყალიბდეს შემდეგი რედაქციით: „5. სამხედრო მოსამსახურის შრომითი გასამრჯელო (ხელფასი) შედგება ფულადი სარგოსა და კანონმდებლობით დადგენილი სხვა დანამატებისაგან.“. 3. XIII თავის: ა) პირველი პუნქტის „გ“ ქვეპუნქტი ჩამოყალიბდეს შემდეგი რედაქციით: „ გ) მობილიზაციის გამოცხადებისთანავე, რეზერვში მყოფი მოქალაქენი ვალდებულნი არიან დაუყოვნებლივ გამოცხადნენ სამობილიზაციო მიწერილობის თანახმად, ადგილობრივი თვითმმართველობის ორგანოს შესაბამის სამსახურში საცხოვრებელი ადგილის მიხედვით.“; ბ) მე-2 პუნქტი ჩამოყალიბდეს შემდეგი რედაქციით: „2. სამხედრო მოსამსახურეები, რომლებიც შვებულებიდან ან მივლინებიდან არასაპატიო მიზეზით დროულად არ დაბრუნდებიან სამსახურში, რეზერვისტები, რომლებიც თავს აარიდებენ მობილიზაციის დროს ადგილობრივი თვითმმართველობის ორგანოების შესაბამის სამსახურებში გამოცხადებას, პასუხს აგებენ მოქმედი კანონმდებლობის შესაბამისად.“. 4. XVI თავს დაემატოს შემდეგი შინაარსის მე-15 პუნქტი: „15. საქართველოს თავდაცვის მინისტრის ნორმატიული აქტით შეიძლება განისაზღვროს: ა) სამხედრო მოსამსახურის თანამდებობაზე სამსახურის ვადა, რომლის ამოწურვის შემდეგ იგი დაექვემდებარება სხვა თანამდებობაზე გადაადგილებას; ბ)სამხედრო მოსამსახურის სხვა თანამდებობაზე გადაადგილების წესი და პირობები.“. 5. XVII თავის მე-8 პუნქტი ჩამოყალიბდეს შემდეგი რედაქციით: „8. სამხედრო მოსამსახურეს, თუ იგი დანიშნულია/მივლინებულია დროებით შტატზე, აგრეთვე, თუ მას დაკისრებული აქვს შვებულებაში, მივლინებაში ან სხვა კანონიერი საფუძვლით თანამდებობაზე დროებით არმყოფი სამხედრო მოსამსახურის თანამდებობისათვის, ან ვაკანტური სამხედრო თანამდებობისათვის დადგენილი მოვალეობანი, ანაზღაურება მიეცემა თავისი სამხედრო წოდების შესაბამისი წოდებრივი სარგოს მიხედვით.“. 6. XVII თავს დაემატოს შემდეგი შინაარსის მე-16 და მე-17 პუნქტები: „16. საქართველოს თავდაცვის სამინისტროს სამხედრო მოსამსახურის შრომითი გასამრჯელო (ხელფასი) შედგება ფულადი სარგოსა და კანონმდებლობით დადგენილი სხვა დანამატებისაგან. 17. საქართველოს თავდაცვის სამინისტროს სამხედრო მოსამსახურის ფულადი სარგო შედგება წოდებრივი სარგოსაგან.“. |
| მუხლი 2 |
1. ეს დადგენილება, გარდა პირველი მუხლის პირველი, მე-2, მე-5 და მე-6 პუნქტებისა, ამოქმედდეს გამოქვეყნებისთანავე.
2. ამ დადგენილების პირველი მუხლის პირველი, მე-2, მე-5 და მე-6 პუნქტები ამოქმედდეს 2014 წლის 1 სექტემბრიდან. |
|
დოკუმენტის კომენტარები