,,საქართველოს თავდაცვის სამინისტროს სამხედრო მოსამსახურეთა, სახელმწიფო სპეციალური წოდების მქონე და სამოქალაქო პირთა შრომის ანაზღაურების, სოციალური დაცვისა და მატერიალური უზრუნველყოფის შესახებ” საქართველოს თავდაცვის მინისტრის 2007 წლის 26 სექტემბრის №560 ბრძანებაში ცვლილების შეტანის თაობაზე

1. პირველი პუნქტის:

ა)  ,,ა“ ქვეპუნქტი ჩამოყალიბდეს შემდეგი რედაქციით:

,,ა) სამხედრო მოსამსახურეთა ყოველთვიური წოდებრივი სარგოების ნუსხა (დანართი №1);

ბ) ,,ე“ ქვეპუნქტი ჩამოყალიბდეს შემდეგი რედაქციით:

,,ე) სახელმწიფო სპეციალური წოდების მქონე პირთა ყოველთვიური თანამდებობრივი და წოდებრივი სარგოების ნუსხა (დანართი №19)“.

2. დაემატოს 2¹¹ და 2¹² პუნქტები შემდეგი რედაქციით:

,,2¹¹. იმ სამხედრო მოსამსახურეებს/სახელმწიფო სპეციალური წოდების მქონე პირებს/სამხედრო თანამდებობაზე დანიშნულ სამოქალაქო პირებს, რომელთა დარიცხულ ხელფასებს (ამ ბრძანების ამოქმედების წინა დღის მდგომარეობით), წოდებრივ ანაზღაურებაზე გადასვლასთან/თანამდებობის კატეგორიების გაუქმებასთან დაკავშირებით დააკლდება 100 ლარზე მეტი თანხა, შეევსებათ ხელფასის დანაკლისი. ამ შემთხვევაში შესავსები თანხის ოდენობას უნდა გამოაკლდეს 100 ლარი. ამ ბრძანების ამოქმედებამდე დარიცხული ხელფასის ოდენობამდე შესავსები თანხის ზღვარი თითოეული სამხედრო მოსამსახურისთვის/სახელმწიფო სპეციალური წოდების მქონე პირისთვის/სამხედრო თანამდებობაზე დანიშნული სამოქალაქო პირისთვის განისაზღვრება მინისტრის ინდივიდუალური ადმინისტრაციულ-სამართლებრივი აქტით. იმ შემთხვევაში, თუ სამხედრო მოსამსახურეს/სახელმწიფო სპეციალური წოდების მქონე პირს/სამხედრო თანამდებობაზე დანიშნულ სამოქალაქო პირს მინისტრის ინდივიდუალური ადმინისტრაციულ-სამართლებრივი აქტის მოქმედების პერიოდში მოემატება წოდება და/ან მოემატება/დაენიშნება დანამატი და დარიცხული ხელფასი გაუტოლდება ან გადააჭარბებს მინისტრის ინდივიდუალური ადმინისტრაციულ-სამართლებრივი აქტით განსაზღვრული თანხის ზღვარს, აღარ შეევსება ხელფასის დანაკლისი. ხელფასის დანაკლისი აღარ შეივსება სამხედრო მოსამსახურის მიმდინარე სამხედრო წოდებასთან შედარებით დაბალი წოდების საშტატო თანამდებობაზე დანიშვნის შემდეგ. ხელფასის დანაკლისი ასევე აღარ შეივსება სახელმწიფო სპეცალური წოდების მქონე პირების/სამხედრო თანამდებობაზე დანიშნული სამოქალაქო პირების ამ ბრძანების ამოქმედებამდე დაკავებულ თანამდებობაზე უფრო დაბალი წოდებრივი ზღვარის თანამდებობაზე გადანიშვნის შემდეგ.

2¹². 2¹¹ პუნქტის მიზნებისთვის:

ა) დარიცხული ხელფასი მოიცავს ამ ბრძანებით განსაზღვრულ წოდებრივ ან/და თანამდებობრივ სარგოს, წელთა ნამსახურობის პროცენტულ დანამატს, მე-20 და 23-ე პუნქტებით განსაზღვრულ დანამატებს;

ბ) დარიცხული ხელფასი და შესაბამისად შესავსები თანხა ერთ თვეზე მეტი ვადით დროებით მოვალეობის შემსრულებლისათვის დაანგარიშდება იმ თანამდებობის მიხედვით, რომლის მოვალეობასაც მინისტრის ინდივიდუალური ადმინისტრაციულ-სამართლებრივი აქტით ასრულებს ამ ბრძანების ამოქმედების წინა დღეს. ამ ბრძანების ამოქმედების დღიდან, დროებით მოვალეობის შესრულების ვადის დასრულების შემდეგ, დარიცხული თანხა და შესაბამისად შესავსები თანხა გადაანგარიშდება მათი ძირითადი საშტატო თანამდებობის მიხედვით. ერთ თვეზე ნაკლები ვადით დროებით მოვალეობის შემსრულებლისათვის შესავსები თანხა დაანგარიშდება ძირითადი საშტატო თანამდებობის მიხედვით.“.

3. მე-8 პუნქტი ჩამოყალიბდეს შემდეგი რედაქციით:

,,8. საქართველოს თავდაცვის სამინისტროს მოსამსახურეთა ფულადი სარგო შედგება:

ა) სამხედრო მოსამსახურეთათვის  - წოდებრივი სარგოსაგან;

ბ) სახელმწიფო სპეციალური წოდების მქონე პირთათვის - თანამდებობრივი და წოდებრივი სარგოებისაგან.“.

4.  მე-17 პუნქტი ჩამოყალიბდეს შემდეგი რედაქციით:

,,17. სამხედრო მოსამსახურეებს პარაშუტით თითოეული ხტომისათვის ეძლევათ დანამატი ფულადი  სარგოს შემდეგი ოდენობით:

ა) 2-დან 10-მდე - 0.5%;

ბ) 10-დან 50-მდე - 1%;

გ) 50-დან 300-მდე - 1.5%;

დ) 300-დან 500-მდე - 2%;

ე) 500-დან 1000-მდე - 2,5%;

ვ) 1000 და მეტი _ 3%;

ზ) ინსტრუქტორ-პარაშუტისტებს მე-17 პუნქტში მითითებული დანამატი ეძლევათ წელიწადში არაუმეტეს 100, ხოლო სხვა სამხედრო მოსამსახურეებს არაუმეტეს 50 ხტომაზე. ინსტრუქტორ-პარაშუტისტებს დანამატი ეძლევათ 300 ნახტომის შესრულების შემდეგ.“.

5.  მე-20 პუნქტი ჩამოყალიბდეს შემდეგი რედაქციით:

,,20. საქართველოს თავდაცვის სამინისტროს იმ სამხედრო მოსამსახურეებს, სახელმწიფო სპეციალური წოდების მქონე და სამოქალაქო პირებს, რომლებიც სამსახურებრივი მოვალეობის შესრულებისას მუშაობენ საიდუმლო დოკუმენტებთან, საქართველოს თავდაცვის მინისტრის ინდივიდუალური ადმინისტრაციულ-სამართლებრივი აქტით საიდუმლოების შემცველ დოკუმენტებთან დაშვებისა და მუშაობისათვის ეძლევათ ყოველთვიური პროცენტული დანამატი სამხედრო მოსამსახურეებს ფულადი სარგოს, ხოლო სახელმწიფო სპეციალური წოდების მქონე და სამოქალაქო პირებს თანამდებობრივი სარგოს 15%-ის ოდენობით. აღნიშნული კატეგორიის საქართველოს თავდაცვის სამინისტროს სამხედრო მოსამსახურეთა, სახელმწიფო სპეციალური წოდების მქონე და სამოქალაქო პირთა თანამდებობების ნუსხას ამტკიცებს საქართველოს თავდაცვის მინისტრი.“.

6.  23-ე პუნქტი ჩამოყალიბდეს შემდეგი რედაქციით:

,,23. საქართველოს თავდაცვის სამინისტროს სამხედრო მოსამსახურეებს, სახელმწიფო სპეციალური წოდების მქონე და სამოქალაქო პირებს სამეცნიერო ხარისხისათვის/დოქტორის აკადემიური ხარისხისათვის ეძლევათ ყოველთვიური პროცენტული დანამატი სამხედრო მოსამსახურეებს ფულადი სარგოს, ხოლო სახელმწიფო სპეციალური წოდების მქონე და სამოქალაქო პირებს - თანამდებობრივი სარგოს  25%-ის ოდენობით.“.

7. 25-ე პუნქტი ჩამოყალიბდეს შემდეგი რედაქციით:

,,25. კადრების განკარგულებაში ყოფნის პერიოდში:

ა) საქართველოს თავდაცვის სამინისტროს სამხედრო მოსამსახურეებს მიმდინარე სამხედრო წოდების შესაბამისად და სახელმწიფო სპეციალური წოდების მქონე პირებს ბოლო დაკავებული თანამდებობის შესაბამისად, უნარჩუნდებათ ფულადი სარგოები, წელთა ნამსახურობის პროცენტული დანამატი და სასურსათო ულუფის სანაცვლოდ დაწესებული ფულადი კომპენსაცია არა უმეტეს ორი თვისა;

ბ) სამხედრო თანამდებობებზე დანიშნულ სამოქალაქო პირებს (გარდა სამოქალაქო ოფისისა) უნარჩუნდებათ არა უმეტეს ორი თვის თანამდებობრივი სარგო ბოლო დაკავებული თანამდებობის შესაბამისად;

გ) სამოქალაქო პირებს (გარდა სამოქალაქო ოფისისა), რომლებიც დანიშნულები არიან სამოქალაქო თანამდებობაზე უნარჩუნდებათ არა უმეტეს ერთი თვის თანამდებობრივი სარგო ბოლო დაკავებული თანამდებობის შესაბამისად.“.

8. დანართები №1, №19, №20, №22 და №23 ჩამოყალიბდეს თანდართული რედაქციით.

შენიშვნა: დათხოვნილ სამხედრო მოსამსახურეს ერთჯერადი გასასვლელი დახმარება მიეცემა მის დათხოვნამდე არსებული სამხედრო წოდების მიხედვით ამ დანართით განსაზღვრული ნორმების საფუძველზე.

შენიშვნა: დათხოვნილ მოსამსახურეს ერთჯერადი გასასვლელი დახმარება მიეცემა მის მიერ დათხოვნამდე დაკავებული ბოლო თანამდებობისათვის (გარდა კადრების განკარგულებაში ყოფნისას მოვალეობის დაკისრებისას დაკავებული თანამდებობისა) ამ დანართით განსაზღვრული ოდენობის საფუძველზე.