საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ – სახელმწიფო ქონების ეროვნული სააგენტოსათვის ქონების გაცვლაზე თანხმობის მიცემის თაობაზე

საქართველოს მთავრ ობის

განკარგულება №1103

2014 წლის 18 ივნისი

ქ. თბილისი

საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ – სახელმწიფო ქონების ეროვნული სააგენტოსათვის ქონების გაცვლაზე თანხმობის მიცემის თაობაზე

1. „სახელმწიფო ქონების შესახებ“ საქართველოს კანონის მე-3 მუხლის მე-5 პუნქტის შესაბამისად, საქართველოს ეკონომიკისა და მდგრადი განვითარების სამინისტროს სისტემაში შემავალ სსიპ – სახელმწიფო ქონების ეროვნულ სააგენტოს მიეცეს თანხმობა, რომ შპს „ჯეო ჰოსპიტალსს“ (საიდენტიფიკაციო კოდი №404907730) საკუთრებაში გადასცეს სახელმწიფო საკუთრებაში არსებული, ქალაქ საგარეჯოში, კახეთის გზატკეცილ №13-ში მდებარე 11316.00 კვ.მ არასასოფლო-სამეურნეო დანიშნულების მიწის ნაკვეთი და მასზე განთავსებული შენობა-ნაგებობა №01/4, საავადმყოფო, გაშენების ფართით 1717.31 კვ.მ (მიწის (უძრავი ქონების) საკადასტრო კოდი №55.12.75.140), შპს „ჯეო ჰოსპიტალსის“ საკუთრებაში არსებული, ქალაქ საგარეჯოში, ათონელის ქ. №2-ში მდებარე 7095 კვ.მ არასასოფლო-სამეურნეო დანიშნულების მიწის ნაკვეთის და მასზე განთავსებული შენობა-ნაგებობების: №01 საცხოვრებელი – გაშენების ფართი 1085.54 კვ.მ, №02 საცხოვრებელი – 296.29 კვ.მ, №03 არასაცხოვრებელი – 26.55 კვ.მ, №04 არასაცხოვრებელი – 29.06 კვ.მ, №05 არასაცხოვრებელი – 9.71 კვ.მ, №06 არასაცხოვრებელი – 201.65 კვ.მ, №07 – არასაცხოვრებელი – 15.20 კვ.მ (მიწის (უძრავი ქონების) საკადასტრო კოდი №55.12.52.122) სახელმწიფო საკუთრებაში გადაცემის სანაცვლოდ.

2. ამ განკარგულების პირველი პუნქტით გათვალისწინებული უძრავი ქონების გაცვლის პირობებად განისაზღვროს:

ა) შესაბამისი ხელშეკრულების გაფორმებიდან 30 (ოცდაათი) კალენდარული დღის განმავლობაში სახელმწიფო ბიუჯეტის სასარგებლოდ 800 (რვაასი) ლარის გადახდა;

 ბ) შესაბამისი ხელშეკრულების გაფორმებიდან 18 თვეში გადაცემული უძრავი ქონების ნაწილისათვის, კერძოდ, ამბულატორიული სერვისების მისაწოდებლად საჭირო ფართისათვის სარეაბილიტაციო/სარემონტო სამუშაოების ჩატარება, აღჭურვა და ფუნქციონირებისათვის მზადყოფნის მდგომარეობაში მოყვანა;

 გ) ამ პუნქტის „ბ“ ქვეპუნქტით გათვალისწინებული ვალდებულების შესრულების მიზნით, არანაკლებ 200 000 (ორასი ათასი) ლარის ინვესტიციის განხორციელება;

 დ) შესაბამისი ხელშეკრულების გაფორმებიდან 18 თვეში შპს „ჯეო ჰოსპიტალსის“ საკუთრებაში არსებულ, საგარეჯოს მრავალპრო­ფილურ სამედიცინო ცენტრში (მიწის (უძრავი ქონების) საკადასტრო კოდი – №55.12.75.100 (ნაკვეთის წინა ნომერი 55.12.75.076)) საწოლების რაოდენობის გაზრდა არანაკლებ 30 საწოლამდე (არსებული 15 საწოლის ჩათვლით);

 ე) ამ პუნქტის „ბ“ და „დ“ ქვეპუნქტებით გათვალისწინებული სამუშაოების ჩატარებისას, შპს „ჯეო ჰოსპიტალსის“ საკუთრებაში არსებულ, საგარეჯოს მრავალპროფილურ სამედიცინო ცენტრში (მიწის (უძრავი ქონების) საკადასტრო კოდი №55.12.75.100 (ნაკვეთის წინა ნომერი 55.12.75.076)) მოსახლეობისათვის არსებული სამედიცინო სერვისების მიწოდების შენარჩუნების უზრუნველყოფა;

 ვ) „სახელმწიფო საკუთრებაში არსებული ქონების შპს „ჯეო ჰოსპიტალსისათვის“ პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2011 წლის 14 სექტემბრის №14/09/07 განკარგულების საფუძველზე, საქართველოს ეკონომიკისა და მდგრადი განვითარების სამინისტროს (უფლებამონაცვლე – საქართველოს ეკონომიკისა და მდგრადი განვითარების სამინისტროს სისტემაში შემავალი საჯარო სამართლის იურიდიული პირი – სახელმწიფო ქონების ეროვნული სააგენტო), საქართველოს შრომის, ჯანმრთელობისა და სოციალური დაცვის სამინისტროსა და შპს „ჯეო ჰოსპიტალსს“ შორის 2011 წლის 15 სექტემბერს გაფორმებული ნასყიდობის ხელშეკრულებით ნაკისრი ვალდებულებების შესრულება;

 ზ) ამ პუნქტის „ბ“ ქვეპუნქტით გათვალისწინებული ქონების სამედიცინო პროფილით ფუნქციონირების უზრუნველყოფა, იმავე ქვეპუნქტით გათვალისწინებული ვალდებულების შესრულებიდან არანაკლებ 15 წლის ვადით.

 3. შპს „ჯეო ჰოსპიტალსი“ ვალდებულია, ამ განკარგულების პირველი პუნქტის საფუძველზე შესაბამისი ხელშეკრულების გაფორმებამდე, ამ განკარგულების მე-2 პუნქტით გათვალისწინებული ვალდებულებების შესრულების უზრუნველსაყოფად, წარადგინოს 20 000 (ოცი ათასი) ლარის ოდენობის უპირობო და გამოუხმობი საბანკო გარანტია, რომლის მოქმედების ვადაც 3 (სამი) თვით უნდა აღემატებოდეს საინვესტიციო ვალდებულების შესრულების ვადას.

 4. საქართველოს შრომის, ჯანმრთელობისა და სოციალური დაცვის სამინისტრომ და საქართველოს ეკონომიკისა და მდგრადი განვითარების სამინისტროს სისტემაში შემავალმა სსიპ – სახელმწიფო ქონების ეროვნულმა სააგენტომ, ამ განკარგულების შესრულების მიზნით, უზრუნველყონ კანონმდებლობით გათვალისწინებული ღონისძიების განხორციელება.

პრემიერ -მინისტრი                                         ი . ღარიბაშვილი