დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
| ქართული კინოს განვითარების ხელშემწყობი სამთავრობო კომისიის შექმნის შესახებ | |
|---|---|
| დოკუმენტის ნომერი | 1102 |
| დოკუმენტის მიმღები | საქართველოს მთავრობა |
| მიღების თარიღი | 18/06/2014 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | ვებგვერდი, 04/07/2014 |
| სარეგისტრაციო კოდი | 000000000.00.003.017296 |
საქართველოს მთავრ ობის
განკარგულება №1102
2014 წლის 18 ივნისი
ქ. თბილისი
ქართული კინოს განვითარების ხელშემწყობი სამთავრობო კომისიის შექმნის შესახებ
1. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 29- ე მუხლის პირველი პუნქტის შესაბამისად , ქართული კინოს განვითარების ხელშეწყობის მიზნით, შეიქმნას ქართული კინოს განვითარების ხელშემწყობი სამთავრობო კომისია (შემდგომში – კომისია) შემდეგი შემადგენლობით:
მირიანე ოდიშარია – საქართველოს კულტურისა და ძეგლთა დაცვის მინისტრი , კომისიის თავმჯდომარე;
გიორგი კვირიკაშვილი – საქართველოს ეკონომიკისა და მდგრადი განვითარების მინისტრი;
ნოდარ ხადური – საქართველოს ფინანსთა მინისტრი;
კონსტანტინე სურგულაძე - დიასპორის საკითხებში საქართველოს სახელმწიფო მინისტრი;
მაია ფანჯიკიძე - საქართველოს საგარეო საქმეთა მინისტრი;
ნინო კობახიძე - საქართველოს მთავრობის კანცელარიის უფროსის მოადგილე.
2. კომისიის მუშაობაში, კომისიის თავმჯდომარის გადაწყვეტილებით, შეიძლება მოწვეულ იქნენ სხვა დაწესებულებებისა და ორგანიზაციების წარმომადგენლები, ასევე, დამოუკიდებელი ექსპერტები და სხვა დაინტერესებული პირები .
3. კომისიის ძირითადი ამოცანებია:
ა) ქართული კინოს განვითარების სტრატეგიისა და სამოქმედო გეგმის შემუშავება;
ბ) წინადადებათა შემუშავება ქართული კინოს განვითარების ხელშეწყობის მიზნით განსახორციელებელი ღონისძიებების თაობაზე ;
გ ) შპს „ქართული კინოს განვითარების ცენტრის“ (ს/კ 400051199) სამეთვალყურეო საბჭოს ფორმირების მიზნით, წინადადებების შემუშავება და უფლებამოსილი ორგანოსთვის წარდგენა.
4. კომისიის საქმიანობის საორგანიზაციო უზრუნველყოფა განახორციელოს საქართველოს კულტურისა და ძეგლთა დაცვის სამინისტრომ.
პრემიერ- მინისტრი ი. ღარიბაშვილი
უკან დაბრუნება
დოკუმენტის კომენტარები