საქართველოს სპორტისა და ახალგაზრდობის საქმეთა სამინისტროსათვის საქართველოს მთავრობის სარეზერვო ფონდიდან თანხის გამოყოფის შესახებ

საქართველოს მთავრობის

განკარგულება №991

2014 წლის 6 ივნისი

ქ. თბილისი

საქართველოს სპორტისა და ახალგაზრდობის საქმეთა სამინისტროსათვის საქართველოს მთავრობის სარეზერვო ფონდიდან თანხის გამოყოფის შესახებ

1. „საქართველოს სპორტსმენთა ხელშეწყობის სახელმწიფო მიზნობრივი პროგრამის დამტკიცების შესახებ“ საქართველოს მთავრობის 2014 წლის 6 იანვრის №39 დადგენილებით დამტკიცებული პროგრამის მე-4 მუხლის მე-3, მე-6, მე-7, მე-8, მე-9, მე-10 და მე-12 პუნქტების, მე-8 მუხლის პირველი პუნქტის „ბ.ბ“, „გ.ბ“, „დ“, „ე“ და „ვ“ ქვეპუნქტების, მე-9 მუხლის მე-3 პუნქტის „ბ.ა“, „ბ.ბ“ და „ბ.დ“ ქვეპუნქტების და მე-4 პუნქტის „ა.ზ“ ქვეპუნქტის, მე-10 და მე-12 მუხლების თანახმად, საქართველოს ფინანსთა სამინისტრომ, „საქართველოს 2014 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს მთავრობის სარეზერვო ფონდიდან, საქართველოს სპორტისა და ახალგაზრდობის საქმეთა სამინისტროს გამოუყოს 2 313 020 (ორი მილიონ სამას ცამეტი ათას ოცი) ლარი, მათ შორის:

ა) 911 200 (ცხრაას თერთმეტი ათას ორასი) ლარი - სპორტის ინდივიდუალურ ოლიმპიურ სახეობებში გამართულ სპორტულ შეჯიბრებებში მიღწეული შედეგების მიხედვით, საქართველოს ნაკრები გუნდების წევრთა, მწვრთნელთა, საექიმო პერსონალისა და შესაბამისი ეროვნული სპორტული ფედერაციების ადმინისტრაციული ჯგუფების წახალისების მიზნით (დანართი №1-ის თანახმად);

ბ) 84 320 (ოთხმოცდაოთხი ათას სამას ოცი) ლარი - სპორტის ინდივიდუალურ არაოლიმპიურ სახეობებში გამართულ სპორტულ შეჯიბრებებში მიღწეული შედეგების მიხედვით, საქართველოს ნაკრები გუნდების წევრთა, მწვრთნელთა და საექიმო პერსონალის წახალისების მიზნით (დანართი №2-ის თანახმად);

გ) 1 317 500 (ერთი მილიონ სამას ჩვიდმეტი ათას ხუთასი) ლარი - სპორტის ცალკეულ სათამაშო სახეობებში გამართულ სპორტულ შეჯიბრებებში მიღწეული შედეგების მიხედვით, საქართველოს ნაკრები გუნდების წევრთა, მწვრთნელთა, საექიმო და ადმინისტრაციული პერსონალის წახალისების მიზნით (დანართი №3-ის თანახმად).

2. ამ განკარგულების პირველი პუნქტით გამოყოფილი თანხის ფარგლებში:

ა) სპორტის ინდივიდუალურ ოლიმპიურ და არაოლიმპიურ სახეობებში გუნდურ და პირად-გუნდურ შეჯიბრებებში მიღწეული შედეგებისათვის და სპორტის ინდივიდუალურ ოლიმპიურ სახეობებში ეროვნული სპორტული ფედერაციების ადმინისტრაციული ჯგუფებისა და სპორტის ცალკეული სათამაშო სახეობებისათვის განსაზღვრული თანხები გადანაწილდეს საქართველოს სპორტისა და ახალგაზრდობის საქმეთა სამინისტროსათვის შესაბამისი ეროვნული სპორტული ფედერაციების მიერ წარდგენილი წინადადებების საფუძველზე;

ბ) სპორტის ინდივიდუალურ ოლიმპიურ და არაოლიმპიურ სახეობებში, საექიმო პერსონალისათვის განსაზღვრული თანხები გადანაწილდეს საქართველოს სპორტისა და ახალგაზრდობის საქმეთა სამინისტროსათვის ა(ა)იპ - საქართველოს სპორტული მედიცინის ასოციაციის მიერ წარდგენილი წინადადების საფუძველზე.

პრემიერ-მინისტრი ი. ღარიბაშვილი