„იაპონიის მთავრობასა და საქართველოს მთავრობას შორის 200.000.000 (ორასი მილიონი) იაპონური იენის ოდენობის არასაპროექტო გრანტის შესახებ“ ნოტების გაცვლის გზით შეთანხმების ხელმოწერის თაობაზე“ საქართველოს მთავრობის 2013 წლის 26 დეკემბრის #2159 განკარგულებით გათვალისწინებული გრანტის ფარგლებში, საქართველოს მთავრობის სახელით, საქართველოს გარემოსა და ბუნებრივი რესურსების დაცვის სამინისტროს დაქვემდებარებაში არსებულ საჯარო სამართლის იურიდიულ პირს – გარემოს ეროვნულ სააგენტოსა და იაპონიის საერთაშორისო თანამშრომლობის სისტემას (JICS) შორის „იაპონიის არასაპროექტო საგრანტო დახმარების ფარგლებში შესყიდვის მომსახურების გაწევის თაობაზე იაპონური მცირე და საშუალო საწარმოების (SME) პროდუქციის მოწოდების მიზნით“ სააგენტო მომსახურების გაწევის თაობაზე გასაფორმებელი ხელშეკრულების პროექტის მოწონებისა და ზოგიერთი ღონისძიების განხორციელების შესახებ

საქართველოს მთავრობის

განკარგულება №1043

2014 წლის 11 ივნისი

ქ. თბილისი

 „იაპონიის მთავრობასა და საქართველოს მთავრობას შორის 200.000.000 (ორასი მილიონი) იაპონური იენის ოდენობის არასაპროექტო გრანტის შესახებ“ ნოტების გაცვლის გზით შეთანხმების ხელმოწერის თაობაზე“ საქართველოს მთავრობის 2013 წლის 26 დეკემბრის №2159 განკარგულებით გათვალისწინებული გრანტის ფარგლებში, საქართველოს მთავრობის სახელით, საქართველოს გარემოსა და ბუნებრივი რესურსების დაცვის სამინისტროს დაქვემდებარებაში არსებულ საჯარო სამართლის იურიდიულ პირს – გარემოს ეროვნულ სააგენტოსა და იაპონიის საერთაშორისო თანამშრომლობის სისტემას (JICS) შორის „იაპონიის არასაპროექტო საგრანტო დახმარების ფარგლებში შესყიდვის მომსახურების გაწევის თაობაზე იაპონური მცირე და საშუალო საწარმოების (SME) პროდუქციის მოწოდების მიზნით“ სააგენტო მომსახურების გაწევის თაობაზე გასაფორმებელი ხელშეკრულების პროექტის მოწონებისა და ზოგიერთი ღონისძიების განხორციელების შესახებ

    „გრანტების შესახებ“ საქართველოს კანონის მე-4 მუხლის „ე“ ქვეპუნქტის, საქართველოს ზოგადი ადმინისტრაციული კოდექსის 61-ე მუხლისა და „უცხოელი კონტრაჰენტების მონაწილეობით ხელშეკრულებების გაფორმებასთან დაკავშირებულ ზოგიერთ ღონისძიებათა შესახებ“ საქართველოს მთავრობის 2010 წლის 11 მაისის №139 დადგენილების შესაბამისად:

    1. საქართველოს გარემოსა და ბუნებრივი რესურსების დაცვის სამინისტროს სსიპ – გარემოს ეროვნული სააგენტო განისაზღვროს „იაპონიის მთავრობასა და საქართველოს მთავრობას შორის 200.000.000 (ორასი მილიონი) იაპონური იენის ოდენობის არასაპროექტო გრანტის შესახებ“ ნოტების გაცვლის გზით შეთანხმების ხელმოწერის თაობაზე“ საქართველოს მთავრობის 2013 წლის 26 დეკემბრის №2159 განკარგულებით გათვალისწინებული გრანტის ფარგლებში, შესაძენი ტექნიკის (აღჭურვილობის) მიმღებ ორგანოდ.

    2. მოწონებულ იქნეს საქართველოს მთავრობის სახელით, საქართველოს გარემოსა და ბუნებრივი რესურსების დაცვის სამინისტროს დაქვემდებარებაში არსებულ საჯარო სამართლის იურიდიულ პირს – გარემოს ეროვნულ სააგენტოსა და იაპონიის საერთაშორისო თანამშრომლობის სისტემას (JICS) შორის „იაპონიის არასაპროექტო საგრანტო დახმარების ფარგლებში შესყიდვის მომსახურების გაწევის თაობაზე იაპონური მცირე და საშუალო საწარმოების (SME) პროდუქციის მოწოდების მიზნით“ სააგენტო მომსახურების გაწევის თაობაზე გასაფორმებელი ხელშეკრულების პროექტი.

    3. ამ განკარგულების მე‑2 პუნქტით განსაზღვრულ ხელშეკრულებაზე ხელმოწერის უფლებამოსილება მიენიჭოს საქართველოს გარემოსა და ბუნებრივი რესურსების დაცვის სამინისტროს სსიპ – გარემოს ეროვნული სააგენტოს უფროსს, შალვა ჯავახაძეს.

    4. ძალადაკარგულად გამოცხადდეს „იაპონიის მთავრობასა და საქართველოს მთავრობას შორის 200.000.000 (ორასი მილიონი) იაპონური იენის ოდენობის არასაპროექტო გრანტის შესახებ“ ნოტების გაცვლის გზით შეთანხმების ხელმოწერის თაობაზე“ საქართველოს მთავრობის 2013 წლის 26 დეკემბრის №2159 განკარგულებით გათვალისწინებული გრანტის ფარგლებში იაპონიის მთავრობის მიერ საქართველოს მთავრობისთვის გამოყოფილი არასაპროექტო გრანტის მიმღები ორგანოს განსაზღვრის შესახებ“ საქართველოს მთავრობის 2014 წლის 13 თებერვლის №242 განკარგულება.

პრემიერ-მინისტრი                                          ირაკლი ღარიბაშვილი