საჯარო სამართლის იურიდიული პირისათვის - საქართველოს ინოვაციების და ტექნოლოგიების სააგენტოსათვის „საქართველოს 2014 წლის სახელმწიფო ბიუჯეტის შესახებ“ საქართველოს კანონის 23 ე მუხლით გათვალისწინებულ შეზღუდვებზე გამონაკლისის დაშვების თაობაზე

საქართველოს მთავრობის

განკარგულება №975

2014 წლის 5 ივნისი

ქ. თბილისი

საჯარო სამართლის იურიდიული პირისათვის - საქართველოს ინოვაციების და ტექნოლოგიების სააგენტოსათვის „საქართველოს 2014 წლის სახელმწიფო ბიუჯეტის შესახებ“ საქართველოს კანონის 23‑ე მუხლით გათვალისწინებულ შეზღუდვებზე გამონაკლისის დაშვების თაობაზე

„საქართველოს 2014 წლის სახელმწიფო ბიუჯეტის შესახებ“ საქართველოს კანონის 23‑ე მუხლის მე‑7 პუნქტის შესაბამისად, სსიპ - საქართველოს ინოვაციების და ტექნოლოგიების სააგენტოზე არ გავრცელდეს „საქართველოს 2014 წლის სახელმწიფო ბიუჯეტის შესახებ“ საქართველოს კანონის 23‑ე მუხლის პირველი, მე-4 და მე-5 პუნქტებით გათვალისწინებული შეზღუდვები და მიეცეს თანხმობა, რომ:

ა) სააგენტოს შტატგარეშე მომუშავეთა რაოდენობა განისაზღვროს არა უმეტეს 20 (ოცი) ერთეულით;

ბ) სააგენტოს შტატით გათვალისწინებულ თანამდებობებზე ფაქტობრივადდასაქმებული თანამშრომლებისსაშუალო თანამდებობრივისარგო არ აღემატებოდეს 1900 ლარს;

გ) საპრემიო ფონდის წლიური მოცულობა განისაზღვროს შტატით გათვალისწინებულ თანამდებობებზე ფაქტობრივად დასაქმებულ თანამშრომელთა თანამდებობრივი სარგოებისათვის წლის განმავლობაში გაწეული საკასო ხარჯის არა უმეტეს 50%-ით.

პრემიერ-მინისტრი                                                            ი. ღარიბაშვილი