ადგილობრივი თვითმმართველობის აღმასრულებელი ორგანოების - თვითმმართველი ქალაქებისა და თემების მერებისა და გამგებლების არჩევნების მეორე ტურის გამართვისათვის ზოგიერთი საარჩევნო ღონისძიებისა და ვადების დადგენის შესახებ

ა.ა) ცესკოს მიერ მოთხოვნის შესაბამისად, მაგრამ არაუგვიანეს მე-10 დღისა, „საქართველოს საარჩევნო კოდექსი” საქართველოს ორგანული კანონის 31-ე მუხლის მე-5 პუნქტის „ა”-„ზ” ქვეპუნქტებით ჩამოთვლილი დაწესებულებები, ცესკოს აწვდიან ამავე პუნქტებით განსაზღვრულ და განახლებულ ინფორმაციებს;

ა.ბ) საუბნო საარჩევნო კომისიების შეკრებისთანავე გამოიკვრება პირველი ტურისათვის არსებული ამომრჩეველთა ერთიანი სიების საჯარო ინფორმაციისათვის განკუთვნილი ვერსიები;

ა.გ) არაუგვიანეს მე-5 დღისა, საოლქო საარჩევნო კომისიის მიერ დგება „საქართველოს საარჩევნო კოდექსი” საქართველოს ორგანული კანონის 32-ე მუხლის პირველი პუნქტის „ა” ქვეპუნქტით განსაზღვრულ პირთა სია;

ა.დ) არაუგვიანეს მე-6 დღისა, შესაბამის საოლქო საარჩევნო კომისიებს გადაეცემათ „საქართველოს საარჩევნო კოდექსი” საქართველოს ორგანული კანონის 32-ე მუხლის პირველი პუნქტის „ბ”; „გ” და „დ” ქვეპუნქტებით განსაზღვრულ პირთა სია;

ა.ე) არაუგვიანეს მე-3 დღისა, საოლქო საარჩევნო კომისიების მიერ სპეციალური სიების შედგენისა და დამტკიცების ვადა;

ა.ვ) არაუგვიანეს მე-2 დღისა, საოლქო საარჩევნო კომისიის თავმჯდომარისა და კომისიის მდივნის მიერ ხელმოწერილი ამომრჩეველთა დაზუსტებული სიების საბოლოო ვერსიის 2 (კომისიისათვის განკუთვნილი და საჯარო ვერსია) ეგზემპლარი გადაეცემა საუბნო საარჩევნო კომისიებს. საუბნო საარჩევნო კომისიების მდივნების მიერ ამომრჩეველთა სიის საჯარო ინფორმაციისათვის მიკუთვნებული ვერსია დაუყოვნებლივ უნდა გამოიკრას საუბნო საარჩევნო კომისიის (კენჭისყრის) შენობაში თვალსაჩინო ადგილას.

ბ) საოლქო საარჩევნო კომისიის გადაწყვეტილებით შესაძლებელია, პირველი ტურისათვის შექმნილი ზოგიერთი საუბნო საარჩევნო კომისიის ნაცვლად, შექმნას ახალი საუბნო საარჩევნო კომისია, რისთვისაც:

ბ.ა) კონკურსის გამოცხადებიდან 4 დღის ვადაში, უფლებამოსილ პარტიებს ეძლევათ უფლება დანიშნონ კომისიის წევრები;

ბ.ბ) არჩევნების დანიშვნიდან არაუგვიანეს მომდევნო დღისა, შესაბამისი საოლქო საარჩევნო კომისია, აცხადებს კონკურსს, „საქართველოს საარჩევნო კოდექსი” საქართველოს ორგანული კანონით დადგენილი წესითა და პირობებით;

ბ.გ) კონკურსში საბუთების წარდგენის ვადაა, კონკურსის გამოცხადებიდან 2 დღე;

ბ.დ) საოლქო საარჩევნო კომისია, უფლებამოსილია წევრები აირჩიოს საკონკურსო საბუთების წარდგენის ვადის ამოწურვიდან მომდევნო დღეს;

ბ.ე) საოლქო საარჩევნო კომისია უფლებამოსილია, ახალი კონკურსის გამოცხადების გარეშე, პირველი ტურისათვის გამართულ კონკურსში მონაწილეებიდან (ასეთის არსებობის შემთხვევაში) აირჩიოს საუბნო საარჩევნო კომისიის წევრები.

გ) ახლად შექმნილი საუბნო საარჩევნო კომისიების პირველი სხდომები მოიწვევა საოლქო საარჩევნო კომისიის თავმჯდომარის განკარგულებით, მისი შექმნიდან არაუგვიანეს მე-2 დღეს.

დ) აკრძალულია საუბნო საარჩევნო კომისიის წევრის გამოწვევა მეორე ტურის გამართვის დღემდე არაუგვიანეს მე-5 დღისა.

ბ) საარჩევნო სუბიექტებს, გარდა მეორე ტურის გამართვის დღისა, შეუძლიათ დანიშნონ ან/და შეცვალონ წარმომადგენლები, „საქართველოს საარჩევნო კოდექსი’’ საქართველოს ორგანული კანონით დადგენილი წესების გათვალისწინებით.

გ) უფლებამოსილი საარჩევნო სუბიექტებისათვის წარმომადგენლის  დაფინანსების ჩარიცხვის ვადად განისაზღვროს მეორე ტურების გამართვის დღემდე არაუგვიანეს 3 დღისა.

ბ) საოლქო საარჩევნო კომისიაში რეგისტრირებულ სადამკვირვებლო ორგანიზაციას და მის რეგისტრირებულ დამკვირვებლებს, უფლებამოსილების ვადა გაუგრძელდეს მეორე ტურის შედეგების გასაჩივრების ვადის ამოწურვამდე, იმ შემთხვევაში, თუ ეს ორგანიზაცია დარეგისტრირებულია იმ საოლქო საარჩევნო კომისიის მიერ, სადაც მეორე ტური იმართება;

გ) ცესკოში რეგისტრირებულ მედია ორგანიზაციებსა და მათ წარმომადგენლებს, აკრედიტაცია გაუგრძელდეთ მეორე ტურის საბოლოო შედეგების გამოცხადებამდე დროის მონაკვეთით;

დ) საოლქო საარჩევნო კომისიაში რეგისტრირებულ მედია ორგანიზაციებსა და მათ წარმომადგენლებს აკრედიტაციები გაუგრძელდეთ მეორე ტურების საბოლოო შედეგების გამოცხადებამდე დროის მონაკვეთით, თუ ეს ორგანიზაცია დარეგისტრირებულია იმ საოლქო საარჩევნო კომისიის მიერ სადაც მეორე ტური იმართება;

ე) რეგისტრირებულ სადამკვირვებლო ორგანიზაციებს, რეგისტრაციაში გასატარებლად, უფლება აქვთ, დამკვირვებელთა დამატებითი სიები წარუდგინონ შესაბამისი საარჩევნო კომისიის მდივნებს მეორე ტურის გამართვის დღემდე არაუგვიანეს მე-5 დღისა;

ვ) რეგისტრირებულ მედია ორგანიზაციების წარმომადგენლებს უფლება აქვთ, მედიის წარმომადგენელთა აკრედიტაციისათვის დამატებითი სიები, „საქართველოს საარჩევნო კოდექსი” საქართველოს ორგანული კანონით დადგენილი წესით, შესაბამისი კომისიის მდივნებს წარუდგინონ მეორე ტურების გამართვის დღემდე არაუგვიანეს მე-3 დღისა.