„საქართველოს ფინანსთა სამინისტროს დებულების დამტკიცების შესახებ“ საქართველოს მთავრობის 2013 წლის 17 დეკემბრის №341 დადგენილებაში ცვლილების შეტანის თაობაზე

1. მე‑7 მუხლის მე­-6 პუნქტი ჩამოყალიბდეს შემდეგი რედაქციით:

„6. სათათბირო ორგანოს საქმიანობასა და სხდომის ოქმების წარმო­ებას უზრუნველყოფს მინისტრის აპარატი.“.

2. მე‑9 მუხლის „ი“ ქვეპუნქტი ჩამოყალიბდეს შემდეგი რედაქციით:

„ი) მინისტრის აპარატი;“.

3.  მე-9 მუხლს დაემატოს შემდეგი შინაარსის „ი¹“ ქვეპუნქტი:

„ი¹) საზოგადოებასთან ურთიერთობის სამსახური;“.

4. მე-19 მუხლი ჩამოყალიბდეს შემდეგი რედაქციით:

„მუხლი 19. მინისტრის აპარატი

მინისტრის აპარატის ძირითადი ამოცანები და ფუნქციებია:

ა) კომპეტენციის ფარგლებში, მინისტრისა და მინისტრის მოადგილეების საქმიანობის ორგანიზაციული უზრუნველყოფა;

ბ) საქართველოს პრეზიდენტის ადმინისტრაციიდან, საქართველოს ეროვნუ­ლი უშიშროების საბჭოდან, საქართველოს მთავრობის ადმინისტრაციიდან და საქართველოს პარლამენტიდან შემოსული საკონტრო­ლო დავალებების, მინისტრის სათათბირო საბჭოს გადაწყვეტილე­ბებისა და მინისტრის ბრძანებების შესრულების კონტროლი;

გ) მინისტრის სახელზე შემოსული კორესპონდენციის აღრი­ცხვა და დამუშავება, მინისტრის რეზოლუციათა პროექტების მომ­ზადება;

დ) მინისტრის სათათბირო საბჭოს სხდომებისა და სამინისტროში გამართული თათბირების ორგანიზება, დადგენილი წესით;

ე) პროტოკოლის წარმოება;

ვ) კომპეტენციის ფარგლებში, საერთაშორისო ორგანიზაციებთან ურთიერთობა და თანამშრომლობა;

ზ) მოქალაქეთა მიღების კოორდინაცია და ორგანიზაციული უზრუნველყოფა.“.

5. მე-19 მუხლის შემდგომ დაემატოს შემდეგი შინაარსის 19¹ მუხლი:

„მუხლი 19¹.  საზოგადოებასთან ურთიერთობის სამსახური

საზოგადოებასთან ურთიერთობის სამსახურის ძირითადი ამოცანები და ფუნქციებია:

ა) სამინისტროს საქმიანობის გამჭვირვალობისა და დემოკ­რა­ტიზაციის უზრუნველყოფა;

ბ) სამინისტროს მმართველობის სფეროში შემავალ სახელმწიფო საქვეუწყებო დაწესებულებათა საზოგადოე­ბა­ს­თან ურთიერთობის სამსახურების კოორდინირებული საქმიანო­ბის უზრუნველყოფა;

გ) მასობრივი საინფორმაციო საშუალებებით, სამი­ნის­ტროს როლისა და მნიშვნელობის განმარტება სახელმწიფო პო­ლი­ტიკის, მისი პრიორი­ტეტებისა და ეკონომიკური რეფორმების პრო­ცესში;

დ) სამინისტროში მიმდინარე პროცესებთან დაკავშირებული ოფიციალური შეტყობინებების, განცხადებებისა და სხვა საინ­ფორ­მა­ციო მასალების მომზადება და მათი მასობრივი საინფორ­მაციო საშუალებებისათვის მიწოდება;

ე) სამინისტროს მიერ ორგანიზებული ღონისძიებებისა და მიღე­ბულ გადაწყვეტილებათა შესახებ მასობრივი ინფორმაციის საშუა­ლებების ინფორმირება;

ვ) საჯარო ინფორმაციის ხელმისაწვდომობა.“.