დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „ორმაგი დანიშნულების პროდუქციის ექსპორტის, იმპორტის, რეექსპორტის ან ტრანზიტის ნებართვის გაცემის წესისა და ნებართვის ფორმის დამტკიცების შესახებ“ საქართველოს მთავრობის 2011 წლის 1 დეკემბრის #451 დადგენილებაში ცვლილების შეტანის თაობაზე | |
|---|---|
| დოკუმენტის ნომერი | 373 |
| დოკუმენტის მიმღები | საქართველოს მთავრობა |
| მიღების თარიღი | 11/06/2014 |
| დოკუმენტის ტიპი | საქართველოს მთავრობის დადგენილება |
| გამოქვეყნების წყარო, თარიღი | ვებგვერდი, 12/06/2014 |
| ძალაში შესვლის თარიღი | 01/07/2014 |
| ძალის დაკარგვის თარიღი | 01/10/2014 |
| სარეგისტრაციო კოდი | 300390000.10.003.017993 |
|
„ორმაგი დანიშნულების პროდუქციის ექსპორტის, იმპორტის, რეექსპორტის ან ტრანზიტის ნებართვის გაცემის წესისა და ნებართვის ფორმის დამტკიცების შესახებ“ საქართველოს მთავრობის 2011 წლის 1 დეკემბრის №451 დადგენილებაში ცვლილების შეტანის თაობაზე
|
| მუხლი 1 |
„ნორმატიული აქტების შესახებ“ საქართველოს კანონის მე‑20 მუხლის მე‑4 პუნქტის შესაბამისად, „ორმაგი დანიშნულების პროდუქციის ექსპორტის, იმპორტის, რეექსპორტის ან ტრანზიტის ნებართვის გაცემის წესისა და ნებართვის ფორმის დამტკიცების შესახებ“ საქართველოს მთავრობის 2011 წლის 1 დეკემბრის №451 დადგენილებაში (www.matsne.gov.ge, 06/12/2011, 300390000.10.003.016611) შეტანილ იქნეს ცვლილება და დადგენილებით დამტკიცებული „ორმაგი დანიშნულების პროდუქციის ექსპორტის, იმპორტის, რეექსპორტის ან ტრანზიტის ნებართვის გაცემის წესის (დანართი №1) მე‑5 მუხლის პირველი და მე‑2 პუნქტები ჩამოყალიბდეს შემდეგი რედაქციით:
„1. ნებართვა გაიცემა „ლიცენზიების, ნებართვებისა და სერტიფიკატების ერთიანი ელექტრონული სისტემის“ გამოყენებით. „ლიცენზიების, ნებართვებისა და სერტიფიკატების ერთიანი ელექტრონული სისტემის“ მეშვეობით გაცემული ნებართვის ორიგინალს და მის ელექტრონულ ვერსიას აქვთ თანაბარი იურიდიული ძალა. 2. იმ შემთხვევაში, თუ ტექნიკური ან სხვა მიზეზით არ ხერხდება ნებართვის გაცემა „ლიცენზიების, ნებართვებისა და სერტიფიკატების ერთიანი ელექტრონული სისტემის“ გამოყენებით, შესაძლებელია ნებართვა გაიცეს წერილობით, მაგრამ ხარვეზის აღმოფხვრისთანავე ნებართვა უნდა აიტვირთოს „ლიცენზიების, ნებართვებისა და სერტიფიკატების ერთიან ელექტრონულ სისტემაში.“. |
| მუხლი 2 |
დადგენილება ამოქმედდეს 2014 წლის 1 ივლისიდან.
|
|
დოკუმენტის კომენტარები